19-Apr-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) : ୧୫ ଜାନୁଆରୀ ୨୦୧୯ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବଲାଙ୍ଗୀର ଗସ୍ତରେ ଆସି ଷଷ୍ଠ ରୁ ନବମ ଶତାବ୍ଦୀ ମଧ୍ୟର ଐତିହ୍ଯସମ୍ପନ୍ନ ଯୋଗିନୀ ପୀଠ ରାଣୀପୁର ଝରିଆଲ ମନ୍ଦିର ସମୁହ କୀର୍ତ୍ତିରାଜିର ନବୀକରଣ ଓ ସଂରକ୍ଷଣ ପାଇଁ ଶୁଭ ଉଦଘାଟନ କରିଥିଲେ। ମୋଦିଜୀଙ୍କ ସେହି ଘୋଷଣାକୁ ୩ ବର୍ଷ ୩ ମାସ ହେଲାଣି ହେଲେ ସଂରକ୍ଷଣ ଓ ଉନ୍ନତିକରଣ କହିଲେ କେବଳ ପଥର ନିର୍ମିତ ଚାରୋଟି

ଚେୟାର ଓ କିଛି ଲେଖା ହୋଇନଥିବା ଏକ ନାମ ଫଳକ ଛଡା ଉନ୍ନତି ଓ ବିକାଶ ଏହି ପୀଠର ଏ ପର୍ଯ୍ୟନ୍ତ ପହଞ୍ଚି ପାରିନାହିଁ। ୨୦୧୯ ରେ ମୋଦୀଙ୍କ ରାଣୀପୁର ଝରିଆଲ ପୀଠର ଉନ୍ନତିକରଣ ଘୋଷଣା ପରେ ଏହି ଜିଲ୍ଲାରେ ଅବସ୍ଥିତ ଆଉ ଏକ ପ୍ରମୁଖ ପର୍ଯ୍ୟଟନ ସ୍ଥଳୀ ହରିଶଙ୍କରକୁ ଓଡିଶା ସରକାର ଉନ୍ନତିକରଣ ପାଇଁ ଘୋଷଣା କରିବା ସହ ହରିଶଙ୍କରରେ ବିଭିନ୍ନ ଉନ୍ନୟନମୂଳକ କାର୍ଯ୍ୟକ୍ରମ ଚାଳୁରହିଛି। ଗୁରୁତ୍ବପୂର୍ଣ୍ଣ କଥା ହେଉଛି ଏ ମଧ୍ଯରେ ବଲାଙ୍ଗୀର ଜିଲ୍ଲାରୁ ଲୋକସଭା ସଦସ୍ଯା ଭାବେ ବିଜେପି ଦଳରୁ ପାଟଣା ମହାରାଣୀ ସଙ୍ଗିତା ସିଂହଦେଓ ନିର୍ବାଚନ ଜିତି ଜିଲ୍ଲାର ପ୍ରତିନିଧିତ୍ବ କରୁଛନ୍ତି। କିଛି ମାସ ତଳେ କେନ୍ଦ୍ର ରେଳବାଇ ମନ୍ତ୍ରୀ ବଲାଙ୍ଗୀର ଗସ୍ତ କରି ଜିଲ୍ଲାର ବିଭିନ୍ନ ଅଞ୍ଚଳ ସହ ବଙ୍ଗୋମୁଣ୍ଡା  ଗୋଳେଇ ଛକ ରେ ମଧ୍ଯ ଏକ କାର୍ଯ୍ୟକ୍ରମ କରିଥିଲେ। ଏବଂ ଦୁଇ ଦିନ ତଳେ ଓଡ଼ିଶାର ଆକାଂକ୍ଷା ଜିଲ୍ଲା ମାନଙ୍କ ମଧ୍ଯରୁ ଗୋଟିଏ ବଲାଙ୍ଗୀର କୁ କେନ୍ଦ୍ର ମନ୍ତ୍ରୀ ସାଧ୍ଵୀ ନିରଞ୍ଜନ ଜ୍ୟୋତି ଗସ୍ତରେ ଆସି ବିଭିନ୍ନ କାର୍ଯ୍ୟକ୍ରମ ରେ ଯୋଗ ଦେଇଥିଲେ ହେଲେ ରାଣୀପୁର ଝରିଆଲର ବିକାଶ ପାଇଁ ପ୍ରଧାନମନ୍ତ୍ରୀଙ୍କ ଘୋଷଣା ବିଷୟରେ କିଛି ବି କହିଲେ ନାହିଁ । ଠିକ ଦୁଇଦିନ ପରେ ବଲାଙ୍ଗୀର ଜିଲ୍ଲା ବିଜେପି ସଭାପତି, ସମ୍ପାଦକ, ନୋମିନୀ ଭଲି ବିଜେପି ଦଳର ଗୁରୁତ୍ବ ବହନ କରୁଥିବା ଦଳୀୟ କର୍ମୀ ରାଣୀପୁର ଝରିଆଲ ରେ

