30-Sep-2020

ପାଟଣାଗଡ଼ ତା ୩୦.୯ ପାଟଣାଗଡ଼ ବ୍ଳକ ଅନ୍ତର୍ଗତ କବି ଜନ୍ମ ଭୂମି କଲଙ୍ଗାପାଲି ଠାରେ କୋଶଳୀ କବି ସ୍ବର୍ଗତ ଇନ୍ଦ୍ର ମଣି ସାହୁ ଙ୍କ ଜନ୍ମ ଜୟନ୍ତୀ  କୋଭିଡ ନିୟମ ମୁତାବକ ନିରାଡମ୍ବର ଭାବେ  ପାଳିତ ହୋଇଯାଇଛି।  ସଭାପତି ଶ୍ରୀ କାର୍ତ୍ତିକ ସାହୁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସ୍ମୃତି ସଭାରେ କବି ଙ୍କ ଫୋଟୋ ଚିତ୍ର ରେ ପୂଜାର୍ଚ୍ଚନା ପୁଷ୍ପ ମାଲ୍ୟାର୍ପଣ କରିଯାଇଥଲା ।। ଏଥିରେ ବିଶିଷ୍ଟ କଂଗ୍ରେସ ନେତା ଶ୍ରୀରମେଶ ଚନ୍ଦ୍ର ପୁରୋହିତ ମୂଖ୍ୟ ଅତିଥି , ବିଶିଷ୍ଟ ଚାଷୀ ନେତା ଯତିପଧାନ , ଜିଲ୍ଲା ଆଦିବାସୀ କଲ୍ୟାଣ ସଂଘ ପାଟଣାଗଡ ଶାଖା ଯୁଗ୍ମ ସଂପାଦକ ଗିରିଧାରୀ ଭୋଇ , କୋଶଳ ସଂଗ୍ରାମୀ ଅଚ୍ୟୁତ ସିପୁନ ଖମାରି , ବନମାଳୀ ନାଏକ ସମ୍ମାନିତ ଅତିଥି , , ନକୁଳ ସାହୁ , ମୋହନ ସାହୁ ,ବିରସାହୁ ,ପ୍ରିୟ ବ୍ରତ ଚନ୍ଦନ , ସିତାରାମ ମେହେର ଟୁକୁ ପ୍ରିୟ ବ୍ରତ ପଣ୍ଡା , ରାଜକୁମାର ସାହୁ ପ୍ରମୁଖ ନିମନ୍ତ୍ରିତ ଅତିଥିଭାବେ ଯୋଗଦେଇ କବିଙ୍କ ସ୍ମୃତି ଚାରଣ କରିଥିଲେ ।।‌ ସ୍ବର୍ଗତ କୋଶଳୀ କବି ଙ୍କ ଲିଖିତ ସାତଖଣ୍ଡ କୋଶଳୀ ରାମାୟଣ ମଧ୍ୟରୁ ପ୍ରଥମ ଖଣ୍ଡ ମୁଦ୍ରଣ ହୋଇ ଥିବା ବେଳେ ଆଉ ଛଅ ଖଣ୍ଡ ପାଣ୍ଡୁଲିପି ମୁଦ୍ରଣ ନହୋଇ ରହିଛି। ତାହା କୁ  ମୁଦ୍ରଣ ସକାଶେ ସମସ୍ତଙ୍କ ଆର୍ଥିକ  ସହଯୋଗ ରେ  ମୁଦ୍ରଣ କରାଯିବ ବୋଲି ନିଷ୍ପତ୍ତି ନିଆଯାଇଥିବା ବେଳେ ବଦ୍ୟଦାନ ବ୍ୟକ୍ତି ବିଶେଷ ଙ୍କୁ ସହଯୋଗ କରିବାକୁ ଅନୁରୋଧ କରାଯାଇଥିଲା । କବି ଙ୍କ ଜନ୍ମ ଜୟନ୍ତୀ ଦିନ କୁ ସରକାରୀ ସ୍ତରରେ ପାଳନ କରାଯିବା ଙ୍କୁ  ସରକାର ଙ୍କୁ ଆହ୍ୱାନ କରାଯାଇଥିଲା । ସ୍ବର୍ଗତ କବି ଙ୍କୁ ମରଣୋତ୍ତର ପଦ୍ମଶ୍ରୀ ପୁରସ୍କାର ଘୋଷଣା କରାଯିବା କୁ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ନିକଟରେ ଦାବି ଉପସ୍ଥାପନ କରାଯିବାକୁ ନିଷ୍ପତ୍ତି ନିଆଯାଇଥିଲା  କଢୋ ସାହିତ୍ୟ ପତ୍ରିକା ସମ୍ପାଦକ ତଥା କୋଶଳୀ କବି କ୍ଷିରୋଦ୍ର କୁମାର ସାହୁ ପରିଚାଳନା କରିଥିବା ବେଳେ ମୁଷିକ ବାହାନ ଚନ୍ଦନ ଧନ୍ୟବାଦ ଅର୍ପଣ କରିଥିଲେ