08-Mar-2022

କର୍ଲାମୁଣ୍ଡା:(ପ୍ରଦିପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ  ଓ ମ.ରାମପୁର ବ୍ଲକ ସୀମା ରେଥିବା ଶାନ୍ତିବନ ଠାରେ ମଙ୍ଗଳବାର ଇଣ୍ଡୋ ଗ୍ଲୋବାଲ ସୋସିଆଲ ସର୍ଭିସ ଷୋସାଇଟି ପକ୍ଷରୁ ଅନ୍ତର୍ଜାତୀୟ ମହିଳା ଦିବସ ପାଳିତ ହୋଇଯାଇଛି।ଏହି ଅବସରରେ ହରଗୌରୀ ମହାବିଦ୍ୟାଳୟ ର ଶିକ୍ଷା ବିଭାଗ ଅଧ୍ୟାପିକା ଜ୍ୟୋତି ମାଳା ରାଉତ  ମୁଖ୍ୟ ଅତିଥି ଭାବେ ଯୋଗ ଦେଇ ପ୍ରତି ପରିବାରରେ ଲିଙ୍ଗୀୟ ତାରତମ୍ୟ କୁ ଦୂର କରିବା ସହିତ ମହିଳା ମାନଙ୍କୁ ସବୁ କ୍ଷେତ୍ରରେ ଆଗେଇ ଆସିବାକୁ ହେବ ବୋଲି ମତ ପ୍ରକାଶ କରିଥିଲେ।ଅନ୍ୟ ମାନଙ୍କ ମଧ୍ୟରେ ସଫଳ ମହିଳା ଚାଷୀ ନିଲେନ୍ଦୀ ସାହୁ,ନିକିତା ନାଗ, ଆକାଶୀ ମାଝୀ, ଦେବଶ୍ରୀ ମାଝୀ, ଦେବକୀ ମହାନନ୍ଦ, ସୌଭାଗ୍ୟ ବତୀ ଗହୀର ପ୍ରମୁଖ ଉପସ୍ଥିତ ରହି ନିଜ ନିଜର ସଫଳତା ଉପରେ କହିଥିଲେ।ସମସ୍ତ ଲିଙ୍ଗଗତ ବିବିଧତା, ଲିଙ୍ଗଗତ ସମାନତା ଏବଂ ଭେଦଭାବ ରୁ ମୁକ୍ତ ସମାଜ ଗଠନ ଉପରେ ସାମାଜିକ କର୍ମୀ ପ୍ରଦୀପ କୁମାର ସାହୁ ଆଲୋଚନା କରିଥିଲେ।ଅଂଶ ଗ୍ରହଣ କାରୀ ମାନଙ୍କୁ ନେଇ ବିଭିନ୍ନ ପ୍ରତିଯୋଗିତା ଅୟୋଜନ କରାଯାଇ ପୁରସ୍କାର ପ୍ରଦାନ କରାଯାଇଥିଲା।