08-Feb-2022

ବିନିକା(ହିମାଂଶୁ ଶେଖର ପୁଟେଳ) ବିନିକା ବ୍ଲକ ସିନ୍ଦୁରପୁର ପଞ୍ଚାୟତ ଅନ୍ତର୍ଗତ ସାଲମାଟିକ୍ରା ସମଲେଇ ପଡାବାସୀ ସମସ୍ତ ସରକାରୀ ମୌଳିକ ସୁବିଧାରୁ ବଞ୍ଚିତ ଥିବାରୁ ଆଗାମୀ ପଞ୍ଚାୟତ ନିର୍ବାଚନରେ ଭୋଟ ବର୍ଜନ କରିବା ପାଇଁ ପଡାବାସୀ ସ୍ଥାନୀୟ ବିଡ଼ିଓ ବ୍ୟାସଦେବ ବେହେରାଙ୍କ ଠାରେ ଅଭିଯୋଗ କରିଛନ୍ତି | ଏହି ପଡାରେ ୫ଟି ପରିବାରର ୨୫ ଜଣ ଭୋଟର  ରହିଛନ୍ତି | ସେମାନେ ଝାଟିମାଟି ଘରେ ବାସ କରୁଥିବା ବେଳେ ହାତୀ ଉପଦ୍ରବ ସମୟରେ ସେମାନେ ପ୍ରାଣ ଭୟରେ ନିକଟସ୍ଥ ଆଶ୍ରମ ଛାତ ଉପରେ ପିଲା ଛୁଆ ଧରି ଆଶ୍ରୟ ନେଉଛନ୍ତି | ସେମାନେ ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନା,କାଳିଆ ଯୋଜନା, ସୌଭାଗ୍ୟ ଯୋଜନା,ପାଣି ସମସ୍ୟା,ରାସ୍ତା ଅବସ୍ଥା ଏଭଲି ଅନେକ ସମସ୍ୟା ପଡ଼ାବାସି ପାଇବାରୁ ବଞ୍ଚିତ ରହିଛନ୍ତି |ପ୍ରତିବର୍ଷ ନିର୍ବାଚନ ସମୟରେ ପ୍ରାଥୀ/ପ୍ରାଥୀନି ମାନେ ଆସି ବିଭିନ୍ନ ପ୍ରକାର ମିଛ ପ୍ରତିଶୃତି ଦେଇ ଭୋଟ ହାସଲ କରି ନିଅନ୍ତି | ହେଲେ ନିର୍ବାଚନ ସରିଗଲେ ସେମାନଙ୍କର ଆଉ ଦେଖାମିଲିନଥାଏ | ବାରମ୍ବାର ବ୍ଲକ ପ୍ରଶାସନ ଠାରେ ଅଭିଯୋଗ କରି ଆସୁଥିଲେ ମଧ୍ୟ କିଛି ସୁଫଳ ମିଳୁନଥିବା ପଡାବାସି କହିଛନ୍ତି । ଏଥିଯୋଗୁଁ ସେମାନେ ବାଧ୍ୟହୋଇ ଭୋଟ ବର୍ଜନ ନିଷ୍ପତି ନେଇଥିବା ପ୍ରକାଶ କରିଛନ୍ତି ।