05-Mar-2022

ଗୁଡ଼ଭେଲା,(ପଞ୍ଚାନନ ନାଏକ) -ତୁଷୁରା ଏନସି ନିର୍ବାଚନ ପାଇଁ ନାମାଙ୍କନ ପତ୍ର ଦାଖଳ ୪ର୍ଥ ଦିନରେ ମଧ୍ଯ ଶୂନ୍ଯ ରହିଥିବା ବେଳେ ୨ଟି ଅଧ୍ୟକ୍ଷ ଓ ୫ଟି କାଉନସେଲଲର ନାମାଙ୍କନପତ୍ର ବିକ୍ରୀ ହୋଇଥିବା ଏନଏସି ପ୍ରଶାସନ ପକ୍ଷରୁ ସୂଚନା ମିଳିଛି। ପ୍ରଥମ ଓ ୩ୟ ଦିନରେ ଫର୍ମ ବିକ୍ରୀ ହୋଇ ନଥିବା ବେଳେ  ୨ୟ ଦିନରେ ୨ଟି ଲେଖାଏଁ ଅଧ୍ୟକ୍ଷ ଓ  କାଉନସେଲଲର ନାମାଙ୍କନପତ୍ର ବିକ୍ରୀ ହୋଇଥିଲା।  ଏବେ ପର୍ଯ୍ୟନ୍ତ ମୋଟ ୪ଟି ଅଧ୍ୟକ୍ଷ ଓ ୭ଟି କାଉନସେଲଲର ନାମାଙ୍କନପତ୍ର ବିକ୍ରୀ ହୋଇଥିବା ଜଣାପଡିଛି।  ଏନଏସିରେ ୧୧ଟି ୱାର୍ଡ ରହିଥିବା ବେଳେ ୮୨୭୪ ଜଣ ଭୋଟର ରହିଛନ୍ତି । ୪୧୮୭ ପୁରୁଷ , ୪୦୮୬ ଜଣ ମହିଲା ଓ ଜଣେ ଅନ୍ୟନ୍ୟ ବର୍ଗର ଭୋଟର ରହିଥିବା ବେଳେ ବିଜେପିରୁ ରୁଣୁଗୋପାଳସାହୁ, ବିଜେଡି ଅଜୟ କୁମାର ଜୟଶ୍ବାଳଙ୍କୁ ଦଳ ପକ୍ଷରୁ ପ୍ରାର୍ଥୀଚୟନ କରାଯାଇଥିବା ବେଳେ  କଂଗ୍ରେସ ଦଳ ପକ୍ଷରୁ ଭଳ ପ୍ରାର୍ଥୀ ଖୋଜା ଚାଳିଛି ।ଏନଏସି ଗଠନ ହେବା ଦିନରୁ ଥରେ ମାତ୍ର ନିର୍ବାଚନ ହୋଇଥିବା ବେଳେ ଶାସକ ଦଳକୁ ୮ଟି କାଉନସେଲଲର, ବିଜେପିକୁ ୨ଟି ଓ ଜଣେ ସ୍ୱାଧିନ କାଉନସେଲର ବିଜୟୀ ହୋଇ ଶାସକ ଦଳ ଅଧ୍ୟକ୍ଷ ପଦବୀ ହାସଳ କରିଥିଲେ । କଂଗ୍ରେସ ଦଳ ଖାତା ଖୋଲି ପାରି ନଥିବା ବେଳେ ଏଥର ଅଧ୍ୟକ୍ଷ ପଦ ସିଧା ସଳଖ ନିର୍ବାଚନ ହେଉଥିବାରୁ ଅଧ୍ୟକ୍ଷ ପଦ ନିଜ ଅକ୍ତିଆରେ ରଖିବା ପାଇଁ ରଣନିତି ପ୍ରସ୍ତୁତ ଚାଳିଥିବା ଜଣାପଡିଛି । ଏଥର ତିନୋଟି ଦଳ ମଧ୍ୟରେ ଅଧ୍ୟକ୍ଷ ପଦ ପାଇଁ ଜୋରଦାର ଲଢାଇ ହେବାର ସମ୍ଭାବନା ରହିଛି।