17-Nov-2020

ବଲାଙ୍ଗୀର,(ପ୍ରେରଣା ଖବର) : ବଲାଙ୍ଗିର ଜିଲ୍ଲା ଡୁଡୁକା ବ୍ଲକ୍ କେଶେଇପାଲି ଗାଁର ଧର୍ମେନ୍ଦ୍ର ସୁନା  ନାମକ ଜଣେ ବ୍ୟକ୍ତି ସରକାରୀ କର୍ମଚାରୀ ଭାବେ ଚାକିରୀ କରାଇଦେବା ନାଁ ରେ ବିଭିନ୍ନ ଆଳ ରେ ତାଙ୍କ କାଗଜପତ୍ର ଓ ଟଙ୍କା ନେଇ ଠକେଇ କରିଥିବା ଅଭିଯୋଗ ହୋଇଛି । ଉକ୍ତ ବ୍ୟକ୍ତି କେବଳ ଲୋଇସିଂହା ଅଞ୍ଚଳର ୭୦/୮୦ ଜଣଙ୍କ ଠାରୁ ୪୦ରୁ ୫୦ ହଜାର ଟଙ୍କା ଲେଖାଏଁ ନେଇଥିବା ଅଭିଯୋଗ ହୋଇଛି। ଠକେଇ ହେବାର ଜାଣିବା ପରେ ସମସ୍ତେ ମିଶି ଧର୍ମନ୍ଦ୍ର ସୁନାଙ୍କ ପାଖକୁ ଯାଇଥିଲେ। ହେଲେ ସେ ଟଙ୍କା ଫେରାଇବା ପରିବର୍ତ୍ତେ ଓଲଟା ସେମାନଙ୍କୁ ଧମକ, ଚମକ ଦେଇଥିବା ଅଭିଯୋଗ କରିଛନ୍ତି କିଷାନ ନିଆଲ, ଜଗଦୀଶ ମହାନନ୍ଦ, ରାଜକିଶୋର ହରପାଲ, କୁଳମଣୀ ନାଗ, ନରେଶ କୁଅଁରଙ୍କ ଭଳି ଠକେଇର ଶିକାର ହୋଇଥିବା ଅନେକ ଲୋକ । ଏହି ଚାକିରୀ ବିଭିନ୍ନ ସରକାରୀ ବିଭାଗ ଏପରି କି ଜିଲ୍ଲାପାଳ, ଉପଜିଲ୍ଲାପାଳ, ବ୍ଳକ ଆଦି କ୍ଷେତ୍ରରେ ନିଯୁକ୍ତି ପ୍ରଦାନ କରାଯିବା ଓ ଉକ୍ତ କାର୍ଯ୍ୟାଳୟ ର ସରକାରୀ ବରିଷ୍ଠ ଅଧିକାରୀ ଙ୍କୁ ଟଙ୍କା ଦେବାକୁ ପଡିବ କହି ସମସ୍ତ ଙ୍କ ଠାରୁ ଟଙ୍କା ନେଇ ଦିନ ଗଡେଇ ଚାଲିଥିଲେ। ଶେଷରେ ବାଧ୍ଯ ହୋଇ ଥାନା ରେ ଲିଖିତ ଏତଲା ଦେଇଥିଲେ । ହେଲେ  ସେମାନେ ଲୋଇସିଂହା ଥାନାରେ ଅଭିଯୋଗ କରିଥିଲେ,ସୁଦ୍ଧା  ଥାନା ଅଧିକାରୀ କିଛି କାର୍ଯ୍ୟାନୁଷ୍ଠାନ ଗ୍ରହଣ ନ କରିବା ଓ ଏତଲା ରୁଜ୍ଜୁ ନ କରିବା ଯୋଗୁଁ ବାଧ୍ଯ ହୋଇ  ବଲାଙ୍ଗିର ଏସପି ଙ୍କ ଦ୍ୱାରସ୍ଥ ହୋଇଛନ୍ତି। ଦୋଷୀକୁ ଗିରଫ କରିବା ସହ ଉଚିତ୍ ନ୍ୟାୟ ଦେବାକୁ ସେମାନେ ଏସପିଙ୍କ ନିକଟରେ ଗୁହାରି କରିଛନ୍ତି। ସେପଟେ ଟଙ୍କା ଠକେଇ ନେଇ ଥିବା ଉକ୍ତ ଧର୍ମେନ୍ଦ୍ର ସୁନାଙ୍କ ସହ ଫୋନ ରେ ଯୋଗ କରିବାରୁ କିଛି ପ୍ରତିକ୍ରିୟା ପ୍ରକାଶ ନ କରି ନିରବ ରହିଯାଇଥିଲେ।