06-Feb-2022

ବରଗଡ:- ବରଗଡ ଜିଲ୍ଲା ଶାଖା ସାମ୍ବାଦିକ ସଙ୍ଘ ଓୟୁଡବ୍ଲୁଜେ ଦ୍ୱାରା କିଛି ସାମ୍ବାଦିକ ମାନଙ୍କୁ ବହିଷ୍କାର କରିଥିବା ଖବର  ଚଳିତ ମାସ ତିନି ତାରିଖରେ ସମାଜ ଖବର କାଗଜରେ ପ୍ରକାଶିତ ହୋଇଥିଲା ତେଣୁ ତାହା ବିରୁଦ୍ଧରେ ରବିବାର ବରଗଡ ଠାରେ ଉକ୍ତ ସାମ୍ବାଦିକ ମାନଙ୍କ ଦ୍ୱାରା ଏହାର ପ୍ରତିବାଦ  ସ୍ୱରୂପ ଏକ ବୈଠକ ଅନୁଷ୍ଠିତ ହୋଇଯାଇଛି | ସେଥିରେ ଉକ୍ତ ସାମ୍ବାଦିକ ମାନେ ନିଜ ନିଜ ମନ୍ତବ୍ୟ ଦେଇ କହିଛନ୍ତି ।  ଗତ ଡିସେମ୍ବର ମାସ ୨୭ତାରିଖରେ ସେମାନଙ୍କର କାର୍ଡ ର ଅବଧି ସମାପ୍ତ ହୋଇଯାଇଥିବା ବେଳେ ପୁନର୍ବାର ଅବଧି ନବୀକରଣ କରିନଥିଲେ ଉକ୍ତ ସାମ୍ବାଦିକ ମାନେ | ତାହାର କାରଣ ସ୍ୱରୂପ ସେହି ସଂଘରେ ରାଜ୍ୟ କମିଟି ଦାୟିତ୍ୱରେ ଥିବା ଉପସଭାପତି ଜିଲ୍ଲାରେ ନିଜର ମନମୁଖି କାର୍ଯ୍ୟକଳାପ କରୁଥିଲେ ଓ ଏକଛତ୍ରବାଦୀ ନିୟମ କାର୍ଯ୍ୟକାରୀ କରୁଥିଲେ ଫଳରେ ଉକ୍ତ ସାମ୍ବାଦିକ ମାନେ ଅନେକ ଥର ସଂଘ ଦ୍ୱାରା ତିଆରି ସୋସିଆଲ ମିଡ଼ିଆ ଗ୍ରୁପରେ ଏହି ଅସୁବିଧା ଜଣେଇଥିଲେ ଏବଂ ସମସ୍ତ ସଦସ୍ୟଙ୍କୁ ନେଇ ସଙ୍ଘରେ ଲାଗିରହିଥିବା ବିବାଦ ବିଷୟରେ ଆଲୋଚନା କରିବା ପାଇଁ ଏକ ବୈଠକ କରିବା ସକାଶେ ଅନୁରୋଧ କରିଥିଲେ | କିନ୍ତୁ କିଛି ଦିନ ପରେ ଫେବୃଆରୀ ୩ ତାରିଖରେ ସମାଜ ଖବର କାଗଜରେ ପ୍ରକାଶିତ ହେଲା ଯେ ନଅ ଜଣ ସାମ୍ବାଦିକଙ୍କୁ ସଂଘ ବିରୁଦ୍ଧରେ କାର୍ଯ୍ୟ ପାଇଁ ବହିଷ୍କାର କରାଯାଇଛି | ତାହାର ପ୍ରତିବାଦରେ ଉକ୍ତ ସାମ୍ବାଦିକ ମାନେ ପ୍ରଶ୍ନ କରିଛନ୍ତି ଯଦି ଅବଧି ସରିଯାଇଛି ତେବେ ସେମାନଙ୍କୁ କେଉଁ ଅଧିକାରରେ ବହିଷ୍କାର କରାଗଲା । ଏବଂ କଣ ସବୁ ସଂଘ ବିରୁଦ୍ଧରେ କାର୍ଯ୍ୟକଳାପ କରିଥିଲେ ସେହି ସାମ୍ବାଦିକ ମାନେ ତାହା ସଂଘ ର ରାଜ୍ୟ ସଭାପତି ଶ୍ରୀମାନ ସୁଜ୍ଞାନ ଚୈାଧୁରୀ ସ୍ପଷ୍ଟୀକରଣ ରଖିବେ କି ?  ତାସହିତ ଯେଉଁ ଖବର କାଗଜ ଏହା ପ୍ରକାଶିତ କରିଥିଲା ସେ ଉକ୍ତ ସାମ୍ବାଦିକ ମାନଙ୍କର ମତ ନେଇଥିଲେ କି ?  ଜଣେ କହିଦେଲେ କି ଲେଖିକରି ଦେଇଦେଲେ ତାହା କଣ ସଠିକ ହୋଇଥାଏ ତାହା ଏଠାରେ ପ୍ରଶ୍ନବାଚୀ ସୃଷ୍ଟି କରିଛି | ତେଣୁ ୩ ତାରିଖ ପ୍ରକାଶିତ ହୋଇଥିବା ଖବର କୁ ବିରୋଧ କରି ସେହି ସାମ୍ବାଦିକ ମାନେ ଏକ ପ୍ରତିବାଦ ସଭା କରିଥିଲେ ଓ ନିଜ ସମ୍ମାନହାନି ହୋଇଥିବା ହେତୁ ମାନହାନି ମାମଲା ରୁଜୁ କରିବାପାଇଁ ସ୍ଥିର କରିଛନ୍ତି | ସେଥିପାଇଁ ଆଗକୁ କଣ ସବୁ ପଦକ୍ଷେପ ନିଆଯିବ ତାହା ମଧ୍ୟ କରାଯିବ ବୋଲି ସେମାନେ ସ୍ଥିର କରିଛନ୍ତି | ଏହି ବୈଠକରେ ସାମ୍ବାଦିକଙ୍କ ମଧ୍ୟରେ ଅସିତ ସ୍ୱାଇଁ, ନିରଞ୍ଜନ ତ୍ରିପାଠୀ, ନବୀନ ଦାସ, ଆକାଶ ମିଶ୍ର, ଖିରୋଜ ନାୟକ ପ୍ରମୁଖ ଉପସ୍ଥିତ ରହିଥିଲେ ଓ ଏଥିରେ ସଂଘ ର ପୂର୍ବତନ ସଭାପତି ତ୍ରିବିକ୍ରମ ତ୍ରିପାଠୀ ମଧ୍ୟ ସହମତି ଅଛନ୍ତି ବୋଲି କହିଛନ୍ତି |