14-Nov-2020

ବରଗଡ଼, (ମୁକୁନ୍ଦ ଦାଶ) : ଶିଶୁଦିବସ ଉପଲକ୍ଷେ ବିକାଶ ଲ’ ସ୍କୁଲ୍ ରେ ଏକ ଅନ୍‌ଲାଇନ୍ ୱେବିନାର୍ ଅନୁଷ୍ଠିତ ହୋଇଯାଇଛି । ବିକାଶ ଲ’ ସ୍କୁଲ୍‌ର ଅଧ୍ୟକ୍ଷ ଡ.ବିକ୍ରମ କୁମାର ଦାସ ଙ୍କ ପୌରୋହିତ୍ୟରେ ଶିଶୁଦିବସ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ଲ’ ସ୍କୁଲ୍‌ର କୋଅର୍ଡିନେଟର୍ ଅଧ୍ୟାପକ ଶିବାନନ୍ଦ ସାହୁ ସଭା ସଂଯୋଜନା କରିବା ସହିତ ନୂତନ ଛାତ୍ରଛାତ୍ରୀମାନଙ୍କୁ ସ୍ୱାଗତ ଜଣାଇଥିଲେ । ଏଥିରେ ଅଧ୍ୟକ୍ଷ ଡ.ବିକ୍ରମ କୁମାର ଦାସ ପ୍ରାରମ୍ଭିକ ସୂଚନା ପ୍ରଦାନ କରି ଶିଶୁଦିବସ ପାଳନ ର ଉଦ୍ଦେଶ୍ୟ ଉପରେ ଆଲୋକପାତ କରିଥିଲେ ଏବଂ ନୂତନ ଛାତ୍ରଛାତ୍ରୀମାନଙ୍କୁ ସ୍ୱାଗତ ଓ ଅଭିନନ୍ଦନ ଜଣାଇଥିଲେ । ମୁଖ୍ୟ ଅତିଥି ଭାବରେ ଡ.ରମାକାନ୍ତ ଶତପଥୀ, ବରିଷ୍ଠ ଆଇନ୍‌ଜୀବୀ ଉପସ୍ଥିତ ରହି ଶିଶୁଦିବସ ପାଳନର ଇତିହାସ ଏବଂ ଶିଶୁମାନଙ୍କର ଅଧିକାର ବିଷୟରେ ଆଲୋଚନା କରିଥିଲେ । ଏହି ୱେବିନାର୍‌ରେ ଲ’ ସ୍କୁଲ୍‌ର ଛାତ୍ରଛାତ୍ରୀମାନେ ସେମାନଙ୍କ ବକ୍ତବ୍ୟ ପ୍ରଦାନ କରିଥିଲେ । ଛାତ୍ରଛାତ୍ରୀମାନଙ୍କ ମଧ୍ୟରେ ଅପର୍ଣ୍ଣା ପତି, ରାଧିକା ଅଗ୍ରୱାଲା, ଚର୍ଚ୍ଚିତ ପ୍ରଧାନ, ଅଞ୍ଜଳୀ ଉପାଧ୍ୟାୟ, ଚନ୍ଦନ ବେହେରା, ଶ୍ରୀୟା ସନମ୍ ପଣ୍ଡା, ଶାଳିନୀ ବିଶି, ନବନୀତା ପଣ୍ଡା, ଶୁଭମ ମେହେର ଏବଂ ଆଦର୍ଶ ଜୈଶ୍ୱାଲ ନିଜର ବକ୍ତବ୍ୟ ରେ ପଣ୍ଡିତ ଜବାହରଲାଲ୍ ନେହେରୁଙ୍କ ଭାବାଦର୍ଶ ଉପରେ ଆଲୋକପାତ କରିଥିଲେ ।

ଅଧ୍ୟାପକ ନୟନଜ୍ୟୋତି ଦାସ ଏବଂ ଅଭିନନ୍ଦନ ଖୁଣ୍ଟିଆ ତାଙ୍କର ବକ୍ତବ୍ୟରେ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ । ଉକ୍ତ ସଭାରେ ବିକାଶ ଶିକ୍ଷାନୁଷ୍ଠାନ ର ଚେୟାର୍‌ମେନ୍ ଶ୍ରୀ ଡି. ମୂରଲୀ କ୍ରୀଷ୍ଣା, ମ୍ୟାନେଜିଂ ଡାଇରେକ୍ଟର୍ ଶ୍ରୀ ଜି.ଭାସ୍କର ରାଓ, ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଡି.ନାଗେଶ୍ୱର ରାଓ, ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା, ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ର ଅଧ୍ୟକ୍ଷ ଇଂ.ଅଜୟ ମହାପାତ୍ର, ବିକାଶ ସ୍କୁଲ୍ ଅଫ୍ ବିଜ୍‌ନେସ୍ ମ୍ୟାନେଜ୍‌ମେଣ୍ଟ୍ ର ଅଧ୍ୟକ୍ଷ ଡ.କ୍ଷୀରୋଦ ପ୍ରଧାନ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିବା ସହିତ ଶୁଭ ଦୀପାବଳୀ ର ଅଭିନନ୍ଦନ ଜ୍ଞାପନ କରିଥିଲେ । ଶେଷରେ ଅଧ୍ୟାପକ ଜୈମିନୀ କୁମାର ସାହୁ ତାଙ୍କର ବକ୍ତବ୍ୟରେ ପଣ୍ଡିତ ନେହେରୁ ଙ୍କ ଜୀବନାଦର୍ଶ କୁ ଛାତ୍ରଛାତ୍ରୀମାନେ ସେମାନଙ୍କ ଜୀବନରେ ଉପଯୋଗ କରିବାକୁ ଉପଦେଶ ଦେଇ ଧନ୍ୟବାଦ ଅର୍ପଣ କରିଥିଲେ ।