08-Mar-2022

ପଦ୍ମପୁର:- ବଲାଙ୍ଗିର  ୧୮୯ ବାହିନୀ ସିଆରପିଏଫ ଏବଂ କମାଣ୍ଡେଣ୍ଟ ପି.କେ ତିୱାରୀ ଙ୍କ ନିର୍ଦ୍ଦେଶାନୁସାରେ ସି/୧୮୯ ବାହିନୀ ସିଆରପିଏଫ ପାଇକମାଲ ଦ୍ଵାରା ମଙ୍ଗଳବାର ଦିନ ଅନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମ ରେ କସ୍ତୁରୀବା ଗନ୍ଧୀ ମାତୃନିକେତନ ର ଛାତ୍ରୀ ମାନଙ୍କ ସହ ସେଠାକାର କାର୍ଯ୍ୟରତ ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ଥିଲେ । କସ୍ତୁରୀବା ଗାନ୍ଧୀ ମାତୃନିକେତନ ର କାଉନସିଲ ସୁଚରିତା ପଣ୍ଡା ଏବଂ ମେମ୍ବର ଯଶୋବନ୍ତୀ ଭୋଇ, କିରଣ ଭାରତୀ, ରଞ୍ଜିତା ସାହୁ, ତିଳକରାମ ମାଝି, ଚନ୍ଦ୍ରଶେଖର ପାତ୍ର ପ୍ରମୁଖ ଯୋଗଦେଇ କାର୍ଯ୍ୟକ୍ରମ କୁ ସୂଚାରୁରୂପେ ସଞ୍ଚାଳନ କରିଥିଲେ । ସି/୧୮୯ ବାହିନୀ ସିଆରପିଏଫ ପାଇକମାଲ, ର କ୍ୟାମ୍ପ  ଆସିଷ୍ଟାଣ୍ଟ କମାଣ୍ଡର ନିନା ଶର୍ମା ଙ୍କ ତତ୍ବାବଧାନରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା । ଅନ୍ତର୍ଜାତୀୟ ମହିଳା ଦିବସ ଅବସରରେ କମାଣ୍ଡର ମହୋଦୟ ଙ୍କ ଦ୍ଵାରା କସ୍ତୁରୀବା ଗାନ୍ଧୀ ମାତୃନିକେତନର ଛାତ୍ରୀ ମାନଙ୍କୁ ଜୀବନ ରେ ଆଗକୁ ବଢ଼ିବା ଏବଂ ବର୍ତ୍ତମାନର ସମୟରେ ନାରୀ ର ଭୂମିକା ଓ କର୍ତ୍ତବ୍ୟ ବିଷୟରେ ଅବଗତ କରିଥିଲେ । ଉପସ୍ଥିତ ସମସ୍ତ ଛାତ୍ରୀ ଙ୍କୁ ଚକଲେଟ, କଲର୍ ପେନସିଲ ତଥା ଖାତା ବଣ୍ଟନ କରାଯାଇଥିଲା ।  ସି/୧୮୯ ବାହିନୀ ର ଜବାନମାନେ ମାତୃନିକେତନ ର ଛାତ୍ରୀ ମାନଙ୍କ ସହ ମିଶି ଚିତ୍ରାଙ୍କନ କରିଥିଲେ ।  କ୍ୟାମ୍ପ ର କମାଣ୍ଡର  ମାତୃନିକେତନ କୁ ଖେଳ ସାମଗ୍ରୀ ଯଥା ବ୍ୟାଡମିଣ୍ଟନ, ଭଲିବଲ ଇତ୍ୟାଦି ଯୋଗାଇଦେବା ପାଇଁ ପ୍ରତିଶ୍ରୁତି ଦେଇଛନ୍ତି । ଶେଷରେ ମାତୃନିକେତନର ଅଧ୍ୟକ୍ଷ ନିର୍ମଳ ଗିରି ଧନ୍ୟବାଦ ଜଣାଇଥିଲେ ।