18-Feb-2022

ସୁବର୍ଣ୍ଣପୁରହ// ସୁବର୍ଣ୍ଣପୁର ଜିଲ୍ଲା ରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଦ୍ଵିତୀୟ ପର୍ଯ୍ୟାୟରେ ଆଜି ସୋନପୁର ବ୍ଲକ ରେ  ରେକର୍ଡ ସଂଖ୍ଯାରେ ୮୬.୭୩  ପ୍ରତିଶତ ମତଦାନ ସହିତ ଶାନ୍ତିପୂର୍ଣ୍ଣ ଭାବରେ ଭୋଟ ଗ୍ରହଣ ସମାପ୍ତ ହୋଇଛି l ବ୍ଲକ ରେ  ୧୮୩ ଟି ମତଦାନ କେନ୍ଦ୍ରରେ ଭୋଟର  ମାନେ ସେମାନଙ୍କ ପ୍ରତିନିଧି ଚୟନ କରିବା ପାଇଁ  ମତଦାନ କରିଛନ୍ତି I ଏଥିପାଇଁ ସମଗ୍ର ବ୍ଲକ କୁ ଦୁଇଟି ଜୋନ୍ ରେ ବିଭକ୍ତ କରାଯାଇ  ନିରୀକ୍ଷଣ ରେ  ରଖାଯାଇଥିଲା I ସେହିପରି ବିନିକା ବ୍ଲକ ରେ    84.60 ପ୍ରତିଶତ ମତଦାନ ସହିତ ସୁରୁଖୁରୁ ଭାବରେ ଭୋଟ ଗ୍ରହଣ ସମାପ୍ତ ହୋଇଛି l ବ୍ଲକ ରେ ୨୦୪  ଟି ବୁଥ ରେ ଭୋଟର  ମାନେ ମତଦାନ କରିଛନ୍ତି I ଏଥିପାଇଁ ସମଗ୍ର ବ୍ଲକ କୁ ଦୁଇଟି ଜୋନ୍ ରେ ବିଭକ୍ତ କରାଯାଇ  ନିରୀକ୍ଷଣ ରେ  ରଖାଯାଇଥିଲା I ଜିଲ୍ଲ୍ଲାପାଳ ଶ୍ରୀମତୀ ଆବୋଲୀ ସୁନୀଲ ନରୱଣେ ଉଭୟ  ବ୍ଲକ ଗସ୍ତକରି ସମସ୍ତ ବ୍ୟବସ୍ଥା ର ଅନୁଧ୍ୟାନ କରିଥିଲେ l ପ୍ରଶାସନ ର ବରିଷ୍ଠ ଅଧିକାରୀମାନଙ୍କ ନିରୀକ୍ଷଣ ରେ  ଉଭୟ  ବ୍ଲକ  ରେ ଅବାଧ ଏବଂ ଶାନ୍ତିପୂର୍ଣ୍ଣ ନିର୍ବାଚନ ସମ୍ଭବ ହୋଇପାରିଛି I  କୌଣସି ସ୍ଥାନ ରେ କିଛି ଅପ୍ରିତିକର ପରିସ୍ଥିତି ସୃଷ୍ଟି ହେବାର  ଖବର  ହସ୍ତଗତ ହୋଇ ନାହିଁ l ସକାଳ 7 ଟାରୁ ଭୋଟ୍ ଗ୍ରହଣ  ଆରମ୍ଭ ହୋଇଥିବା ବେଳେ ଭୋଟର ମାନେ ନିର୍ଦ୍ଧାରିତ ସମୟରେ  କେନ୍ଦ୍ରରେ ଉପସ୍ଥିତ ରହି ଶେଷ ଯାଏଁ ଭୋଟ ଦେଇଥିଲେ I  ଉଭୟ ବ୍ଲକ ରେ ଉତ୍ସାହଜନକ ଭାବରେ ଭୋଟର ମାନେ ମତଦାନ କରିଛନ୍ତି I ଜିଲ୍ଲା  ପଞ୍ଚାୟତ  ଅଧିକାରୀ  ଶ୍ରୀଯୁକ୍ତ  ଅମୂଲ୍ୟ କୁମାର ନନ୍ଦ ଏଥିପାଇଁ  ନିର୍ବାଚନରେ  ନିୟୋଜିତ  ସମସ୍ତ ଅଧିକାରୀ ମାନଙ୍କୁ  ଧନ୍ୟବାଦ  ଜଣାଇଛନ୍ତି I