18-Nov-2020

ଟିଟିଲାଗଡ଼, (ପ୍ରେରଣା ଖବର) - ବଲାଙ୍ଗୀର ଜିଲ୍ଲାର ଟିଟିଲାଗଡ଼ ଥାନା ଅନ୍ତର୍ଗତ କନର୍ଲା ଗ୍ରାମ ର ଝର ତାଣ୍ଡି (ଛଦ୍ମନାମ) ନାମ୍ନୀ ଜଣେ ୨୧ ବର୍ଷୀୟ ଯୁବତୀ କୁ ବିବାହ ପ୍ରଲୋଭନ ଦେଖାଇ ଉକ୍ତ ଗ୍ରାମର ଜଣେ ଯୁବକ ସହ ଫେରାର ହୋଇଯିବା ଓ ଦୁଇ ମାସ ସ୍ତ୍ରୀ ପରି ରଖି ଶାରୀରିକ ସମ୍ପର୍କ ସ୍ଥାପନ କରି ପରେ  ଅନ୍ୟ ଜଣେ ଯୁବକ ସହ ତାକୁ ଛାଡି ଦେଇଥିବା ବେଳେ ସେ ଆଠ ମାସ କାଳ ସ୍ତ୍ରୀ ପରି ରଖୀ ସେ ସାତ ମାସର  ଗର୍ଭବତୀ ହେବା ଜାଣି ସେ ମଧ୍ୟ ଫେରାର ହୋଇଯାଇଥିବା    ଥାନା ରେ ମାମଲା ରୁଜ୍ଜୁ ହୋଇଛି। ସୂଚନା ଅନୁଯାୟୀ,ଟିଟିଲାଗଡ଼ ଥାନା ଅନ୍ତର୍ଗତ କନର୍ଲା ଗ୍ରାମର ଝର ତାଣ୍ଡି(୨୧)(ଛଦ୍ମନାମ) ଉକ୍ତ ଗ୍ରାମର  ଲଳିତ ଚନ୍ଦନ(୨୫) ନାମକ ଜଣେ ଯୁବକ ଙ୍କ ପ୍ରେମ ସମ୍ପର୍କ ସ୍ଥାପନ ହୋଇଥିବା ଓ ସେ ବିବାହ ପ୍ରଲୋଭନ ଦେଖାଇ ଦୁଇ ଜଣ ବେଙ୍ଗଲୋର କୁ ଯାଇ ରହିଥିବା ବେଳେ ଏକ ମାସ ପରେ ଲଳିତ ତାର ଜଣେ ବନ୍ଧୁ ତାପସ ଜାଲ(୨୪) ସହ ସେମାନେ ରହୁଥିବା ଘରକୁ ଡକେଇ ତା ସହ ସମ୍ପର୍କ ରଖିବାକୁ ବାଧ୍ୟ କରିଥିଲା । ଏପରିକି ଜୋର ଜବରଦସ୍ତ ଶାରୀରିକ ସମ୍ପର୍କ ସ୍ଥାପନ କରିବାକୁ ଉଭୟ ବାଧ୍ୟ କରିବା ସହ ନା ନା ପ୍ରକାର ନିର୍ଯ୍ୟାତନା ଦିଆଯାଇଥିବା ଅଭିଯୋଗ କରିଛନ୍ତି।   ପରେ ଉକ୍ତ ଲଳିତ ତାର ସଙ୍ଘ ତାପସ ନାଗ ସହ ଛାଡି କେଉଁଆଡ଼େ ଫେରାର ହୋଇ ଯାଇଥିଲା । ତେବେ  ବାଧ୍ୟ ହୋଇ ଝର ପ୍ରାୟ ଆଠ ମାସ କାଳ ତାପସ ସହ ସ୍ୱାମୀ, ସ୍ତ୍ରୀ ଭାବେ ରହିବାକୁ କହି ବିବାହ କରିବା ପ୍ରତିଶ୍ରୁତି ଦେଇଥିଲା। ତେବେ ଝର ସାତ ମାସର ଗର୍ଭବତୀ ଥିବା ତାପସ ଜାଣି ନିଜ ଘରକୁ ଯାଇ ସ୍ତ୍ରୀ ଭାବେ ରଖିବ କହି ବେଙ୍ଗଲୋର ରୁ ଉଭୟ ଆସି ଟିଟିଲାଗଡ଼ ର ମାଦ୍ରାସୀ  ଲଜ  ରେ ପ୍ରାୟ ସାତ ଦିନ ରହି ସେଠୁ ସେ ଫେରାର ହୋଇ ଯାଇଥିଲା । କୌଣସି ଉପାୟ ନ ପାଇ ନିଜ ପରିବାର ଲୋକଙ୍କୁ ଡକେଇ ଉକ୍ତ0 ଲଜ ରୁ ଝର କୁ ଉଦ୍ଧାର କରିଥିଲେ । ଏ ନେଇ ଟିଟିଲାଗଡ଼ ଥାନା ରେ ଝର ଓ ପରିବାର ଲୋକେ ଏତଲା ଦାୟର କରିଥିଲେ । ଏ ନେଇ ମହିଳା ଓ ଶିଶୁ ଡେସ୍କ ଅଧିକାରୀ ଶ୍ରୀମତୀ ସାବିତ୍ରୀ ସିକା ଭାରତୀୟ ଦଣ୍ଡବିଧାନ ନିୟମ ଅନୁଯାୟୀ ସି ଆର ପି ସି ଧାରା ୧୪୫ ଅନ୍ତର୍ଗତ ଏକ ମାମଲା ସଂଖ୍ୟା -୪୩୮ କ୍ରମେ ଧାରା ୪୯୮-ଏ,୪୯୮,୪୧୭,୩୪ ଅନୁଯାୟୀ ଏକ ମାମଲା ରୁଜ୍ଜୁ କରିଥିବା ବେଳେ ଦୁଇ ଅଭିଯୁକ୍ତ ଫେରାର ଥିବା ଜଣାଯାଇଛି । ଏପରି   ସ୍ଥଳେ ସାତ ମାସର ଗର୍ଭବତୀ ଯୁବତୀ ଙ୍କୁ ତାଙ୍କ ପରିବାର ଲୋକେ ନିଜ ଘରକୁ ନ ନେଇ ଅନ୍ୟତ୍ର ରଖିବା ତାଙ୍କ ସମାଜ ଲୋକେ କହୁଥିବା ବେଳେ ଏବେ ଝର ଅସହାୟ ଅବସ୍ଥାରେ ରହିଛନ୍ତି । ତେବେ ପରିବାର ଲୋକେ ତୁରନ୍ତ ଉକ୍ତ ଅଭିଯୁକ୍ତ ଙ୍କୁ ଗିରଫ କରିବା କୁ ଦାବି କରିଥିବା ବେଳେ ଝର ଯଦି ଅଭିଯୁକ୍ତ ଙ୍କୁ ଗିରଫ ସହ ଉପଯୁକ୍ତ ନ୍ୟାୟ ନ ମିଳେ ତେବେ ସେ ଆତ୍ମହତ୍ୟା କରିବେ ବୋଲି କହିଛନ୍ତି।