08-Feb-2022

ବିନିକା(ହିମାଂଶୁ ଶେଖର ପୁଟେଲ): ଛୁରୀ ଓ ବନ୍ଧୁକ ଦେଖାଇ ତୁମେ ନିର୍ବାଚନ ରୁ ଓହରିଯାଅ ନହେଲେ ତୁମକୁ ଜୀବନରେ ମାରି ଦେବି ବୋଲି ଧମକ ଚମକ ଦେବା ସହ ମୋ ଆଖି ସାମନାରେ ମୋ ସ୍ବାମୀ ରାଜେଶ ଦେହେରୀ ଙ୍କୁ ଗାଡ଼ିରେ ବସାଇ କୁଆଡେ ନେଇ ଯାଇଛନ୍ତି ବୋଲି ସମିତିସଭ୍ୟା ପ୍ରାର୍ଥୀନୀ ମିନା ଦେହେରୀ ବିନିକା ଥାନାରେ ଅଭିଯୋଗ କରିଛନ୍ତି ।ଥାନାରେ ଦିଆଯାଇଥିବା ଲିଖିତ ଅଭିଯୋଗ ଅନୁସାରେ ବିନିକା ବ୍ଳକ ଅନ୍ତର୍ଗତ ମହାଦେବପାଲି ପଞ୍ଚାୟତ ସଂସାମୁରା ଗ୍ରାମର ମିନା ଦେହେରୀ ସମିତିସଭ୍ୟା ପ୍ରାର୍ଥୀନୀ ଭାବେ ନିର୍ବାଚନ ଲଡୁଛନ୍ତି ।ଗତକାଲି ଏହି ପଞ୍ଚାୟତ ଅଧିନସ୍ଥ ସକମା ଗ୍ରାମରେ ନିର୍ବାଚନ ପ୍ରଚାର କରୁଥିବା ବେଳେ ମଧ୍ୟାହ୍ନ ପ୍ରାୟ ୧୨ ଘଣ୍ଟା ସମୟରେ ଗ୍ରାମର ମନ୍ଦିର ସମ୍ଭୂଖରେ ସୁରେଶ ପୁଜାହାରୀ ଓ ୮ ରୁ ୧୦ଜଣ ବ୍ୟକ୍ତି ଏକ ଗାଡ଼ିରେ ଆସି ମୋ ସ୍ବାମୀଙ୍କୁ ଛୁରୀ ଓ ବନ୍ଧୁକ ଦେଖାଇ ଆକ୍ରମଣ କରି ତୁରନ୍ତ ନିର୍ବାଚନରୁ ଓହରିଯାଅ ନହେଲେ ଜୀବନରେ ମାରି ଦେବୁ

ବୋଲି ଧମକ ଚମକ ଦେଇଥିଲେ । ତାଙ୍କ ସହିତ ଆସିଥିବା କେତେକ ଦୁର୍ବୃତ୍ତ ମୋ ନିର୍ବାଚନୀ ପୋଷ୍ଟର ଚିରି ଦେବା ସହ ଘୋଡ଼ାଧାର ଗ୍ରାମର ପୁରୁନ୍ଦର ଷାଣ୍ଡ ମୁଁ ପିନ୍ଧିଥିବା ବସ୍ତ୍ର କୁ ଟଣା ଓଟରା କରିଥିଲା ଯାହାକି ମୁଁ କଳେବଳେ କୌଶଳେ ନିଜକୁ ରକ୍ଷା କରିବାରେ ସମର୍ଥ ହୋଇଥିଲି । ଏହି ସମୟରେ ଉଭୟ ସୁରେଶ ପୂଜାହାରୀ ଓ ପୁରୁନ୍ଦର ସାଣ୍ଡ ଅଶ୍ଲିଲ ଭାଷାରେ ଗାଲି ଦେଇ ମୋ ସ୍ୱାମୀକୁ ଗାଡ଼ିରେ ବସାଇ କୁଆଡେ ନେଇ ଯାଇଛନ୍ତି ବୋଲି ସେ ଥାନାରେ ଅଭିଯୋଗ କରିଛନ୍ତି ।ଯଦି କୌଣସି ଅଘଟଣ ଘଟେ ତେବେ ଉଭୟ ବ୍ୟକ୍ତି ସମ୍ପୂର୍ଣ୍ଣ ଭାବେ ଦାୟୀ  ରହିବେ ବୋଲି କହିଛନ୍ତି ।ତେଣୁ ନିର୍ବାଚନ ପ୍ରଚାର ବେଳେ  ପୋଲିସ ସୁରକ୍ଷା ଦେବାକୁ ଅନୁରୋଧ କରି ଉକ୍ତ ଘଟଣା ଉପରେ ତଦନ୍ତ କରି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସମିତିସଭ୍ୟା ପ୍ରାର୍ଥୀନୀ ମିନା ପ୍ରାର୍ଥନା କରିଛନ୍ତି । ଏହି ଘଟଣା ନେଇ ବିନିକା ଥାନାରେ ଏକ ମାମଲା ରୁଜୁ ହୋଇଛି ।ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ଥାନା ଅଧିକାରୀ ସୂଚନା ଦେଇଛନ୍ତି ।