07-Mar-2022

ଖପ୍ରାଖୋଲ (ବସନ୍ତ ମେହେର) : ସ୍ବାଧୀନତା ର ଅମୃତ ମହୋତ୍ସବ ଅବସରରେ ସିଆରପିଏଫ ୧୮୯ବାଟାଲିଅନ ତରଫରୁ ନାଗରିକ ସଂପର୍କ ଅଭିଯାନ ଆୟୋଜିତ ହୋଇଯାଇଛି ।ଦେଶର ସମ୍ବର୍ଦ୍ଧନ,ଦେଶର ସୁରକ୍ଷାକୁ  ନେଇ ବି    ସି ଆର୍ ପି ଏଫ୍  ଖପ୍ରାଖୋଲ  ଓ ଡି ସି ଆର୍ ପି ଏଫ୍   ହରିଶଙ୍କର  ଦ୍ବାରା ଏହି ନାଗରିକ ସଂପର୍କ ଅଭିଯାନ  ଆୟୋଜିତ  ହୋଇଥିଲା । ସିଆରପିଏଫ କମାଣ୍ଡେଣ୍ଟ  ପୱନ କୁମାର ତିୱାରୀଙ୍କ ମାର୍ଗଦର୍ଶନରେ ସେକେଣ୍ଡ ଇନ କମାଣ୍ଡ ପି କେ ସାହୁ,ଡେପୁଟି କମାଣ୍ଡେଣ୍ଟ ରାଜୀବ କୁମାର,ସହକାରୀ କମାଣ୍ଡ ଲଖବିନ୍ଦର ସିଂ, ଙ୍କ  ଉପସ୍ଥିତିରେ  ରେଡିଓ ସେଟ୍ ସୌର ଚାଳିତ ଲାନଟିନ,ଅତ୍ୟାବଶ୍ୟକ ଔଷଧ ଆଦି   ହରିଶଙ୍କର,ଚଞ୍ଚଲବାହାଲି,ନୂଆଁପାଲି,ବାଟିପଥର ,ବୁରୋମାଲ,ବାହ୍ମନୀ, ତୁର୍ଲା,ତାମ୍ବିପଦର,ବାଘଝରନ,
ନାନ୍ଦୁପଲା,ଡୁଡୁଙ୍ଗଧରା,ଭରତିଆ,
ଲୁହୁରାଡୁଙ୍ଗୁରୀ, ଯମୁନାପାଲି, କନ୍ଦରାଭଟା, ମହୁଲପାଲି, ସର୍ଗିପାଲି,ମହରାପଦର,କୁଡୁର୍ଲା,ଗ୍ରାମରେ  ବଣ୍ଟନ କରିଥିଲେ । ଏହି ଅବସରରେ  ସିଆରପିଏଫ କମାଣ୍ଡେଣ୍ଟ ପୱନ କୁମାର ତିୱାରୀ ଗ୍ରାମବାସୀମାନଙ୍କୁ ସଚେତନ କରିବା ସହ ସେମାନେ ଯଦି କୌଣସି  ସମସ୍ୟା ଭୋଗୁଛନ୍ତି ତେବେ ତାହା ସିଆରପିଏଫ ର

କମ୍ପାନୀ  କମାଣ୍ଡର ମାନଙ୍କୁ  ସୂଚୀତ କଲେ ତାର ସମାଧାନ  କରାଯିବ । ଏଥି ପାଇଁ  ସମସ୍ତ ଗ୍ରାମର   ଅଧିବାସୀ ମାନେ  ସଚେତନ ହେବାକୁ  ସେ ଅନୁରୋଧ କରିଥିଲେ । ଏହି କାର୍ଯ୍ୟକ୍ରମରେ  ବିଭିନ୍ନ  ଗ୍ରାମର ଅଧିବାସୀ ମାନେ ତଥା ଗଣମାନ୍ୟ ବ୍ୟକ୍ତି ବିଶେଷ ଯୋଗ ଦେଇଥିଲେ । ସୂଚନାଯୋଗ୍ଯ ଯେ ଦେଶର ଆଭ୍ୟନ୍ତରୀଣ ନିରାପତ୍ତା ପାଇଁ  ନିଜକୁ ସମର୍ପିତ  କରି ସିଆରପିଏଫ ୧୮୯ବାଟାଲିଅନ  ଦେଶର ସମ୍ମାନ ବଜାୟ ରଖିବାକୁ  ସର୍ବଦା  ସମର୍ପିତ  ତଥା ବିଭିନ୍ନ ସମୟରେ  ସିଆରପିଏଫ ୧୮୯ବାଟାଲିଅନ  ନିଜର  ସାମାଜିକ ଦାୟିତ୍ୱ ନିର୍ବାହ କରି   ସାଧାରଣ ଲୋକଙ୍କ  ସହ ଏକ ଆତ୍ମିକ ଭାବଗତ  ସଂପର୍କ ରଖି ଆସିଛି । ଲୋକଙ୍କୁ ଅତ୍ୟାବଶ୍ୟକ ସାମଗ୍ରି ବାଣ୍ଟି ଆସିଛି।