23-Mar-2022

ବଲାଙ୍ଗିର(ପ୍ରେରଣା ଖବର)-ପଶ୍ଚିମ ଓଡିଶାର ବଲାଙ୍ଗିର ମହିଳା ମହାବିଦ୍ୟାଳୟ ବଲାଙ୍ଗିରର ଏକ ଅନ୍ୟତମ ପୁରୁଣା ଶିକ୍ଷାନୁଷ୍ଠାନ । କିନ୍ତୁ ବର୍ତ୍ତମାନ ଏହି କଲେଜର କଳା ଓ ବିଜ୍ଞାନର ଶିକ୍ଷା ବ୍ୟବସ୍ଥା ଭୁଷୁଡି ଯାଇଛି । ଶ୍ରେଣୀ ଗୃହ ଅଛି କିନ୍ତୁ ଶିକ୍ଷକ କିମ୍ବା କମର୍ଚାରୀ ପଦବୀ ଖାଲି ପଡିଛି । ଛାତ୍ରୀ ମାନେ ପାଠ ନ ପଢି କଲେଜ ପ୍ରାଙ୍ଗଣରେ ଏଣେତେଣେ ବୁଲିବାର ଦେଖା ଯାଉଛି । ୨୦୧୫ ବଷର୍ର ଯୁକ୍ତ ଦୁଇ ବିଜ୍ଞାନ ଖୋଲିବା ପାଇଁ ସରକାରଙ୍କ ଚିଠି ସଂଖ୍ୟା ୧୨୩୨୮/ଏଚ୍‌ଇ ତା.୦୯.୦୬.୨୦୧୫ ରେ ଅନୁମତିପ୍ରାପ୍ତ ହୋଇଥିଲା । ସରକାରଙ୍କ ଅନୁମତି ପତ୍ରର ପ୍ରଥମ ବର୍ଷ ଅତିଥି ଅଧ୍ୟାପକ ସହଯୋଗରେ ପାଠ ପଢିବା ପାଇଁ ଉଲ୍ଲେଖ କରାଯାଇଥିଲା । ସେଥିପାଇଁ ୨୦୧୫ ରେ ଯୁକ୍ତ ଦୁଇ ବିଜ୍ଞାନର ଛାତ୍ରୀମାନଙ୍କୁ ପ୍ରବେଶ କରାଇ କୌଣସି ପ୍ରକାରରେ ପାଠ ମଧ୍ୟ ଆରମ୍ଭ କରାଯାଇଥିଲା । ପରିତାପର ବିଷୟ ଯେ ସରକାର ବେଟି ବଚାଓ, ବେଟି ପଢାଓ ନାରା ଦେଉଥିବା ସମୟରେ ବଲାଙ୍ଗିର ମହିଳା ମହାବିଦ୍ୟାଳୟରେ ଏହାର ବ୍ୟତିକ୍ରମ ଘଟିଛି । ବିଜ୍ଞାନ ମହାବିଦ୍ୟାଳୟ ଖୋଲିବାର ୭ ବର୍ଷ ଭିତରେ ଗୋଟିଏ ମଧ୍ୟ ଅଧ୍ୟାପକ କିମ୍ବା ଅଧ୍ୟାପିକା ନିଯୁକ୍ତି ହୋଇନାହାନ୍ତି ।   ପରୀକ୍ଷାଗାର ଏସିଷ୍ଟାଣ୍ଡ କିମ୍ବା ଅଣଶିକ୍ଷକ ପଦ ମଧ୍ୟ ସମ୍ପୁର୍ଣ୍ଣ ଖାଲି ପଡିଛି । ମୋଟାମୋଟି ହିସାବରେ + ୨ ବିଜ୍ଞାନରେ ୭ ବର୍ଷ ହେଲା ଗୋଟିଏ ମଧ୍ୟ ଶିକ୍ଷକ ବା ଅଣଶିକ୍ଷକ ନିଯୁକ୍ତି ହୋଇ ନାହାନ୍ତି । ସେହିପରି ଯୁକ୍ତ ଦୁଇ କଲେଜ ମୋଟ ୧୩ଟି ଅଧ୍ୟାପକ ପଦରୁ ୧୦ଜଣ ଅଛନ୍ତି କିନ୍ତୁ ସରକାରଙ୍କ ଚିଠି ନଂ.୮୪୧୪/୨୮.୦୨.