04-Mar-2022

ନୟାଗଡ (ପ୍ରଦୀପ କୁମାର ପଣ୍ଡା): ରୁଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ମହଙ୍ଗା ପଡିଛି ଭାରତୀୟ ଙ୍କ ପାଇଁ | ଫଶି ରହିଥିବା ଅନେକ ଭାରତୀୟଙ୍କୁ ସରକାର ବିନା ଶୁଳ୍କ ରେ ମାତୃଭୂମି କୁ ଫେରାଇ ଆଣିବାକୁ ମିଶନ "ଗଙ୍ଗା" କାର୍ଯ୍ୟକାରୀ କରିଛନ୍ତି | ଏହି ପରିପ୍ରେକ୍ଷୀରେ ନୟାଗଡ଼ ର ୨ ଡାକ୍ତରୀ ଛାତ୍ର ନିଜ ଘରକୁ ଫେରିଛନ୍ତି | ଫଶି ରହିଥିବା  ଉଭୟ ଛାତ୍ରଙ୍କ ପରିବାର ତରଫରୁ ସରକାର ଏବଂ ଜିଲ୍ଲା ପ୍ରଶାସନ ପାଖରେ ଉଦ୍ଧାର ପାଇଁ ନିବେଦନ କରାଯାଇଥିଲା | ସୂଚନାକ୍ରମେ ନୟାଗଡ଼ ଜିଲ୍ଲା ସରଣକୂଳ ଥାନା ଅନ୍ତର୍ଗତ ପାଟୁଳି ସାହି ଗ୍ରାମ ର ବ୍ରଜବନ୍ଧୁ ଜେନା ଙ୍କ ପୁତ୍ର ସୌରଜିତ ଶ୍ରୀଚନ୍ଦନ ଶେଷ ବର୍ଷ ଡାକ୍ତରୀ ପଡୁଥିବା ବେଳେ ସଦର ଥାନା ଅନ୍ତର୍ଗତ ନାଗମୁଣ୍ଡୁଳି ଗ୍ରାମର ରବୀନ୍ଦ୍ର କୁମାର ପ୍ରଧାନ ଙ୍କ ପୁତ୍ର

ଧର୍ମେନ୍ଦ୍ର ପ୍ରଧାନ ତୃତୀୟ ବର୍ଷ ର ଡାକ୍ତରୀ ଛାତ୍ର ଭାବେ କିବ ସହରରେ ଫସିରହିଥିଲେ | ଗତକାଲି ୨ଜଣ ନିଜ ଘରକୁ ଫେରି ଆଜି ନୟାଗଡ଼ ଜିଲ୍ଲାପାଳ ଡ଼ା. ପୋମା ଟୁଡୁ ଏବଂ ମନ୍ତ୍ରୀ ଅରୁଣ କୁମାର ସାହୁ ଙ୍କୁ ସପରିବାରେ ଭେଟି କୃତଜ୍ଞତା ପ୍ରଦାନ କରିଛନ୍ତି | ତତସହିତ ଉଭୟ ଙ୍କ ପରିବାର ସରକାର ଏବଂ ଜିଲ୍ଲା ପ୍ରଶାସନ କୁ ଭୁରି ପ୍ରଶଂସା କରିବା ସହିତ ଧନ୍ୟବାଦ ଜଣାଇଛନ୍ତି |