25-Feb-2022

ଭୁବନେଶ୍ୱର,/ଏବେ ଓଡ଼ିଶାରେ ଜୀ-ସାର୍ଥକ ଚ୍ୟାନେଲ୍‌ରେ ଚାଲିଥିବା ‘ଦାଦାଗିରି’ ସୋ’କୁ ଦେଖିବାପାଇଁ ଦର୍ଶକ ମହଲରେ ଅଜସ୍ର ଉତ୍କଣ୍ଠା ଦେଖାଦେଇଛି। ଏଥର ଦାଦାଗିରି ରେ "ଦିବ୍ୟଦୃଷ୍ଟି" ମେଗା ଧାରାବାହିକ ର ମୁଖ୍ୟ କଳାକାର ଦିବ୍ୟ, ଦୃଷ୍ଟି, ଜସ୍ମୀନ୍ ଓ ସୁନନ୍ଦା ପ୍ରମୁଖ ଭାଗନେଇ ନାଚ ଗୀତ ସହ ଅନେକ ମଉଜ ମସ୍ତି  ଦେଖି ବାକୁ ଦର୍ଶକମାନେ ଦେଖିପାରିବେ।

ପ୍ରଥମେ ମେଗାଷ୍ଟାର ଅନୁଭବଙ୍କୁ ନେଇ ମେଗା ରିଆଲିଟି ସୋ’ ‘ଦାଦାଗିରି’ର ପରିକଳ୍ପନା କରିଥିଲା ଚ୍ୟାନେଲ୍ ଜୀ-ସାର୍ଥକ। କିଛିଦିନ ତଳେ ଦର୍ଶକ ଜୀ-ସାର୍ଥକ ଚ୍ୟାନେଲରେ ପ୍ରଦର୍ଶିତ ହେଉଥିବା ଲୋକପ୍ରିୟ ଧାରାବାହିକ,"ଝିଲି" ‘ବିଜୟୀନି’ ,"ତୋ

ପାଇଁ ମୁଁ ମୋ ପାଇଁ ତୁ"ର ଅଭିନେତା ଓ ଅଭିନେତ୍ରୀଙ୍କୁ ନେଇ ଏହି ସୋ’ର ଏକ ବିଶେଷ ଅଧ୍ୟାୟ ଦେଖିଥିଲେ। କଣ୍ଠଶିଳ୍ପୀ ହ୍ୟୁମାନ ସାଗର,ଦିପ୍ତୀରେଖା,ଅସୀମା ପଣ୍ଡା,ପ୍ରଜ୍ଞା ଙ୍କୁ ନେଇ ବିଶେଷ ଅଧ୍ୟାୟ ହୋଇ ବେଶ୍ ଜନାଦୃତ ହୋଇସାରିଛି।
ଏଥି ପୂର୍ବରୁ ବିଗତ ଅଧ୍ୟାୟ ରେ ବିଜୟିନୀ ର ଅଭିନେତ୍ରୀ ଦୀପିକା ତ୍ରିପାଠୀ,ଅଭିନେତା ବିଶ୍ବଭୂଷଣ, ସାଗର ଓ ବାଦଲ ମଧ୍ୟ ଯୋଗଦେଇ ଅନୁଭବଙ୍କ ସହ ମଜାମସ୍ତି କରିଥିଲେ। ଅନୁଭବଙ୍କ ଏହି ରିଆଲିଟି ସୋ’ ସଂଚାଳନା ନେଇ ସାରା ଓଡ଼ିଶାରେ ଚର୍ଚ୍ଚା ଜୋର ଧରିଛି। ଅନେକ ସୁପର୍‌ହିଟ୍‌ ଚଳଚ୍ଚିତ୍ର ଦେଇ ଓଡ଼ିଆ ଦର୍ଶକଙ୍କ ହୃଦୟ ଜିଣିଥିବା ଅନୁଭବ ‘ଦାଦାଗିରି’ ସୋ’ ମାଧ୍ୟମରେ ଘରେ ଘରେ ସବୁବର୍ଗର ଲୋକଙ୍କୁ ଭରପୂର ମନୋରଞ୍ଜନ ଦେଇ ଚାଲିଛନ୍ତି। ୩୦ଟି ଜିଲ୍ଲାରୁ ୩୦ ଜଣ ପ୍ରତିଯୋଗୀଙ୍କୁ ନେଇ ‘ଦାଦାଗିରି’ର ଏପିସୋଡ୍ ପ୍ରସ୍ତୁତ ହୋଇଥିବା ବେଳେ ଏଥିରେ ଯୋଗ ଦେଉଥିବା ପ୍ରଖ୍ୟାତ ସେଲିବ୍ରିଟିମାନେ  ହିଁ ‘ଦାଦାଗିରି’ ର ଦର୍ଶକାଦୃତି ବୃଦ୍ଧି ପାଇବାର ମୁଖ୍ୟ ଭୂମିକା ନେଉଛନ୍ତି । "ଦିବ୍ୟଦୃଷ୍ଟି" ର କଳାକାରମାନଙ୍କୁ ନେଇ ପ୍ରସ୍ତୁତ ବିଶେଷ ଅଧ୍ୟାୟ ଆସନ୍ତା ରବିବାର ଫେବୃଆରୀ ୨୭ ରାତି ୯ଟା ରେ ପ୍ରସାରିତ ହେବ ବୋଲି ଜୀସାର୍ଥକ ପକ୍ଷରୁ କୁହାଯାଇଛି।