୨୦୨୨ ଅନୁସlରେ ଶିକ୍ଷକମାନଙ୍କୁ ଯୁକ୍ତ ୩ ର ପାଠ ପଢାଇବା ପାଇଁ ନିର୍ଦ୍ଦେଶ ଆସିଛି । ଅର୍ଥାତ ଯୁକ୍ତ ଦୁଇ କଲେଜ କିପରି ପାଠପଢା ହେବ ତାହା ଏ ପର୍ଯ୍ୟନ୍ତ ପ୍ରଶ୍ନବାଚୀ ସୃଷ୍ଟି କରିଛି । ଯୁକ୍ତ ୩ ରେ ୨୩ଟି ଅଧ୍ୟାପକ ରୁ ମାତ୍ର ୮ଜଣ ଅଛନ୍ତି, ୧୫ଟି ଅଧ୍ୟାପକ ପଦବୀ ଖାଲି ଅଛି । ଦୁଃଖର ବିଷୟ ମହିଳା କଲେଜର ଛାତ୍ରୀ ମାନେ ପ୍ରାୟ ଗୃହ ବିଜ୍ଞାନ ବିଷୟ ଅଧ୍ୟୟନ କରିଥାନ୍ତି କିନ୍ତୁ ଏ ବାବଦରେ ଜଣେ ମଧ୍ୟ ଅଧ୍ୟାପିକା ନାହାନ୍ତି । ଅବଶ୍ୟ ବର୍ତ୍ତମାନ ଯୁକ୍ତ ଦୁଇ ର ଶିକ୍ଷକ ମାନେ ଯୁକ୍ତ ୩ ରେ ପାଠ ପଢାଇବା ପାଇଁ ନିର୍ଦ୍ଦେଶ ଅଛି । ଏପରି ଶୋଚନୀୟ ଅବସ୍ଥlରେ ଅଧ୍ୟକ୍ଷଙ୍କ ପାଖକୁ ଫାଇଲ୍ ଟିଏ ମଧ୍ୟ ପହଞ୍ଚିବାରେ ବାଧା ସୃଷ୍ଟି ହେଉଛି । କାରଣ ଅଣଶିକ୍ଷକ ପଦବୀ ୩୫ଟି ଥିବା ସମୟରେ ବର୍ତ୍ତମାନ କେବଳ ଗୋଟିଏ କିରାଣୀ ସହ ତିନି ଜଣ ଚତୁର୍ଥ ଶ୍ରେଣୀ କର୍ମଚାରୀ ଅଛନ୍ତି । ଏଠାରେ ଲାଇବ୍ରେରୀ ର ନ କହିବା ଭଲ । ଅତିଶୀଘ୍ର କୌଣସି କମର୍ଚାରୀ ନିଯୁକ୍ତି ନ ହେଲେ ଲାଇବ୍ରେରୀ ହଲ୍ ରେ ତାଲା ପଡିଯିବ । 

    ଏଥିପାଇଁ ନାଗରିକ କମିଟିର ଏକ ଉଚ୍ଚସ୍ତରୀୟ ସବ୍ କମିଟିରେ ଥିବା ଚାରି ଜଣ ପୂବର୍ତନ ମହାବିଦ୍ୟାଳୟର ଅଧ୍ୟକ୍ଷ ଯଥା ଡା. ଅଭିମନ୍ୟୁ ମିଶ୍ର, ଡା. ସତ୍ୟବନ୍ତ ବେଦବାକ, ପ୍ରଫେସର ଶେୁଭନ୍ଦ୍ର ତ୍ରିପାଠୀ , ପ୍ରଫେସର ତରୁଣ କୁମାର ମିଶ୍ରଙ୍କ ସହ ଅlବାହକ ବିମଳ କୁମାର ଚୋପଦାର ଓ ସହ-ସଂପାଦକ ଡା. ଚକ୍ରପାଣି ଦାଶ ପ୍ରତିନିଧି ଦଳର ନେତୃତ୍ୱରେ କଲେଜ ପରିଦଶର୍ନ କରି ଭାରlପ୍ରାପ୍ତ ଅଧ୍ୟକ୍ଷ ମନୋରଂଜନ ମିଶ୍ର ଓ ଅନ୍ୟ କମର୍ଚାରୀମାନଙ୍କ ସହ ସାକ୍ଷାତ କରିଥିଲେ । ଏହି ମହିଳା କଲେଜ ର ବିପର୍ଯ୍ୟସ୍ତ ଶିକ୍ଷା ବ୍ୟବସ୍ଥା ଉପେର ଉଦବେ‌ବଗ ପ୍ରକାଶ କରି ନାଗରିକ କମିଟୀର ସଭାପତି ବେଲାରସିଂ ଭୋଇ ଓ ସାଧାରଣ ସଂପାଦକ ମନରଂଜନ ସାହୁ ଏହି ସମସ୍ୟାର ସମାଧାନ ପାଇଁ ସଂପୃକ୍ତ ଉଚ୍ଚ କର୍ତ୍ତୃପକ୍ଷଙ୍କୁ ଜଣାଇ ବିହିତ କାର୍ଯ୍ୟକ୍ରମ ଗ୍ରହଣ କରାଯିବ ବୋଲି କହିଛନ୍ତି ।