06-Mar-2022

ଭୁବନେଶ୍ୱର - ଶିକ୍ଷ୍ୟା ଓ ଅନୁସନ୍ଧାନ ( ସୋ ଆ) ବିଶ୍ଵ ବିଦ୍ୟାଳୟ ର ପରିବେଶ ଓ ଜଳବାୟୁ କେନ୍ଦ୍ର ( ସି ଇ ସି ) ର ଆକଳନ ରୁ ଜଣାପଡ଼ିଛି,ଆରବ ସାଗର ପଟରୁ ଭାରତ ଆଡ଼କୁ ପ୍ରବାହିତ ହେଉଥିବା ଆଦ୍ର ବାୟୁ ବନ୍ଦ ହେବା ଯୋଗୁ ଏବଂ ବାୟୁ ମଣ୍ଡଳ ର ଉପରିଭାଗ ରେ ଏକ ଟ୍ରଫ ପୂର୍ବ ଦିଗକୁ ଗତି କରିବା ସମ୍ଭାବନା ଥିବାରୁ ଆସନ୍ତା ୧୩ ତାରିଖ ରୁ ରାଜ୍ୟରେ ତାପମାତ୍ରା ବୃଦ୍ଧି ପାଇବ । ଚଳିତ ବର୍ଷ ମାର୍ଚ୍ଚ ଆରମ୍ଭରୁ ଗରମ ର ପ୍ରଭାବ ଜଣା ପଡ଼ିଲାଣି। କେନ୍ଦ୍ର ନିର୍ଦ୍ଦେଶକ ଡ଼ା. ଶରତ ଚନ୍ଦ୍ର ସାହୁ ଙ୍କ ଆକଳନ ଅନୁଯାୟୀ ରାଜ୍ୟର କେତେକ ସ୍ଥାନରେ ତାତି ୩୭ ଡ଼ିଗ୍ରୀରୁ ୩୯ ଡିଗ୍ରୀ ସେଲସିୟସ୍ ପର୍ଯନ୍ତ୍ ବୃଦ୍ଧି ପାଇପାରେ । ଉପକୂଳ ଓଡ଼ିଶା ରେ ବର୍ତ୍ତମାନ ତାପମାତ୍ରା ୩୩ ରୁ ୩୫ ଡିଗ୍ରୀ ସେଲସିୟସ ଥିବା ବେଳେ ଆଭ୍ୟନ୍ତରୀଣ ଜିଲ୍ଲା ମାନଙ୍କରେ ୩୫ ରୁ ୩୭ ଡିଗ୍ରୀ ସେଲସିୟସ ଥିବା ଜଣାପଡିଛି । ଏହି ତାପମାତ୍ରା ଆସନ୍ତା  ୧୨ ତାରିଖ ପର୍ଯ୍ୟନ୍ତ ଅପରିବର୍ତ୍ତିତ ରହିବ ବୋଲି କୁହାଯାଇଛି । ଆରବ ସାଗର ରୁ ପ୍ରବାହିତ ଆଦ୍ର ବାୟୁ ପ୍ରଭାବରେ ତାପମାତ୍ରା ବୃଦ୍ଧି ପାଉନାହିଁ ବୋଲି କୁହାଯାଇଛି । ଶନିବାର ରାଜ୍ୟର ୧୩ ଟି ସହରର ସର୍ବୋଚ୍ଚ ତାପମାତ୍ରା ୩୫ ଡିଗ୍ରୀ ସେଲସିୟସ୍ ଉପରେ ଥିବା ବେଳେ,ଟିଟିଲାଗଡରେ ସର୍ବାଧିକ ୩୭.୨ ଡିଗ୍ରୀ ,ବଲାଙ୍ଗୀରରେ ୩୭,ଝାରସୁଗୁଡ଼ା ରେ ୩୫.୨, ବୌଦ୍ଧରେ ୩୫, ସମ୍ବଲପୁର ରେ ୩୫.୬, ଭବାନୀପାଟଣାରେ ୩୫, ସୋନପୁର ରେ ୩୬, ବାଲେଶ୍ଵର ରେ ୩୫, ଚାନ୍ଦବାଲି ଓ ଭୁବନେଶ୍ବର ରେ ୩୫.୨, ଏବଂ ଭଦ୍ରକ ରେ ୩୫ ଡିଗ୍ରୀ ସେଲସିୟସ ଥିବା ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ରେକର୍ଡ କରିଛି ।