09-Mar-2022

ବଲାଙ୍ଗୀର: ଆଜି ବଲାଙ୍ଗୀର ନାଗରିକ କମିଟି ପକ୍ଷରୁ ମହାବିଦ୍ୟାଳୟର ଚାରି ଜଣ ପୂର୍ବତନ ଅଧ୍ୟକ୍ଷ ରାଜେନ୍ଦ୍ର ବିଶ୍ୱବିଦ୍ୟାଳୟର ଭାଇସ ଚାନସେଲର ଉମାବଲ୍ଲଭ ମହାପାତ୍ରଙ୍କୁ ସାକ୍ଷାତ କରି ବିଶ୍ୱବିଦ୍ୟାଳୟର ବିଭି୍‌ନ୍ନ ସମସ୍ୟା ସଂପର୍କରେ ଦୃଷ୍ଟି ଆକର୍ଷଣ କରିଥିଲେ । ଭାଇସ୍‌ଚାନସେଲର ଶ୍ରୀ ମହାପାତ୍ର ବିଶ୍ୱବିଦ୍ୟାଳୟର ଅଧ୍ୟାପକ ସମସ୍ୟା, ଜବରଦଖଲ ସମସ୍ୟା ଓ ବିଭିନ୍ନ ଭିତ୍ତିଭୂମିର ବିକାଶ ସଂପର୍କରେ ଆଲୋଚନା କରିଥିଲେ । ରାଜେନ୍ଦ୍ର ବିଶ୍ୱବିଦ୍ୟାଳୟ ପିଜି କାଉନସିଲ ଅଧୀନରେ ଥିବା ୧୮ଟି ବିଭାଗରେ ଟିଚିଙ୍ଗ ଓ ନନ୍ ଟିଚିଙ୍ଗ ଷ୍ଟାଫ୍ ଙ୍କ ଅଭାବ ପାଠପଢ଼ାରେ ଏକ ଅଚଳାବସ୍ଥା ସୃଷ୍ଟି କରିଛି । ଏଥିସହ   ବର୍ତ୍ତମାନ ରାଜେନ୍ଦ୍ର ବିଶ୍ୱ ବିଦ୍ୟାଳୟ ଅଧୀନରେ ମାତ୍ର ୪୨ ଏକର ଜମି ରହିଥିବା ବେଳେ ବିଶ୍ୱ ବିଦ୍ୟାଳୟ ପକ୍ଷରୁ ୬୪ ଏକର ଜମି ପ୍ରଦାନ ପାଇଁ ସରକାରଙ୍କୁ ଅନୁରୋଧ କରାଯାଇଛି ବୋଲି ଭାଇସ ଚାନ୍‌ସେଲର ଶ୍ରୀ ମହାପାତ୍ର କହିଛନ୍ତି । ପ୍ରକୃତରେ ଭବିଷ୍ୟତକୁ ଆଖି ଆଗରେ ରଖି ବିଶ୍ୱବିଦ୍ୟାଳୟ ପାଇଁ ୫ଠଠ ଏକର ଜମି ସୁରକ୍ଷିତ ରଖିବା କଥା ।  ବିଶ୍ୱବିଦ୍ୟାଳୟରେ ବିଭିନ୍ନ ବିଭାଗରେ୧୨୬ଜଣ ଅଧ୍ୟାପକ ରହିବା ସ୍ଥାନରେ ମାତ୍ର ୩୧ଜଣ ଅଧ୍ୟାପକ କାମ ତୁଲାଉଛନ୍ତି  ଏହି ଅଧ୍ୟାପକ ମାନେ ବିଶ୍ୱବିଦ୍ୟାଳୟର ବିଭିନ୍ନ ପ୍ରଶାସନିକ କାର୍ଯ୍ୟ ଯଥା ପରୀକ୍ଷା ନିୟନ୍ତ୍ରଣ, ରେଜିଷ୍ଟାର, ଚ୍ୟାର୍‌ପର୍ସନ ଇତ୍ୟାଦିର ଦାୟିତ୍ୱ ତୁଲାଉଥିବାରୁ ପାଠପଢ଼ା ବ୍ୟାଘାତ ହେଉଛି ।  ପୁଣି ୪୩ ଜଣ ଗେଷ୍ଟ ଫେକୁଲଟି ଙ୍କୁ ଏଠାରେ ଅବସ୍ଥ।।ପିତ କରାଯାଇ ଜେଣତେଣ ପ୍ରକାରେଣ ପାଠ ପଢ଼ା ଚାଲିଛି ।  ଏଥି ଯୋଗୁଁ ରାଜେନ୍ଦ୍ର ବିଶ୍ୱବିଦ୍ୟାଳୟ ମାନ୍ୟତା ପାଇବା ପରେ ମଧ୍ୟ ପାଠପଢ଼ାରେ ବ୍ୟାଘାତ ସୃଷ୍ଟି ହେଉଛି ବୋଲି ବିଶ୍ୱବିଦ୍ୟାଳୟ ତରଫରୁ କୁହାଯାଇଛି । ଏଣିକି ସେଲ୍ଫ ଫାଇନାନ୍ସ ମାଧ୍ୟମରେ ପାଠ ପଢ଼ିବା ପାଇଁ ନୂତନ ବିଷୟ ନ ଖୋଲିବା ପାଇଁ ସରକାରଙ୍କ ତରଫରୁ ନିର୍ଦ୍ଦେଶ ରହିଛି । ବଲାଙ୍ଗୀର ନାଗରିକ କମିଟି ତରଫରୁ ସାଧାରଣ ସଂପାଦକ ମନୋରଂଜନ ସାହୁଙ୍କ ନେତୃତ୍ୱରେ ଓ ବିମଳ କୁମାର ଚୋପଦାରଙ୍କ ଆବାହକତ୍ୱରେ ତଥା ରାଜେନ୍ଦ୍ର କଲେଜର ପୂର୍ବତନ ଅଧ୍ୟକ୍ଷ ଡ. ଅଭିମନ୍ୟୁ ମିଶ୍ରଙ୍କ ସମେତ ଅଧ୍ୟକ୍ଷ ଡ. ସତ୍ୟବନ୍ତ ବେଦବାକ, ଅଧ୍ୟକ୍ଷ ଶୁଭେନ୍ଦ୍ର ତ୍ରିପାଠୀ ସୋନପୁର କଲେଜର ପୂର୍ବତନ ଅଧ୍ୟକ୍ଷ ପ୍ରଫେସର ତରୁଣ କୁମାର ମିଶ୍ର ଓ ସହସଂପାଦକ ଡ. ଚକ୍ରପାଣି ଦାଶ  ପ୍ରମୁଖ ଅଂଶଗ୍ରହଣ କରିଥିଲେ ।