ବିଶ୍ବ ଐତିହ୍ଯ ଦିବସରେ ଐତିହ୍ଯ ସମ୍ପନ୍ନ ଯୋଗିନୀପିଠ ରେ ସ୍ବଛ୍ଛଭାରତ ଅଭିଯାନ କାର୍ଯ୍ୟକ୍ରମ କରି କଣ ସୂଚିତ କରିବା ପାଇଁ ଚାହୁଁଛନ୍ତି ବୋଳି ଅଞ୍ଚଳରେ ଚର୍ଚ୍ଚା ଜୋର ଧରିଛି । ପ୍ରକାଶ ଥାଉକି କିଛିବର୍ଷ ତଳେ ବର୍ତ୍ତମାନର ବିଜେପି ଜିଲ୍ଲା ସଭାପତି ଶିବାଜୀ ମହାନ୍ତି ଏହିପୀଠର ପ୍ରଚାର ପ୍ରସାର ଓ ଉନ୍ନତୀର ଚିନ୍ତା ରଖି ଝରିଆଲ ମହୋତ୍ସବ ଭଳି ଏକ କାର୍ଯ୍ୟକ୍ରମ ଜରିଆରେ ବହୁ ଲୋକଙ୍କ ଦୃଷ୍ଟି ଆକର୍ଷଣ କରି ପାରିଥିଲେ। ତେବେ ବର୍ତ୍ତମାନ ଲୋକ ସଭା ସଦସ୍ଯା ଠାରୁ ଆରମ୍ଭ କରି କେନ୍ଦ୍ର ସରକାର ମଧ୍ଯ ବିଜେପିର। ତଥାପି ଖୋଦ ପ୍ରଧାନମନ୍ତ୍ରୀ ଶୁଭ ଉଦଘାଟନ କରିଥିବା କାମ ଆଗେଇ ପାରିନଥିବା ଜିଲ୍ଲା ସ୍ତରର ନେତା ମାନଙ୍କ ଅପାରଗତା କୁ ଦର୍ଶାଉ ନାହିଁ କି ବୋଳି ପ୍ରଶ୍ନ ହେବା ସ୍ବାଭାବିକ। ସେପରି ସମୟରେ ରାଣୀପୁର ଝରିଆଲ ପୀଠରେ ବିଶ୍ବ ଐତିହ୍ଯ ଦିବସ ଅବସରରେ ସ୍ବଛ୍ଛଭାରତ ଅଭିଯାନ କରି ବିଜେପି ଦଳର କର୍ମୀ ଓ ପଦାଧିକାରୀ ଠିକ ୩ ବର୍ଷ ୩ ମାସ ତଳର ଘଟଣାକୁ ଉଦ୍ଜୀବିତ କରି ପୁଣିଥରେ କଣ ସୁଚାଇବାକୁ ଚାହୁଁଛନ୍ତି ବୋଲି ଅଞ୍ଚଳରେ ଚର୍ଚ୍ଚା ହେବା ସ୍ବାଭାବିକ। ଏହାକୁନେଇ ଜିଲ୍ଲା ସଭାପତି ଶିବାଜୀ ମହାନ୍ତିଙ୍କୁ ପଚାରିବାରୁ ସେ କହିଥିଲେ ମୋଦିଜୀ ଉଦଘାଟନ କରିବା ହିଁ ଏକ ବଡକଥା ହେଲେ ମୋଦିଜୀ ନିଜେ କଣ କାମ କରି ଆସିବେ କି, ନା ପ୍ରଶାସନ କରିବ ଆଉ ଏଥିରେ ରାଜ୍ଯ ସରକାରଙ୍କ ବି ଭୁମିକା ଅଛି ତାଙ୍କର ବିଭିନ୍ନ ଏଜେନ୍ସି ଏ ଦିଗରେ କାମ କରନ୍ତି ସେମାନେ ଏ ଦିଗରେ ଆଗଭର ହୋଇ କାମ କରୁ ନ ଥିବାରୁ ଏପରି ସ୍ଥିତି ହୋଇଛି ବୋଳି କହିଥିଲେ। ତେବେ  ସ୍ବଛ୍ଛଭାରତ ଅଭିଯାନ ରେ ଅନ୍ୟମାନଙ୍କ ମଧ୍ଯରେ ଜିଲ୍ଲା ସଭାପତି ଶିବାଜୀ ମହାନ୍ତି, ସମ୍ପାଦକ ଅନିଲ ନାଏକ, ବଙ୍ଗୋମୁଣ୍ଡା ବ୍ଲକ ସାଂସଦ ପ୍ରତିନିଧି ଅର୍ଜୁନ ଯାଦବ, ସିନ୍ଧେକେଲା ଜୋନ ଜିଲ୍ଲାପରିଷଦ ସଦସ୍ଯ ଦାମୁ ସୁନା, ସିନ୍ଧେକେଲା ମଣ୍ଡଳ ସଭାପତି ମୁନିରାମ ନାଗ, ବିଏଲଏସି ପ୍ରତିନିଧି ଥବିର ବାଗ, ନରସିଂହ ଥନାପତୀ, ରୋହିତ ସାହୁ ,କ୍ଷେତ୍ର ବେହେରା ପ୍ରମୁଖ ସାମିଲ ହୋଇଥିଲେ ।