05-Mar-2022

ବରଗଡ:-ବରଗଡ ଜିଲ୍ଲାରେ ଦିନକୁ ଦିନ ନିଶା ମାଫିଆଙ୍କ ଆତଙ୍କ ଚାଲିଥିବା ବେଳେ ନିଶା କାରବାର ତଥା ସଟ୍ଟା, ଜୁଆ, ମଦ, କୋରେସ୍କ, ଗଂଜେଇ ଆଦି ବେପାର ଦିନକୁ ଦିନ ବୃଦ୍ଧି ପାଉଛି ହେଲେ ପୋଲିସ ଟେର ପାଉନାହିଁ | ହେଲେ ଶୁକ୍ରବାର ଅପରାହ୍ନ ସମୟରେ ବରଗଡ଼ ଜିଲ୍ଲା ଅତାବିରା ପୋଲିସ ଦ୍ୱାରା ବିପୁଳ ପରିମାଣରେ ଗଂଜେଇ  ଜବତ କରିଥିବା ପୋଲିସ ସୂତ୍ରରୁ ସୂଚନା ମିଳିଛି  | କୌଣସି ସୂତ୍ରରୁ ଖବର ପାଇ ଅତାବିରା ଥାନା ଅଧିକାରୀ ଅନୀଲ କୁମାର ପ୍ରଧାନ ଙ୍କ ନେତୃତ୍ୱରେ ଏସଡିପିଓ ଦୀପକ କୁମାର ଏବଂ ମାଜିଷ୍ଟ୍ରେଟ ଭାବେ ଅତାବିରା ବ୍ଲକ ବିଡ଼ିଓ ବିଶ୍ୱନାଥ ସାହୁଙ୍କ   ସହିତ ପୋଲିସ ର ଏକ ସ୍ୱତନ୍ତ୍ର ଟିମ ତିଆରି ହୋଇ ଗୋଡ଼ଭଗା ରୁ ସୋନପୁର ରାସ୍ତାରେ ଥିବା ଭାଲୁଡୁଙ୍ଗୁରି ସ୍ଥିତ  ରୁଚି ଢ଼ାବା  ପାଖରେ  ପୋଲିସ ପହଞ୍ଚି ଏକ ଗଂଜେଇ ବୋଝେଇ ସ୍ୱିଫ୍ଟ କାର ଏବଂ ଆପାଚି ମୋଟର ସାଇକଲ କୁ କାବୁ କରିଥିଲେ । ୬ ଜଣ ଯୁବକଙ୍କୁ ଗିରଫ କରିଥିବାବେଳେ ଘଟଣା ସ୍ଥଳରୁ ଏକ ଧଳା ରଙ୍ଗର ସ୍ୱିଫ୍ଟ ଡିଜିଆର କାର ନମ୍ବର ଓଡ଼ି14 ଏ 9611 ଓ ଏକ ଆପାଚି ମୋଟର ସାଇକଲ ନମ୍ବର ଓଡ଼ି 27 ବି 9366 ଗାଡି ଏବଂ 6 ଟି ମୋବାଇଲ ସହିତ 66 କେଜି 100 ଗ୍ରାମ ମାତ୍ରା ରେ ଗଞ୍ଜେଇ ଜବତ  କରିବା ସହ 6 ଜଣଙ୍କୁ କୋର୍ଟ ଚାଲାଣ କରିଥିବା ପୋଲିସ ସୂଚନା ଦେଇଛି । ସମସ୍ତ ଅଭିଯୁକ୍ତ ବୌଦ୍ଧ ଜିଲ୍ଲା ର ହୋଇଥିବା ଏସଡିପିଓ  ଦୀପକ ଗୋଛାୟତ ସୂଚନା ଦେଇଛନ୍ତି । ଏହିପରି ବେଆଇନ କାରବାର  ଅତାବିରା ଅଂଚଳରେ ବୃଦ୍ଧି ପାଉଥିବାବେଳେ ପୋଲିସ କିପରି ଭାବରେ ଟେର ପାଉନାହିଁ ତାହା ଏଠାରେ ପ୍ରଶ୍ନବାଚୀ ସୃଷ୍ଟି କରିଛି | ହେଲେ ଅତାବିରା ପୋଲିସ ଏତେ ପରିମାଣରେ ଗଂଜେଇ ଜବତ କରିଛି ତେଣୁ ତାହା ଅତାବିରା ପୋଲିସ ପାଇଁ ବଡ଼ ସଫଳତା ଅଟେ |