09-Mar-2022

ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଦେଢ଼ଗାଁ ପଞ୍ଚାୟତ ପରିସରରେ ଅନ୍ତର୍ଜାତୀୟ ମହିଳା ଦିବସ ପାଳିତ ହୋଇ ଯାଇଛି I ଟ୍ରିକଲଅପ ସହାୟତାରେ ଅଗ୍ରଣୀ ସ୍ବେଛାସେବୀ ଅନୁଷ୍ଠାନ ମହାଶକ୍ତି ଫାଉଣ୍ଡେସନ ଦ୍ୱାରା ଆୟୋଜିତ ଏହି ସମାରୋହରେ ମୁଖ୍ଯ ଅତିଥି ଭାବରେ ଦେଢ଼ଗାଁ କୃଷି ଅଧିକାରୀ ରମ୍ଭା ମେହେର ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ I ଅନ୍ୟମାନଙ୍କ ମଧ୍ୟରେ ଦେଢ଼ଗାଁ ପୋଷ୍ଟ ମାଷ୍ଟର ଗୌରୀ ରାଉତ, ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ପ୍ରକୃତିମାତା କୃଷକ ଉତ୍ପାଦକ କମ୍ପାନୀ ଲିମିଟେଡ ସିନ୍ଧେକେଲା ଶାଖାର ଆରାଧନା ସାହୁ , ପରିଚାଳନା ନିର୍ଦ୍ଦେଶକ ରାଜକୁମାର ଥପା ପ୍ରମୁଖ ସମ୍ମାନିତ ଅତିଥି ଭାବରେ ଯୋଗଦାନ କରି ମହିଳା ଦିବସ ପାଳନ ର ଲକ୍ଷ୍ୟ ଏବଂ ଉଦ୍ଦେଶ୍ୟ ବିଷୟରେ ଆଲୋକପାତ କରିଥିଲେ I ଅତିଥି ମାନଙ୍କ ମତରେ ଆଜିର ସମାଜରେ ନାରୀ ପୁରୁଷଙ୍କ

ଠାରୁ କୌଣସି ଗୁଣରେ କମ ନୁହେଁ I ଏମିତି କୌଣସି କାମ ନାହିଁ ଯାହା ମହିଳା କରି ପାରିବ ନାହିଁ I ମୁଖ୍ୟ ଅତିଥି ସମସ୍ତଙ୍କୁ କହିଥିଲେ କି, ଆସନ୍ତୁ ସର୍ବ ପ୍ରଥମେ ନିଜ ପରିବାରର ନାରୀଙ୍କୁ ସମ୍ମାନ ଦେବା ଅଭ୍ୟାସ କରିବା ଦେଖିବା ସମାଜରେ ନାରୀର ସମ୍ମାନ ଆପେ ଆପେ ବଢ଼ିଯିବ I ଚଳିତ ବର୍ଷର ମହିଳା ଦିବସର ବାର୍ତ୍ତା ହେଲା - ଏକ ସ୍ଥାୟୀ ତଥା ସୁରକ୍ଷିତ ଭବିଷ୍ୟତ ପାଇଁ ଆଜିର ଲିଙ୍ଗଗତ ସମାନତା (Gender equality today for a sustainable tomorrow) I ଏହା ସହିତ ଉପସ୍ଥିତ ସ୍ୱୟଂ ସହାୟିକା ଗୋଷ୍ଠୀ ତଥା ମହିଳା କୃଷକ ଗୋଷ୍ଠୀ ର ମହିଳା ମାନଙ୍କ ମଧ୍ୟରେ ହୁଳହୁଳି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏଥିରେ ଶ୍ରୀମତୀ ପ୍ରେମଶିଲା ପୁଟେଲ ବିଜୟୀ ହୋଇ ପୁରସ୍କୃତ ହୋଇଥିଲେ I ଏହି କାର୍ଯକ୍ରମ କୁ ମହାଶକ୍ତି ଫାଉଣ୍ଡେସନ ତରଫରୁ ବ୍ଲକ ସଂଯୋଜକ ଶ୍ରୀଯୁକ୍ତ ପ୍ରଣବ ମୋହନ କୁମାର ପରିଚାଳନା କରିଥିବା ବେଳେ ବରୁଣ ବାଗ, ରଞ୍ଜନ ଛତ୍ରିଆ, ଆରତୀ ବଗର୍ତ୍ତୀ ପ୍ରମୁଖ ସହଯୋଗ କରିଥିଲେ I