26-Apr-2022

(ଅମୃତ ନନ୍ଦ ଙ୍କ ରିପୋର୍ଟ)
ଗୃହଲକ୍ଷ୍ମୀଙ୍କୁ ଲକ୍ଷପତି କରାଇବ ଜୀ ସାର୍ଥକ । ଲୋକପ୍ର୍ରିୟ ଓଡିଆ ମନୋରଂଜନ ଚ୍ୟାନେଲ ଜୀ ସାର୍ଥକରେ ଏନେଇ ଆରମ୍ଭ ହୋଇ ଯାଇଛି ଏକ ମେଗା ପ୍ରତିଯୋଗିତା । ଯାହାର ନାଁ ରହିଛି "ହାତରେ ରିମୋଟ୍ ଧରିଲେ ଗୃହଲକ୍ଷ୍ମୀ, ଦେଖିଲେ ଜୀ ସାର୍ଥକ ଆସିବେ ଲକ୍ଷ୍ମୀ" । ଏପ୍ରିଲ ୯ରୁ ଆରମ୍ଭ ହୋଇଥିବା ଏହି ପ୍ରତିଯୋଗିତା ମେ ୨୮ ତାରିଖ ପର୍ଯ୍ୟନ୍ତ ଚାଲିବ । ତେବେ ପ୍ରତିଦିନ ସନ୍ଧ୍ୟା ୭.୩୦ରୁ ରାତି ୧୦ ଟା ଭିତରେ ପ୍ରସାରିତ ହେଉଥିବା ଧାରାବାହିକ ସମୟରେ ଚ୍ୟାନେଲ ତରଫରୁ ପଚରାଯିବ କିଛି ସରଳ ପ୍ରଶ୍ନ । ଯାହାର ଉତ୍ତର ଦେଇ ଗୃହଲକ୍ଷ୍ମୀ ହୋଇପାରିବେ ଲକ୍ଷପତି । ଏଥିରେ ଭାଗ ନେବା ପାଇଁ ଟିଭି ସ୍କ୍ରିନରେ ଦିଆ ଯାଇଥିବା ନମ୍ବରରେ ମିସଡ କଲ କରିବାକୁ ହେବ । ପ୍ରତିଦିନ ସଠିକ୍ ଉତ୍ତର ଦେଇଥିବା ୧୦ ଜଣ ଭାଗ୍ୟଶାଳୀ ବିଜେତାଙ୍କୁ ୧୦୦୦ଟଙ୍କାର ଭାଉଚର ମିଳିବ । ତେବେ ପୁରା ପ୍ରତିଯୋଗୀତାରେ ଜଣେ ମେଗା ବିଜେତାଙ୍କୁ ୧ଲକ୍ଷ ଟଙ୍କା ନଗଦ ମିଳିବ ବୋଲି ଘୋଷଣା କରାଯାଇଛି । ଦର୍ଶକମାନେ ଏହାର ଲାଭ ଉଠାଇବାକୁ ଚ୍ୟାନେଲ ପକ୍ଷରୁ କୁହାଯାଇଛି ।