06-Feb-2022

ପାଟଣାଗଡ – କଳାହାଣ୍ଡି ଜିଲ୍ଲା ମୋହନଗିରିର ସାମ୍ବାଦିକ ରୋହିତ ବିଶ୍ୱାଳ ନିଜର କର୍ତବ୍ୟ ପାଳନ କରିବାକୁ ଯାଇ ମାଓବାଦୀଙ୍କ ଲ୍ୟଣ୍ଡମାଇନ ବିସ୍ଫୋରଣରେ ଗତକାଲି ନିହତ ହୋଇଛନ୍ତି । ଯାହାଫଳରେ ସମଗ୍ର ରାଜ୍ୟରେ ସାମ୍ବାଦିିକ ଜଗତରେ ଶୋକର ଛାୟା ଖେଳି ଯାଇଛି । ଏଭଳି ଦୁଃଖଦ ପରିସ୍ଥିତିରେ ମୃତ ସାମ୍ବାଦିକଙ୍କୁ ଅଶୃଳ ଶ୍ରଦ୍ଧାଞ୍ଜଳୀ ଜଣାଇବା ସହ ଏକ ଶୋକ ସଭା ଅନୁଷ୍ଠିତ ହୋଇଯାଇଛି ପାଟଣାଗଡ ପ୍ରେସ କ୍ଲବ ତରଫରୁ । କ୍ଲବ ସଭାପତି ସୁଧାକର ଦାଶ ମୃତ

ରୋହିତଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ପ୍ରଦାନ କରିଥିଲେ । ୨ମିନିଟ ନୀରବ ପ୍ରାର୍ଥନା ପରେ ଉପସ୍ଥିତ ସମସ୍ତ ସାମ୍ବାଦକ ପୁଷ୍ପ ପ୍ରଦାନ କରି ଶୋକ ବକ୍ତବ୍ୟ କରିଥିଲେ । ଏହି ସଭାରେ ପ୍ରେସ କ୍ଲବର ଆଲୋକ ପାଣିଗ୍ରାହୀ, ବିଜୟାନନ୍ଦ ଦାଶ, ଅଜିତ ପୁରୋହିତ, ଦୀପକ ଖମାରୀ, ଅଜିତ ମିଶ୍ର, ପୂର୍ଣ୍ଣ ଶଶିଶେଖର ରାଓ, ଶିରିଶ ଖମାରୀ, ବିଭୁତି ଭୁଷଣ ବଡୁ, କ୍ରିଷ୍ଣା ସେଠୀ, ଜପିନ୍ଦ୍ର ସୁନା, ଅବିନାଶ ବିଶ୍ୱାଲ, ଭୋଜରାଜ ଦଣ୍ଡସେନା, ନିରୋଜ ପଟେଲ ପ୍ରମୁଖ ଉପସ୍ଥିତ ଥିଲେ ।