06-Mar-2022

ଗୁଡ଼ଭେଲା-ତୁଷୁରା ଏନସି ନିର୍ବାଚନ ପାଇଁ ନାମାଙ୍କନ ପତ୍ର ଦାଖଳ ୪ଦିନ ହେଲାଣି କେହି ଦାଖଳ କରିନଥିବା ବେଳେ ରାଜ୍ୟ ମହିଲା ଓ ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ଟୁୁକୁନୀ ସାହୁଙ୍କ ଉପସ୍ଥିତିରେ ରବିବାର ବିଜୁ ଜନତା ଦଳ ସମର୍ଥିତ ଅଧ୍ୟକ୍ଷ ପ୍ରାର୍ଥୀ  ଅଜୟ କୁମାର ଜୟଶ୍ୱାଳ ସମେତ ୯ଜଣ କାଉନସେଲର ନିଜ ନିଜ ପ୍ରାର୍ଥୀପତ୍ର ତୁଷୁରା କାର୍ଯ୍ୟାଳୟରେ ନିର୍ବାଚନ ଅଧିକାରୀ ତଥା ତୁଷୁରା ତହସିଳଦାର ରବିନ୍ଦ୍ର

ପଟେଲଙ୍କ ଠାରେ ଦାଖଳ କରିଛନ୍ତି । ପ୍ରଥମେ ସହର ସ୍ଥିତ ମାଁ ସମଲେଶ୍ୱରୀ ମନ୍ଦିରରେ ପୂଜାଅର୍ଚ୍ଚନା କରିବା ପରେ ଏକ ଶୋଭାଯାତ୍ରାରେ ଦଳିୟ କର୍ମୀଙ୍କ ସହ ଏନଏସି କାର୍ଯ୍ୟାଳୟ ପର୍ଯ୍ୟନ୍ତ ପହଞ୍ଚିଥିଲେ । ଅନ୍ୟପକ୍ଷରେ ୧ମ ଓ ୨ୟ ଦିନରେ କୌଣସି ନାମାଙ୍କନ ପତ୍ର ବିକ୍ରୀ ହୋଇ ନଥିବା ବେଳେ ୩ୟ ଦିନରେ ୨ଜଣ ଅଧ୍ୟକ୍ଷ  ଓ ୨ଜଣ କାଉନସେଲର । ୪ର୍ଥ ଦିନରେ ୨ଜଣ ଅଧ୍ୟକ୍ଷ ଓ ୨ଜଣ କାଉନସେଲର, ୫ମ ଦିନରେ ଜଣେ ଅଧ୍ୟକ୍ଷ ଓ ୨୩ଜଣ କାଉନସେଲରଙ୍କ ନାମାଙ୍କନ ପତ୍ର ବିକ୍ରୀ ହୋଇଥିବା ବେଳେ ମୋଟ୫ଜଣ ଅଧ୍ୟକ୍ଷ ଓ ୩୦ଜଣ କାଉନସେଲର ପ୍ରାର୍ଥୀ ନାମାଙ୍କନ ପତ୍ର କ୍ରୟ କରିଥିବା ପ୍ରଶାସନ ପକ୍ଷରୁ ପ୍ରକାଶ । ତୁଷୁରା ଏନଏସିରେ ୧୧ଟି ୱାର୍ଡ ରହିଥିବା ବେଳେ ୮୨୭୪ ଜଣ ଭୋଟର ରହିଛନ୍ତି । ୪୧୮୭ ପୁରୁଷ , ୪୦୮୬ ଜଣ ମହିଲା ଓ ଜଣେ ଅନ୍ୟନ୍ୟ ବର୍ଗର ଭୋଟର ରହିଛନ୍ତି ।