04-Feb-2022

ସୁବର୍ଣ୍ଣପୁର/   ସୁବର୍ଣ୍ଣପୁର ଜିଲ୍ଲାପାଳ ଶ୍ରୀମତୀ ଅବୋଲି ସୁନୀଲ ନରୱଣେ ଙ୍କ ସହ ଓଡିଶା ସାମ୍ବାଦିକ ସଂଘ ର ଏକ ଉଚ୍ଚସ୍ତରୀୟ ପ୍ରତିନିଧି ଦଳ ସୌଜନ୍ୟମୂଳକ ସାକ୍ଷାତ କରିଥିଲେ l ସଂଘ ପକ୍ଷରୁ ପ୍ରଦାନ କରାଯାଉଥିବା ଦୁସ୍ଥ ସାମ୍ବାଦିକଙ୍କ ପରିବାରକୁ ବାର୍ଦ୍ଧକ୍ୟ ଭତ୍ତା, ବିଧବା ଭତ୍ତା, ସାମାଜିକ ସୁରକ୍ଷା ଓ ପ୍ରତିଭା ସମ୍ମାନ ଭଳି ବିଭିନ୍ନ ସାମାଜିକ କାର୍ଯ୍ୟରେ ଜିଲ୍ଲା ପ୍ରଶାସନ ୨୦୧୦ ମସିହାରୁ ନିରନ୍ତର ଭାବେ ସହଯୋଗ ଜାରି ରଖି ପ୍ରୋତ୍ସାହନ ଯୋଗାଇ ଆସିଥିଵାରୁ  ଜିଲ୍ଲାପାଳଙ୍କୁ ଧନ୍ୟବାଦ ଓ କୃତଜ୍ଞତା ଜଣାଇଥିଲେ l ସୁବର୍ଣ୍ଣପୁର ଜିଲ୍ଲାର ବିଭିନ୍ନ  ଧାନ ମଣ୍ଡିରେ ଟ୍ରାନ୍ସପୋର୍ଟିଂ ସମସ୍ୟା,  ଟାର୍ଗେଟ ର ଅଭାବ ତଥା ଟୋକନ ସମସ୍ୟାର ବିଭିନ୍ନ ଅବ୍ୟବସ୍ଥାକୁ ସୁଧାରିବା ସହ ଗୋଶ୍ରଦ୍ଧା ପ୍ରକଳ୍ପ ର ଯତ୍ନ ଓ ସୁରକ୍ଷାକୁ ବ୍ୟକ୍ତିଗତ ଭାବରେ ତଦାରଖ କରିବାକୁ, ନବନିର୍ମିତ ଚାରିଥାକିଆ ରାସ୍ତା ଓ ରିଙ୍ଗ ରୋଡ କାର୍ଯ୍ୟ ଓ କେନ୍ଦ୍ରୀୟ ବିଦ୍ୟାଳୟର ନୂତନ କୋଠା ନିର୍ମାଣ କୁ ତ୍ୱରାନ୍ୱିତ କରିବାକୁ ତଥା ଡାଲିଜାତୀୟ ଚାଷ, କପା ଚାଷ ଓ ଅନ୍ୟାନ୍ୟ ଫସଲ ଉତ୍ପାଦନକୁ ଅଗ୍ରାଧିକାର ଦେଇ ଚାଷୀଙ୍କୁ ପ୍ରୋତ୍ସାହନ ଦେବାକୁ ସଂଘର କର୍ମ କର୍ତ୍ତା ଅନୁରୋଧ  କରିଥିଲେ l ସେହିପରି ଖୋର୍ଦ୍ଧା ବଲାଙ୍ଗୀର ରେଳ ପ୍ରକଳ୍ପ ଓ ଜମି ଅଧିଗ୍ରହଣ ସ୍ଥିତି ଉପରେ ଆଲୋଚନା କରିଥିଲେ l ଜିଲ୍ଲା ପ୍ରାଣୀ ଚିକିତ୍ସାଳୟ ର ନାମକୁମାତ୍ର ଥିବା ଭ୍ରାମ୍ୟମାଣ ଚିକିତ୍ସାସେବାକୁ ଏକ୍ଟିଭ କରିବାକୁ ଓ ସର୍ବୋପରି ମୋଡେଲ ଭିଲେଜ ର ଅଗ୍ରଗତି ସମ୍ବନ୍ଧରେ  ଆଲୋଚନା କରିବାସହ  ଧାନ ଚୋରା ଚାଲାଣକୁ ରୋକିବା ସହ  ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣକରିବାକୁ ମତ ରଖିଥିଲେ ସେହିପରି  ଜିଲ୍ଲା ର ପଞ୍ଚାୟତ ନିର୍ବାଚନକୁ  ଅବାଧ ଓ ଶାନ୍ତି ଶୃଙ୍ଖଳା  ର ସହିତ ପରିଚାଳନା କରିଵାକୁ ତଥା ଜ଼ିଲ୍ଲା ର ଆଇନ ଶୃଙ୍ଖଳା ବିଷୟରେ ଦୀର୍ଘ ସମୟଧରି   ଆଲୋଚନା କରିଥିଲେ l ଗଭୀର ନଳକୂପ ଖନନ ଯୋଜନା ଓ ଧାନ ମଣ୍ଡି ମାନଙ୍କରେ ଚାଷୀମାନେ ଭୋଗୁଥିବା ବିଭିନ୍ନ ସମସ୍ୟାକୁ  ନିଜର  ଅଭିଜ୍ଞତା  ସହ ଯୁବ ସାମ୍ବାଦିକ  ରାଜ କିଶୋର ତ୍ରିପାଠୀ  ପ୍ରକାଶ କରିଥିଲେ l ପ୍ରାଣୀ ଚିକିତ୍ସାଳୟ ର କାର୍ଯ୍ୟ ମନ୍ଥରତା, ଓ ସେବା ଉପରେ ଜ଼ିଲ୍ଲାପାଳ ନିଜର ଅସନ୍ତୋଷ ଜାହିର କରିଥିବା ବେଳେ  ରାସ୍ତା  ନିର୍ମାଣ ଓ ରିଙ୍ଗ ରୋଡ଼ କାର୍ଯ୍ୟ ଏପ୍ରିଲ ମାସ ସୁଦ୍ଧା ସଂପୂର୍ଣ୍ଣ ହେବାନେଇ ଦୃଢ଼ ପ୍ରତିଶୁତି ଦେଇ ଜିଲ୍ଲାର ସମସ୍ତ ମଣ୍ଡି ମାନଙ୍କରେ ଟାର୍ଗେଟ ବଢ଼ାଇଥିବା ଓ  ଜ଼ିଲ୍ଲା ସ୍ତରରେ ରେଲୱେ  ପ୍ରକଳ୍ପ ର କାର୍ଯ୍ୟ ପ୍ରସ୍ତୁତିରେ ଆଉ କିଛି ବାକି ନାହିଁ ବୋଲି ପ୍ରକାଶ କରିଥିଲେ l ଏହି ପ୍ରତିନିଧି ଦଳରେ ସଂଘ ର ରାଜ୍ୟ ସମ୍ପାଦକ ରାଜକିଶୋର ତ୍ରିପାଠୀ, ବରିଷ୍ଠ ସାମ୍ବାଦିକ ତଥା ସଂଘର ଉପଦେଷ୍ଟା ଦିଲ୍ଲୀପ ପାତ୍ର, ସୁବର୍ଣ୍ଣପୁର ଜିଲ୍ଲା ଶାଖା ସଭାପତି ମନୋରଞ୍ଜନ ତ୍ରିପାଠୀ, ସମ୍ପାଦକ ମହାଦେବ ମଲ୍ଲିକ ଓ ସଭ୍ୟ  ତଥା ସଂଘ ର ଆଇନ ପରାମର୍ଶଦାତା ଲକ୍ଷ୍ମୀନ୍ଦ୍ର ବେଜ ପ୍ରମୁଖ ଉପସ୍ଥିତ ଥିଲେ l