21-Mar-2022

ବ୍ରହ୍ମପୁର୍ରୋ (ଉମା ମହାରଣା) ଟାରୀ ଜିଲ୍ଲା-୩୨୬୨ର ଗଭର୍ଣ୍ଣର ଶାନ୍ତନୁ କୁମାର ପାଣି ୨୧ ତାରିଖ ଦିନ ବ୍ରହ୍ମପୁର ରୋଟାରୀ କ୍ଳବ ସମୂହର ପରିଦର୍ଶନ ରେ ଆସି ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ  ହ ବିଭିନ୍ନ କାର୍ଯ୍ୟକ୍ରମ ର ଅନୁଧ୍ୟାନ କରିବା ସହ ସମସ୍ତ ନଥି ପତ୍ର ଯାଞ୍ଚ ସହ କିଛି ସକରାତ୍ମକ ପରାମର୍ଶ ଦେଇଛନ୍ତି ।ପରିଦର୍ଶନ ସମୟରେ ଜିଲ୍ଲାର କାର୍ଯ୍ୟକାରୀ ସଂପାଦକ ଶ୍ରୀ ନିବାସ ପୃଷ୍ଟି ସହଯୋଗ କରିଥିଲେ ।କ୍ଳବ ଦ୍ବାରା ଗ୍ରହଣ କରାଯାଇଥିବା ବିଭିନ୍ନ ପ୍ରକଳ୍ପ ଗୁଡିକର ଉପରେ ସନ୍ତୋଷ ପ୍ରକାଶ କରିଥିଲେ ଏବଂ ଆଗାମୀ ଦିନରେ କ୍ଳବର ସଦସ୍ୟ ସଂଖ୍ୟା ବୃଦ୍ଧି କରିବା ପାଇଁ ପରାମର୍ଶ ଦେଇଥିଲେ ।ପରେ ପରେ କ୍ଳବର ସଭାଗୃହରେ ଏକ ସାଧାରଣ ବୈଠକ ଅନୁଷ୍ଠିତ ହୋଇଥିଲା ।ସଭାପତି କାମରାଜୁ ମହାରଣା ଙ୍କସଭାପତି ତ୍ବରେ ଅନୁଷ୍ଠିତ ଏଇ ବୈଠକରେ  ଗଭର୍ଣ୍ଣର  ପାଣି ମୁଖ୍ୟ ଅତିଥି ଭାବେ ଯୋଗଦେଇ  ଉପସ୍ଥିତ ରୋଟାରିଆଅନ ତଥା ଜନସାଧାରଣଙ୍କୁ ରୋଟାରୀର ସାଂପ୍ରତିକ କାର୍ଯ୍ୟଧାରା ଓ ରୋଟାରୀ ଆନ୍ ମାନଙ୍କ କର୍ତ୍ତବ୍ୟ ଉପରେ ଆଲୋକପାତ କରିଥିଲେ । ଆସିଷ୍ଟାଣ୍ଟ ଗଭର୍ଣ୍ଣର ଅଜୟ ବୈଶ୍ୟରାଜୁ ସମ୍ମାନିତ ଅତିଥି ଭାବେ ଯୋଗଦେଇ ବକ୍ତବ୍ଯ ରଖିଥିଲେ ।ଏଇ ଅବସରରେ ଡାକ୍ତର ଗୌରବ କୁମାର ସାହୁ, ଡାକ୍ତର ଅର୍ପିତା ମହାନ୍ତି ଓ ଡାକ୍ତର ଦୀପକ କୁମାର  ଚୌଧୁରୀଙ୍କୁ ନୂତନ ସଭ୍ୟ ଭାବେ ଗ୍ରହଣ କରାଯାଇ ଗଭର୍ଣ୍ଣରଙ୍କ ଦ୍ବାରା ରୋଟାରୀ ପିନ୍ ପ୍ରଦାନ କରାଯାଇଥିଲା ।ଏଇ କାର୍ଯ୍ୟକ୍ରମରେ ପୂର୍ବତନ ସଭାପତି ଡାକ୍ତର ସମ୍ବିତ ବେଗ୍ ରାୟ ସଂଯୋଜନା କରି ଥବା ବେଳେ ସଂପାଦକ ଜୟନ୍ତ କିଶୋର ପାତ୍ର, ରାଜେଶ୍ବର ରାଓ, ପ୍ରଦୀପ କୁମାର ପଣ୍ଡା, ଜଗଜୀବନ ପାତ୍ର, ଗଦାଧର ରାଉଳ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ଏବଂ ଶେଷରେ ପ୍ରାକ୍ତନ ସଭାପତି ପି. ସତ୍ୟ ନାରାୟଣ ଧନ୍ୟବାଦ ଅର୍ପଣ କରିଥିଲେ ।