21-Apr-2022

ଟିଟିଲାଗଡ଼/ସିହିନି(ପ୍ରେରଣା ଖବର) :  ଆଜି ଗୁରୁବାର ସକାଳ ୧୦ ଘଣ୍ଟା ସମୟରେ ବିଦ୍ୟାଳୟରେ ଅଷ୍ଟମ ଶ୍ରେଣୀ ଛାତ୍ରଛାତ୍ରୀ ମାନଙ୍କ ବିଦାୟକାଳୀନ ସମ୍ବର୍ଦ୍ଧନା ଉତ୍ସବ ପାଳିତ ହୋଇଯାଇଛି । ଉତ୍ସବରେ ଟିଟିଲାଗଡ଼ ବ୍ଲକ ଆଞ୍ଚଳିକ ସାଧନ କେନ୍ଦ୍ର-ସିହିନୀ ର ସି ଆର୍ ସି ସି ଶ୍ରୀ ବବୁଲୁ ଜାଲ ମୁଖ୍ୟ ଅତିଥି ଭାବରେ ଯୋଗଦେଇ ଛାତ୍ରଛାତ୍ରୀ ମାନଙ୍କୁ ଶୃଙ୍ଖଳା ଜ୍ଞାନର ଆବଶ୍ୟକତା ଉପରେ ଆଲୋକପାତ କରିଥିଲେ। ପ୍ରଧାନ ଶିକ୍ଷକ ଗୋବିନ୍ଦ ମେହେର ସଭାରେ ସଭାପତିତ୍ବ କରିଥିଲେ ଏବଂ ସେ ସେମାନଙ୍କର ଉଜ୍ଜ୍ଵଳ ଭବିଷ୍ୟତ ପାଇଁ ଦିଗଦର୍ଶନ ଦେଇଥିଲେ । ସମ୍ମାନିତ ଅତିଥି ଭାବେ ବିଦ୍ୟାଳୟ ପରିଚାଳନା

କମିଟି ସଭାପତି ଶ୍ରୀ ଟିକ୍ନୁ କୁମ୍ଭାର ଯୋଗଦେଇ ଶିକ୍ଷାର ଅଧିକାର ଆଇନ ଉପରେ ଆଲୋକପାତ କରିଥିଲେ। ଶ୍ରୀ ତପ୍ନେଶ୍ୱର ଠାକୁର ବରିଷ୍ଠ ଶିକ୍ଷକ ସ୍ଵାଗତ ଭାଷଣ ଦେଇଥିବା ବେଳେ କନିଷ୍ଠା ଶିକ୍ଷକ ପ୍ରଶାନ୍ତ ସାହୁ  ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ। ଶିକ୍ଷୟିତ୍ରୀ ଅରୁଣା ଅରୁନ୍ଧତୀ ପ୍ରୀୟଲେଖା , ଅସୀମା ଲାକ୍ରା, ଶିକ୍ଷକ ସମ୍ଭୁ ପ୍ରସାଦ ଦୀପ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ।