07-Mar-2022

ବରଗଡ/ପଦ୍ମପୁର/ପାଇକମାଲ(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ରେ ଆଜି ଫାଇଲେରିଆ ନିରାକରଣ ଅଭିଯାନ ସମସ୍ତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିନରେ ଥିବା ସମସ୍ତ ସ୍ୱାସ୍ଥ୍ୟ ଉପକେନ୍ଦ୍ର ଅନ୍ତର୍ଗତ ଗ୍ରାମ ମାନଙ୍କରେ ନିୟୋଜିତ ଆଶାକର୍ମୀ, ଅଙ୍ଗନବାଡ଼ି କର୍ମୀ ମାନେ ଘରକୁ ଘର ବୁଲି ଡି.ଇ.ସି ବଟିକା ଏବଂ କୃମି ନାଶକ ଆଲବେଣ୍ଡାଜୋଲ୍ ବଟିକା ର ଗୋଟିଏ ମାତ୍ରା ୨ବର୍ଷ ରୁ ଅଧିକ ବ୍ୟକ୍ତି ବିଶେଷ ଙ୍କୁ ଗୋଟିଏ ମାତ୍ରା ଖୁଆଇବା ଦେଖାଯାଇଛି । ସାର୍ବଜନୀନ ବାତଜ୍ୱର କୁ ରୋକିବା ଲକ୍ଷ୍ୟରେ ଓଡ଼ିଶା ରାଜ୍ୟ ସରକାର ଙ୍କ ଏହା ଏକ ବିରାଟ ପଦକ୍ଷେପ ଅଟେ ।ତା ୦୭.୦୩.୨୦୨୨ରିଖ ଠାରୁ ଆରମ୍ଭ ହୋଇଥିବା ଫାଇଲେରିଆ ନିରାକରଣ ଅଭିଯାନ ଦିର୍ଘ ୯ ଦିନଧରି ଅର୍ଥାତ୍ ତା୧୬.୦୩.୨୦୨୨ରିଖ ପର୍ଯ୍ୟନ୍ତ ଏହି ଅଭିଯାନ ହେବାର କାର୍ଯ୍ୟକ୍ରମ ରହିଥିବାବେଳେ ମୁଖ୍ୟତଃ ୩ ଦିନଧରି ଘରକୁ ଘର ବୁଲି ଓୈାଷଧ ସେବନ କରିବାର କାର୍ଯ୍ୟକ୍ରମ ରହିଛି ।ଏ ଅବସରରେ ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିନରେ ଥିବା ୧୬ ଗୋଟି ସ୍ୱାସ୍ଥ୍ୟ ଉପକେନ୍ଦ୍ର ଅଧିନରେ ଥିବା ସମସ୍ତ ଗ୍ରାମମାନଙ୍କରେ ଟିମ୍

ମାନ ଗଠନ କରାଯାଇ ଆଶାକର୍ମୀ, ଅଙ୍ଗନବାଡ଼ି କର୍ମୀ ମାନେ ସିଧାସଳଖ ତାଙ୍କ ଉପସ୍ଥିତି ରେ ବଟିକା ଖୁଆଉଥିବାର ଲକ୍ଷ୍ୟ କରାଯାଇଛି । ଓୈାଷଧ ଖୁଆଇବା ସମୟରେ ଓୈାଷଧ ସେବନକାରୀ ବ୍ୟକ୍ତି ଙ୍କୁ ପ୍ରଥମେ ବାମ ହାତର ବିଶି ଆଙ୍ଗୁଠି ରେ ମାର୍କର ପେନ୍ ରେ ନଖଓଚର୍ମ କୁ ଲାଗି ଚିହ୍ନ ଦେଲାପରେ ଓୈାଷଧ ସେବନ କରାଉଥିବା,ଘରକାନ୍ଥରେ କ୍ରମିକ ନଂ, ଗୃହ ନଂ,କେତେଜଣ ଉପସ୍ଥିତ,କେତେଜଣ ଓୈାଷଧ ସେବନ କଲେ ଇତ୍ୟାଦି ଲେଖା ହେଉଥିବା ପରିଲକ୍ଷିତ କରାଯାଇଛି ।ଏହି କାର୍ଯ୍ୟକ୍ରମ ର ବ୍ୟାପକ ସଫଳତା ଏବଂ ତଦାରଖ ଉଦ୍ଦେଶ୍ୟରେ ସୁପରଭିଜନ ପାଇଁ ସମସ୍ତ ମହିଳା ସ୍ବାସ୍ଥ୍ୟକର୍ମୀ ଓ ପୁରୁଷ ସ୍ୱାସ୍ଥ୍ୟ କର୍ମୀ ମାନଙ୍କୁ ଦାୟିତ୍ଵ ପ୍ରଦାନ କରାଯାଇଛି ବୋଲି ପି.ଏଚ.ଇ.ଓ ତୁଷ କୁମାର ଚନ୍ଦ୍ରକାର ଏବଂ ବୁକୁରାମୁଣ୍ଡା ରେ କାର୍ଯ୍ୟରତ ଭିବିଡିଟିଏସ ସାନୋଜ ଦାଶ ଙ୍କ ଠାରୁ ପ୍ରକାଶ ।