09-Mar-2022

ସିନ୍ଧେକେଲା : ପ୍ରତ୍ୟେକ ବର୍ଷ ମାର୍ଚ୍ଚ ୮ ତାରିଖ କୁ ବିଶ୍ବ ମହିଲା ଦିବସ ଭାବେ ପାଳନ କରାଯାଏ। ଏହାର ମୁଳ ଉଦ୍ଦେଶ୍ଯ ହେଲା ମହିଲା ମାନଙ୍କର ଅଧିକାର ବଢ଼ାଇବା।  ବିଭିନ୍ନ କ୍ଷେତ୍ରରେ ସମ୍ମାନ ଏବଂ ପ୍ରଶଂସା ପ୍ରଦାନ କରିବା। ମହିଲା ମାନଙ୍କ ପ୍ରତି ହେଉଥିବା ହିଂସା ଏବଂ ଦୁର୍ବ୍ୟବହାର ଭଲି କୁତ୍ସିତ କାର୍ଯ୍ୟ ଉପରେ ଧ୍ୟାନ ଆକର୍ଷଣ କରାଯିବା ସହ ଏଭଲି

କାର୍ଯ୍ୟକୁ ସବୁଦିନ ପାଇଁ ସମାପ୍ତ କରି ଏକ ସୁସ୍ଥ ସମାଜ ଗଠନ କରିବା । ଆଜିର ଏପରି ଦିନରେ ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଚାନ୍ଦୋତରା ଗ୍ରାମର ମଧୁସୂଦନ ରଣାଙ୍କ ସ୍ତ୍ରୀ ଅର୍ଣ୍ଣ ରଣା ତିନିମାସ ତଳେ ଏକ ଶିଶୁ କନ୍ୟା ସନ୍ତାନ ଜନ୍ମ କରି ମୃତ୍ଯୁବରଣ କରିଥିଲେ। ମଧୁସୂଦନଙ୍କ ପରିବାରର ଆର୍ଥିକ ଅବସ୍ଥା ଭଲ ନ ଥିବା ବେଳେ ସ୍ତ୍ରୀର ମୃତ୍ଯୁ ପରେ ମଧୁସୂଦନଙ୍କ  ମାଁ ହିଁ ଶିଶୁ କନ୍ୟା ର ସାହା ଭରସା । ଏପରିସ୍ଥଳେ ପରିବାର ଶିଶୁ କନ୍ୟା ର ଭବିଷ୍ୟତ କୁ ନେଇ ବେଶ ଚିନ୍ତିତ ଥିଲେ । ଖବରପାଇ ସିନ୍ଧେକେଲା ଜିଲ୍ଲାପରିଷଦ ସଦସ୍ୟା ଛନ୍ଦାରାଣୀ ନାଏକ ବିଶ୍ବ ମହିଲା ଦିବସ ଉପଲକ୍ଷେ ଶିଶୁକନ୍ୟାର ଘରକୁ ଯାଇ ପରିବାର କୁ ଆଶ୍ବାସନା ଦେବାସହ ଶିଶୁକନ୍ୟାର ଭବିଷ୍ୟତ ଗଠନ ପାଇଁ ସମସ୍ତ ପ୍ରକାର ସାହାଯ୍ଯ ସହଯୋଗ କରିବା ଦାୟୀତ୍ବ ନେଇଛନ୍ତି। ଏହି ସମୟରେ ଅନ୍ୟମାନଙ୍କ ମଧ୍ଯରେ ଅନିଲ ନାଏକ, ନିଲାଞ୍ଚଳ ସଡଙ୍ଗୀ, ନୌରାଜ ରଣା , ହେମନ୍ତ ସାହୁ ପ୍ରମୁଖ ଉପସ୍ଥିତ ଥିଲେ। ଏହି ଖବର ପ୍ରଚାରିତ ହେବା ପରେ ସୋସିଆଲ ମିଡିଆ ସହ ଅଞ୍ଚଳର ଲୋକେ ଜିଲ୍ଲାପରିଷଦ ସଦସ୍ଯା ଛନ୍ଦାରାଣୀ ଓ ତାଙ୍କ ସ୍ବାମୀ ଅନିଲ ଙ୍କୁ ପ୍ରଶଂସା କରୁଥିବା ଦେଖାଯାଇଛି।