08-Mar-2022

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ଠାରେ ଏକ ସଡ଼କ ଦୁର୍ଘଟଣା ଘଟି ଜଣେ ଗୁରୁତର ହୋଇ ହସ୍ପିଟାଲରେ ଚିକିତ୍ସାଧିନ ହୋଇଛନ୍ତି  l ସୂଚନାରୁ ପ୍ରକାଶ ଯେ ଶିବ କୁମାର ଅଗ୍ରୱାଲ (୬୫) ଏକ ହିରୋ ଗ୍ଲାମର ବାଇକ୍ ରେ  ବଲାଙ୍ଗୀର ଆଡୁ ନିଜ ଗାଁ ଡୁଙ୍ଗୁରିପାଲିକୁ ଫେରୁଥିବା ବେଳେ ଲୋଇସିଂହା ବସଟାଣ୍ଡ ନିକଟରେ ଏକ ହିରୋ ଏଚଏଫ ଡିଲକ୍ସ ( ଓ ଡି  ୦୩ ଇ ୭୮୨୭) ନମ୍ୱର ବାଇକ ଶିବ ଅଗ୍ରୱାଲଙ୍କୁ ଧକ୍କା ଦେଇଥିଲା l ଫଳରେ ଗୁରୁତର ଅବସ୍ଥାରେ ଶିବ ଅଗ୍ରୱାଲଙ୍କୁ ସ୍ଥାନୀୟ ଲୋକେ ହସ୍ପିଟାଲରେ ପହଞ୍ଚାଇଵା ସହ ଦୁର୍ଘଟଣା ଘଟାଇଥିବା ଗାଡିକୁ ଜବତ କରିନେଲେ l ସୂଚନାରୁ ପ୍ରକାଶ ଯେ ଏଚଏଫ ଡିଲକ୍ସରେ ତିନି ଜଣ ନିଶାସକ୍ତ ବ୍ୟକ୍ତି ବସିଥିଲେ, ଦୁର୍ଘଟଣା ପରେ ସେମାନେ ବାଇକକୁ ଛାଡି ଫେରାର ହୋଇଯାଇଥିଲେ l ଖବର ପାଇ ଶିବ ଅଗ୍ରୱାଲଙ୍କ ପରିବାର ଲୋକେ ଲୋଇସିଂହା ହସ୍ପିଟାଲରେ ପହଂଚି ଥିଲେ l ଦୁର୍ଘଟଣାଗ୍ରସ୍ତ ବ୍ୟକ୍ତି ଜଣକ ଗୁରୁତର ହେବାରୁ ଡାକ୍ତର ଲୋଇସିଂହାରୁ ବଲାଙ୍ଗୀରକୁ ରେଫର କରିଛନ୍ତି l