09-Mar-2022

ବଲାଙ୍ଗୀର (ମଳୟ ମିଶ୍ରଙ୍କ ରିପୋର୍ଟ ):  ବଲାଙ୍ଗୀର ଜିଲ୍ଲା ସଦର ମହକୁମାର ମର୍ଯ୍ୟାଦାଜନକ ପୁରାତନ ପ୍ଲାନିଂ ଟାଉନ୍ ବଲାଙ୍ଗୀର ମ୍ୟୁନିସିପାଲିଟିର ଚଳିତ ପୌରନିର୍ବାଚନର ପ୍ରାର୍ଥୀପତ୍ର ଦାଖଲ ସରିଯାଇଛି । ସାଂପ୍ରତିକ ରାଜ୍ୟ ରାଜନୀତିର ତିନି ପ୍ରମୁଖଦଳ  ବିଜଦ , ଭାଜପା ଓ କଂଗ୍ରେସ  ଏବଂ ଏହାର ହେଭିଉଏଟ୍ ନେତାଙ୍କ ପାଇଁ ପତିଆରାର ପ୍ରଶ୍ନ ପାଲଟିଥିବା ଏଥରର ଏଇ ନିର୍ବାଚନରେ ସେମାନଙ୍କ ପ୍ରାର୍ଥୀ ବନାମ ପ୍ରାର୍ଥିନୀଙ୍କ ନିର୍ବାଚନୀ ଏଜେଣ୍ଡାରେ ସହରର ଯେଉଁସବୁ ମୁଖ୍ୟ ସମସ୍ୟା ରହିଛି , ସେସବୁ ସ୍ଥାନ ପାଇଛି କି ନାହିଁ , ଜଣାପଡିନାହିଁ । 

ସେଗୁଡିକ ହେଲା , ଉପଯୁକ୍ତ ଡ୍ରେନେଜ୍ ବ୍ୟବସ୍ଥା ଅଭାବରୁ ଅଚାନକ ଅତିବର୍ଷାରେ ସହରଭିତରେ ଅଭାବିତ ବନ୍ୟାପରିସ୍ଥିତି ସୃଷ୍ଟି ,    ପ୍ରଚଣ୍ଡ ଗ୍ରୀଷ୍ମତାପିତ ଏହି ଜିଲ୍ଲାର ଚିର ପାନୀୟଜଳଯୋଗାଣ , ବାସଚ୍ୟୁତଙ୍କ ପୁନର୍ବାସ  , ସହରର ହୃଦସ୍ଥଳରେ ରହିଥିବା ଐତିହାସିକ କଳାମଣ୍ଡଳର ପରିଷ୍କାର ପରିଚ୍ଛନ୍ନତା ସହ ରକ୍ଷଣାବେକ୍ଷଣ  , ସହରର ମଧ୍ୟସ୍ଥଳର ଏକାଧିକ ପୋଖରୀ ବା ପୁଷ୍କରିଣୀର ପୁନରୁଦ୍ଧାର ଏବଂ ଅତିକମ୍ ରେ  ଚିରଉପଦ୍ରୁତ ମଶାମାଛି ବୁଲାଗୋରୁ ବୁଲାକୁକୁରଙ୍କ ଦାଉରୁ ସହରବାସୀଙ୍କୁ ତ୍ରାହି କରିବାର ଯୋଜନାସବୁ ।

ଆକ୍ଷରିକ ଭାବରେ କେଉଁ ଅଧ୍ୟକ୍ଷା ବା କାଉନସିଲର ପ୍ରାର୍ଥିନୀ ବା ପ୍ରାର୍ଥୀଙ୍କ ନିର୍ବାଚନୀ ଏଜେଣ୍ଡାରେ ଏସବୁର  ସମାଧାନର ପ୍ରତିଶ୍ରୁତିରେ ସେମାନଙ୍କର ଉତ୍ତରଦାୟିତ୍ୱର ଉଲ୍ଲେଖ ରହିବ କି  ?  ସହରବାସୀଙ୍କର ଏଭଳି କେତେକ ପ୍ରସ୍ତାବ ରହିଛି ।