21-Apr-2022

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ): ଏହା ପ୍ରକୃତରେ ଖଣିଜଦ୍ରବ୍ୟ କି  ? ଏ  ଖଣିଜଦ୍ରବ୍ୟ ମାଙ୍ଗାନିଜ୍ , ମାଙ୍ଗାନିଜ୍ ଓର୍ , ଲୁହାପଥର ନା ମାଟିଗୋଡିପଥର ?ଏହା କେଉଁଠି ଥିଲା ? ? ? ?  ଖଣିରେ ନା ବାହାରେ  ? ?

ଏହାର ମାଲିକାନା କାହାର ?
ଏହା କେଉଁ ବିଭାଗର ? ଖଣିବିଭାଗର , ବନବିଭାଗର ନା ରାଜସ୍ୱ ବିଭାଗର  ???

ଗିରଫ ଅଭିଯୁକ୍ତମାନେ କିଏ  ?????
ଚୋର ନା ଚୋରାଚାଲାଣକାରୀ  ?? ନା ମାଲିକର ଆଦେଶରେ କେବଳ ବୁହାଳି ଚାକର  ??
ସେମାନଙ୍କ ବୟାନର ସତ୍ୟତା କେତେ  ?
ଗଣମାଧ୍ୟମରେ ପ୍ରକାଶିତ ରିପୋର୍ଟର ଗ୍ରହଣୀୟତା କେତେ ?  ସୁନୀଲ୍ ଶ୍ରୀବାସ୍ତବ କିଏ  ? ଖଣିମାଫିଆ ଅଣଓଡିଆ କେଉଁମାନେ ? କାହାଘରେ କିଏ ରହିଲା ବା କେଉଁଠି କିଏ କେବେ ଠିଆହେଇଥିଲାବେଳେ ଫଟୋ ଉଠିଲା , ଏଥିରେ କେଉଁ ରାଜନେତା କି କେଉଁ ବିଧାୟକଙ୍କର ସମ୍ପୃକ୍ତି ପ୍ରମାଣିତ ହେଲା କିପରି  ?  ଏହି ମାମଲାର ଟଣାଟଣିର ଦୈର୍ଘ୍ଯ ବା ସ୍ଥିତିସ୍ଥାପକତା ( ଇଲାଷ୍ଟିସିଟି ) ଏତିକି ନା ଆହୁରି ଲମ୍ବିବାର ସମ୍ଭାବନା ଅଛି , ତାହା ଏତେଦିନ ହେଲାଣି ସ୍ଥିର ରହିଲାପରି ଜଣାପଡୁଛି  !  ଏଥିରେ ରାଜନୀତି ପୁରାଇବାର ଅପଚେଷ୍ଟାର ସ୍ବାସ୍ଥ୍ୟାବସ୍ଥା ବି ସ୍ଥିର ରହିଛି ।  ଏଣୁ ଏବେ ଆପାତତଃ ରହସ୍ୟରେ ରହିଯାଇଥିବା ତଥାକଥିତ ଚମ୍ପାସର ମାଙ୍ଗାନିଜ୍ ଚୋରାଚାଲାଣ ମାମଲା ତଦନ୍ତର ଲୋକେ ଏହିପରି ବିଲୁଆବିଚାର କରୁଛନ୍ତି । ଜୟକଳା  !

ଏବେ ଏଇସବୁ ପ୍ରଶ୍ନ ମୁଣ୍ଡ ଟେକିଲାଣି ।  ଯେଉଁ  ମାଙ୍ଗାନିଜ୍ ଓର୍ ବୋଲି ମାଟିପଥରଗଦାରୁ କିଛି  ମାଟି ପରୀକ୍ଷାପାଇଁ ନେବାକୁ ଆସିଥିଲାବେଳେ ଗ୍ରାମର କିଛି ଲୋକ ସନ୍ଦେହରେ ଲରମ୍ଭାଥାନା ପୁଲିସ୍ କୁ ଚୋରିହେଉଛି ବୋଲି ଖବର ଦେଲେ  ବା ସେଇବାଟ ଦେଇ କେତେବେଳେ ରୁଷୁ ଓ ଆଉ ଜଣେ ଯିବାଆସିବା କରୁଥିବା କହିଲେ ବୋଲି ପ୍ରକାଶ ପାଇଲା ; ୟା'ର ଯୋଗସୂତ୍ରରୁ କ'ଣ ବାହାରିଲା  ? ପୁଣି ପ୍ରକାଶ ପାଇଛି ଯେ , ଜଣେ ଆଦିବାସୀଙ୍କର ଜମିଜାଗାରେ ଗଦାହେଇଥିବା ହଜାର ହଜାର ଟ୍ରିପ୍ ମାଙ୍ଗାନିଜ୍ ଅନ୍ୟ ଜଣେ ମାଲିକଙ୍କର । ଏବଂ ତା'କୁ ଜଗିବା ବା ତାହା କିଏ , କାହିଁକି ନେଲା ; ଖଣିବାଲେ , ରାଜସ୍ୱବାଲେ , ଜିଲ୍ଲାପ୍ରଶାସନ ବା ଜିଲ୍ଲାପାଳ ଜାଣି ପଦକ୍ଷେପ ନେବା କଥା  ? ଏବେ ତଦନ୍ତକାରୀ ସାମ୍ନାରେ ଏମିତି ଅନେକ ପ୍ରଶ୍ନ ଓ ପ୍ରସଙ୍ଗ । ଏଥିରେ ତଦନ୍ତ ଆଗକୁ ବଢିବ , କେମିତି ବଢିବ ଓ କେତେଦୂର ବଢିବ ; ଦେଖିବାକୁ ବାକି ରହିଲା ?ଶୁଣାଯାଇଥିଲା ଯେ , ଏହାର ତଦନ୍ତ ସକାଶେ ପୁଲିସ୍ ଏକ ସ୍ବତନ୍ତ୍ର ଟିମ୍ ଗଠନକରିଛି ଓ ସେମାନେ ବ୍ରଜରାଜନଗର ଯାଇ ସେଠାରେ ଘଟଣାର ମାଷ୍ଟର୍ ମାଇଣ୍ଡ୍ ସୁନୀଲ୍ ଶ୍ରୀବାସ୍ତବଙ୍କୁ ଖୋଜାଖୋଜି ଚଳାଇଛନ୍ତି । ତେବେ ଏହି ମାମଲାର ଉପରୋକ୍ତ ଦିଗଗୁଡ଼ିକ ରହିଥିଲାବେଳେ ଲରମ୍ଭା ବନାମ ପାଟଣାଗଡ ବନାମ ବଲାଙ୍ଗୀର ପୁଲିସ୍  ଯାଇ ବ୍ରଜରାଜନଗର , ଝାରସୁଗୁଡା , ସମ୍ବଲପୁର , ପଦ୍ମପୁର , ବ୍ରହ୍ମପୁର , ଛତିଶଗଡ , ଚମ୍ପା , ଉତ୍ତରପ୍ରଦେଶ କେତେଆଡେ ବୁଲି ବୁଲି ଏହାର ଚେର ଓପାଡିବ ; ଭବିଷ୍ୟତ କହିବ  ?