22-Mar-2022

ଆଗଲପୁର, (ବିନୋଦ କୁମାର ଦୀପ) ଓଡିଶାରେ ମଦ ବିକ୍ରିକୁ ନେଇ ବିଭିନ୍ନ ଜାଗାରେ ବିଭିନ୍ନ ସଙ୍ଗଠନ ତରଫରୁ ଅନେକ ଆନ୍ଦୋଳନ କରିଆସୁଛନ୍ତି l ମଦ ଦ୍ଵାରା ଅନେକ ପରିବାର ଛାରଖାର ହେଇଯାଉଛି, ଅନେକ ନିରୀହ ଜୀବନ ମଦନିଶା ଯୋଗୁଁ ଚାଲିଯାଉଛି l ଏହି ମଦ ବିକ୍ରୀକୁ ବିରୋଧ କରି ଆଜି ରାଜରାସ୍ତାକୁ ଓହ୍ଲାଇଛନ୍ତି ଅନେକ ସଂଘଠାନ l ଆଜି ବଲାଙ୍ଗୀର ଜିଲ୍ଲାର ଆଗଲପୁର ଠାରେ ମଦ ବିକ୍ରୀକୁ ବିରୋଧ କରି ଅନେକ ସଙ୍ଗଠନ ବିରୋଧ ପ୍ରଦର୍ଶନ କରିଥିଲେ l ହାତରେ ପ୍ଲା କାର୍ଡ ଧରି ମଦବିରୋଧି ସ୍ଲୋଗାନ ଦେଇ ଆଗଲପୁରରେ ବିରୋଧ ପ୍ରଦର୍ଶନ କରିଛନ୍ତି l ଏହି ଅଭିଯାନରେ ଆଗଲପୁରର ବିଭିନ୍ନ ନାରୀ ସଂଗଠନ ଆଗଲପୁର ନାଗରିକ କମିଟି, ଆଗଲପୁର ମା ମାହେଶ୍ୱରୀ ସଙ୍ଗଠନ, ଆଗଲପୁର ଅଂଚଳର ବହୁ ବୁଦ୍ଧିଜୀବୀ ସାମିଲ ହେବାସହ ମା ବୁଢୀମା ସ୍ଵୟଂ ସହାୟକ ଗୋଷ୍ଠୀର ସମ୍ପାଦିକା ଶ୍ରୀମତୀ ସୁଜାତା ମେହେର, ତାପରେ ଆଗଲପୁର ସ୍ଵୟଂ ସହାୟକ ଗୋଷ୍ଠୀର ମହାସଂଘର ସମ୍ପାଦିକା ଶ୍ରୀମତୀ ସୁଜାତା ଛତର, ରିତା ଭରସାଗର, ଗୁରୁବାରି ବଞ୍ଛୋର୍,ଆଗଲପୁର ନାଗରିକ କମିଟିର ଶ୍ରୀ ରାଧାକାନ୍ତ ନାୟକ,ପୂର୍ଣ୍ଣଚନ୍ଦ୍ର ମେହେର,ଅଖିଳ କୁମାର ତ୍ରିପାଠୀ,କୃଷ୍ଣଚନ୍ଦ୍ର ମେହେର , ଓ ମା ମାହେଶ୍ୱରୀ ସଂଗଠନର ସମସ୍ତ କର୍ମକର୍ତ୍ତା ଆନ୍ଦୋଳନରେ ସାମିଲ ହୋଇଥିଲେ l ଆଗଲପୁର ରେ ଦିନକୁ ଦିନ ମଦଯୋଗୁ ଚୋରି ,ଡକାୟତି, ରାହାଜାନୀ ଇତ୍ୟାଦି ବୃଦ୍ଧି ପାଇବାରେ ଲାଗିଛି। ଏ  ବିଷୟକୁ ନେଇ ଆଗଲପୁର ଫାଣ୍ଡି ଅଧିକାରୀକୁ ଫୋନ ଜରିଆରେ ଯୋଗାଯୋଗ କରାଯାଇଛି l ସେ ଏ ବିଷୟରେ ଅବଗତ ଅଛି କହିଵା ସହ ଆଗକୁ ଦୃଢ଼ କାର୍ଯ୍ୟାନୁଷ୍ଠାନ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି l