17-Feb-2022

ପଦ୍ମପୁର(ନିରଞ୍ଜନ ତ୍ରିପାଠୀ) ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଅଧିନସ୍ଥ ପ୍ରସିଦ୍ଧ ତୀର୍ଥ କ୍ଷେତ୍ର ଶ୍ରୀ ଶ୍ରୀ ନୃସିଂହନାଥ ମହାପ୍ରଭୁଙ୍କ ମନ୍ଦିର ପ୍ରାକୃତିକ ସୌନ୍ଦର୍ଯ୍ୟ ଭରା ପରିବେଶ ପାଇଁ ବେଶ ଖ୍ୟାତି ଅର୍ଜନ କରିଛି ।ପ୍ରଭୁଙ୍କ ମହାପ୍ରସାଦ ସମେତ ହରିହର ପଙ୍ଗତ ପାଇଁ ମଧ୍ୟ ସେତିକି ଖ୍ୟାତି ରହିଛି । ମନ୍ଦିର ପରମ୍ପରା ଓ ନୀତି ଅନୁସାରେ ପ୍ରତ୍ୟେକ ଦିନ ସକାଳେ ମହାପ୍ରଭୁଙ୍କ ନିକଟରେ ଖେଚୁଡ଼ି ଭୋଗ , ଦିପହରେ ଅନ୍ନ ଭୋଗ ,ସନ୍ଧ୍ୟା ରେ ଫଳ ଭୋଗ ଓ ରାତ୍ରିରେ ପୁନର୍ବାର ଅନ୍ନ ଭୋଗ ଲାଗି ପ୍ରସାଦ ଶ୍ରଦ୍ଧାଳୁ ମାନଙ୍କୁ ବିତରଣ  କରିଦିଆଯାଏ । ମୁଖ୍ୟତଃ ଦିନ ବାରଟା ସମୟରେ ପ୍ରତ୍ୟେକ ଦିନ ହରିହର ପଙ୍ଗତ ମାଗଣାରେ ହଜାର ହଜାର ଭକ୍ତ, ଶ୍ରଦ୍ଧାଳୁ ମାନଙ୍କୁ ବିତରଣ କରାଯାଏ । ହରିହର ପଙ୍ଗତ ଶ୍ରଦ୍ଧାଳୁ ମାନଙ୍କୁ ମନ୍ଦିର ପରିସରରେ ବସେଇ ପତ୍ରରେ ଖାଇବାକୁ ଦିବା ପରମ୍ପରା ବହୁ ପୁରୁଣା । କିନ୍ତୁ ମହାମାରୀ କୋରୋନା ଋପକ ବ୍ୟାଧି ସକାଶେ ପ୍ରଶାସନ ତରଫରୁ ହରିହର ପଙ୍ଗତ ବିତରଣ ଉପରେ ଅଙ୍କୁଶ ରହିଥିଲା । ଯଦିଓ ଗତ ବର୍ଷ ଜୁଲାଇ ରୁ ସେପ୍ଟେମ୍ବର ର କିଛିଦିନ କଟକଣା ଲାଗୁ କରାଯାଇଥିଲା ।ପରେ ପୁଣି କଟକଣା ଲାଗିଯିବା ପରେ ମହାପ୍ରସାଦ ବିତରଣ   ବନ୍ଦ ରହିଥିଲା । ହେଲେ ଆଜି ମହାପ୍ରଭୁଙ୍କ ଅସୀମ କୃପା ଓ ପ୍ରଶାସନ ର ଆଦେଶ କ୍ରମେ ପୁନର୍ବାର ହରିହର ପଙ୍ଗତ  ଆରମ୍ଭ କରାଯାଇଛି । ଦୀର୍ଘଦିନ ର ବ୍ୟବଧାନ ପରେ ମହାପ୍ରଭୁଙ୍କ ପ୍ରସାଦ ପାଇ ଶ୍ରଦ୍ଧାଳୁ ଭକ୍ତମାନେ ଆତ୍ମସନ୍ତୋଷ ଲାଭ କରିଛନ୍ତି ।  ଶ୍ରଦ୍ଧାଳୁ ଭକ୍ତମାନଙ୍କୁ ପ୍ରସାଦ ପରସି ମନ୍ଦିର ସେବାୟତ ମାନେ ଅତ୍ୟନ୍ତ ଆନନ୍ଦିତ ଭଳି ଲକ୍ଷ କରାଯାଉଛି ।ଏଣେ ବର୍ତ୍ତମାନ ଧୀରେ ଧୀରେ କଟକଣା କୋହଳ ହେଉଥିବା କାରଣରୁ ମନ୍ଦିର ପ୍ରଶାସନ ର କାମ ଓ ସେବା ମଧ୍ୟ ଠିକ ଭାବରେ ସମ୍ପାଦନ କରାଯାଉଛି । ପ୍ରଶାସନ ର ନିର୍ଦେଶ ତଥା ଆବଶ୍ୟକୀୟ ନିର୍ଦ୍ଦେଶନୁଯାୟୀ ଶ୍ରଦ୍ଧାଳୁ , ତୀର୍ଥଯାତ୍ରୀ ଓ ପର୍ଯଟକ ମାନଙ୍କୁ ଠିକ ସେବା ଯୋଗାଇ ଦେବା ପାଇଁ ମନ୍ଦିର ପ୍ରଶାସନ ତରଫରୁ ସମସ୍ତ ପ୍ରସ୍ତୁତି ରହିଛି । ଶ୍ରଦ୍ଧାଳୁ , ତୀର୍ଥଯାତ୍ରୀ ଓ ପର୍ଯଟକ ମାନେ ମଧ୍ୟ ସମସ୍ତ ନିୟମାବଳୀ କୁ ଦୃଷ୍ଟିରେ ରଖି ପ୍ରଭୁଙ୍କ ଦର୍ଶନ କରନ୍ତୁ ବୋଲି ଶ୍ରୀ ଶ୍ରୀ ନୃସିଂହନାଥ ଟ୍ରଷ୍ଟ ବୋର୍ଡ ର କାର୍ଯନିର୍ବାହୀ ଅଧିକାରୀ ଶ୍ରୀ ପୁରୁଷୋତ୍ତମ ପ୍ରଧାନ ଜନସାଧାରଣ ଙ୍କୁ ନିବେଦନ କରିଛନ୍ତି