24-Mar-2022

ବଲାଙ୍ଗୀର ଜିଲ୍ଲା ସିନ୍ଧେକେଲା ପ୍ରାଥମିକ ବାଳକ ବିଦ୍ୟାଳୟ ଓ ବାଳିକା ବିଦ୍ୟାଳୟ ବହୁ ପୁରୁଣା । ଦିନେ ଅଞ୍ଚଳର ଜଣାଶୁଣା ସ୍କୁଲ ଭାବରେ ପରିଚିତ ଥିବା ଏହି ସ୍କୁଲ ପରିଷର ଏବେ ଅଳିଆ ଗଦା। କରୋନା ମହାମାରି ଯୋଗୁଁ ସରକାର ସ୍କୁଲ କଲେଜ ସବୁ ବନ୍ଦ କରିଥିଲେ । ହେଲେ ପ୍ରାଇଭେଟ ସ୍କୁଲ ମାନଙ୍କ ପ୍ରତି ଅଭିଭାବକ ମାନେ ଆକର୍ଷିତ ହୋଇ ଚାଳିଥିବାରୁ ଏହି ସ୍କୁଲ ଏବେ ପରିତ୍ୟକ୍ତ। ବହୁ ବର୍ଷରୁ ଏହି ସ୍କୁଲ ଶତବାର୍ଷିକୀ ପାଳନ କରି ସାରିଛି । କିନ୍ତୁ ବିଡମ୍ବନାର ବିଷୟ ଗୋଟିଏ ପଟେ ଯୋଉ ସିନ୍ଧେକେଲା ପଲ୍ଲିଶ୍ରୀ ହାଇସ୍କୁଲ କୁ ରାଜ୍ଯ ସରକାର ୫ ଟି ସ୍କୁଲ ଯୋଜନାରେ କାମ କରି ସ୍କୁଲକୁ ଏକ ପ୍ରାଇଭେଟ ସ୍କୁଲରୁ ବି ଭଲ ଚକଚକ କରି ଏ ଅଞ୍ଚଳର ଛାତ୍ରଛାତ୍ରୀଙ୍କ ଭବିଷ୍ୟତ

ଗଠନ କରିବା ଏବଂ ତାଙ୍କୁ ଏକ ଭଲ ପରିବେଶ ଦେବାରେ ସରକାର ଫୋକସ କଲେ । କିନ୍ତୁ ଶହେ ବର୍ଷ ପାର କରି ସାରିଥିବା ପ୍ରାଥମିକ ବିଦ୍ୟାଳୟ କୁ ସମ୍ପୂର୍ଣ୍ଣ ଭାବରେ ସରକାର ତ ଭୁଲିଗଲେ ହେଲେ ଶିକ୍ଷାବିଭାଗ ବି ଏହି ସ୍କୁଲକୁ ଭୁଲିଗଲେ । ଯାହା ଫଳରେ ସ୍କୁଲ ଏବେ ପରିତ୍ୟକ୍ତ। ଆଖପାଖର ଲୋକେ ସ୍କୁଲ ପରିଷର କୁ ଅଳିଆଗଦା ରେ ପରିଣତ କଲେଣି । ଏହାକୁ ନେଇ ଜନ ଅସନ୍ତୋଷ ଦେଖା ଦେଇଛି । ଶିକ୍ଷାବିଭାଗ ଏ ଉପରେ ତୁରନ୍ତ ଦୃଷ୍ଟି ଦେବାସହ ପରିତ୍ୟକ୍ତ କୋଠରୀ ମାନଙ୍କୁ ଭାଙ୍ଗି ସ୍କୁଲ ପରିସରକୁ ସଫାସୁତୁରା ରଖିବା ପାଇଁ ଦାବୀ କରିଛନ୍ତି।