06-Feb-2022

ମସ୍କୋ - ଋଷିଆ ଏବଂ ୟୁକ୍ରେନ ମଧ୍ୟରେ ବିବାଦ ଦିନକୁ ଦିନ ବଢ଼ିବାରେ ଲାଗିଛି । ଋଷିଆ - ୟୁକ୍ରେନ ବିବାଦ ସମାଧାନ ପାଇଁ ବିଭିନ୍ନ ସ୍ତରରେ ଉଦ୍ୟମ ଚାଲିଥିବା ବେଳେ ଋଷିଆ ୟୁକ୍ରେନ ସୀମାରେ ସୈନ୍ୟ ସଂଖ୍ୟା ବୃଦ୍ଧି କରିବାରେ ଲାଗିଛି । ପୁଟିନ ଙ୍କ ନିର୍ଦ୍ଦେଶ ମିଳିବା କ୍ଷଣି ୟୁକ୍ରେନ ଉପରେ ଋଷିଆ ଆକ୍ରମଣ କରିବା ପାଇଁ ସଜବାଜ ସରିଥିବା ୟୁକ୍ରେନ ସେନା ପକ୍ଷରୁ ଆକଳନ କରାଯାଏ । ଋଷିଆ ଗତ ସପ୍ତାହ ରେ ଆଉ ୧୦ ହଜାର ସୈନ୍ୟ କ୍ରୀମିଆ ଉପଦ୍ଵିପ ରେ ମୁତୟନ କରିଛି । ମୁତୟନ କରାଯାଇଥିବା ସୈନ୍ୟ ଙ୍କ ମଧ୍ୟରେ ପଦାତିକ ଓ ସ୍ଵତନ୍ତ୍ର ପ୍ରଶିକ୍ଷିତ କମାଣ୍ଡୋ ରହିଛନ୍ତି । ଋଷିଆ ୨୦୧୪ ରେ କ୍ରିମିଆ ଉପଦ୍ଵିପ କୁ ୟୁକ୍ରେନ ଠାରୁ ଛଡାଇ ଆଣିଥିଲା । ୟୁକ୍ରେନ ଉପଗ୍ରହ ରୁ ସଂଗ୍ରହ କରିଥିବା ଚିତ୍ର ରୁ ଜଣାପଡେ ଗତ କିଛି ସପ୍ତାହ ମଧ୍ୟରେ କ୍ରିମିଆ ଅଞ୍ଚଳରେ ଋଷିଆ ତାର ସୈନ୍ୟ ସଂଖ୍ୟା ବୃଦ୍ଧି କରିଛି । ସୀମାନ୍ତ ଅଞ୍ଚଳ ମାନଙ୍କରେ ଋଷିଆ ଅସ୍ଥାୟୀ ହସ୍ପିଟାଲ ମାନ ସ୍ଥାପନ କରିବା ସହ ୟୁକ୍ରେନ ର ଯୋଗାଯୋଗ ବିଚ୍ଛିନ୍ନ କରିବାକୁ ଇଲୋଟ୍ରୋନିକ୍ସ ସିଷ୍ଟମ ଲଗାଇଛି ।