04-Feb-2022

କଂଟାବାଞ୍ଜି(ଆନନ୍ଦ ମୋଟେ)- ଭାରତୀୟ ରେଲୱେ ବୋର୍ଡ ତଥା ଇଷ୍ଟକୋଷ୍ଟ    ରେଲୱେ ପକ୍ଷରୁ ଦିଆଯାଇଥିବା ଚିଠି ଅନୁସାରେ ଟିଟିିଲାଗଡ଼- ହାୱାଡା ଇସ୍ପାତ ଏକ୍ସପ୍ରେସ ନଂ ୧୨୮୭୧/୭୨ ନମ୍ବର ଟ୍ରେନକୁ କଂଟାବାଞ୍ଜିି ପର୍ଯ୍ୟନ୍ତ ସଂପ୍ରସାରିତ କରାଯିବାକୁ ମଞ୍ଜୁରୀ ମିଳିଛି । । ଏହା କଂଟାବାଞ୍ଜିକୁ  ସପ୍ତାହକୁ ଚାରି ଦିନ ଚାଲିବ । ଆସନ୍ତା ୧୨ ତାରିଖ ଠାରୁ ଏହି ଟ୍ରେନ ଚଳାଚାଳର ଶୁଭାରମ୍ଭ ହେବ । ଏହା ନିର୍ଦ୍ଧାରିତ ଦିନ ଭୋର ୪ ଟା ୧୫ ମିନିଟ ସମୟରେ କଂଟାବାଞ୍ଜିରୁ ଛାଡିବ ।    ସ୍ଥାନୀୟ ବିଧାୟକଙ୍କ ଉପସ୍ଥିତିରେ ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ ଏହାକୁ ପତାକା ଦେଖାଇ ଉଦ୍‌ଘାଟନ କରିବାର କାର୍ଯ୍ୟକ୍ରମ ରହିଛି ।  ଏହି ଖବର ଜାଣିବା ପରେ କଂଟାବାଞ୍ଜି ଅଂଚଳରେ ଲୋକଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ସୂଚନାଯୋଗ୍ୟ ଯେ  ଟିଟିିଲାଗଡ଼- ହାୱାଡା ଇସ୍ପାତ ଏକ୍ସପ୍ରେସକୁ କଂଟାବାଞ୍ଜି ପର୍ଯ୍ୟ ସଂପ୍ରସାରିତ କରିବା ପାଇଁ ଜନସାଧାରଣ ବହୁ ଦିନରୁ ଦାବି କରି ଆସୁଥିଲା । ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂଦେଓ ମଧ୍ୟ ଏ ନେଇ କେନ୍ଦ୍ର ରେଳ ମନ୍ତ୍ରୀଙ୍କୁ ସାକ୍ଷାତ କରି ନିଜର ଦାବି ଜଣାଇ ସାରିଛନ୍ତି । ଇସ୍ପାତ ଏକ୍ସେପ୍ରେସ କଂଟାବାବାଞ୍ଜି ପର୍ଯ୍ୟନ୍ତ ସଂପ୍ରସାରିତ ହେବାପରେ କଂଟାବାଞ୍ଜିବାସୀ ଙ୍କ ବହୁ ଦିନର ଦାବି ପୂରଣ ହେଲା ବୋଲି ଜନମତ ପ୍ରକାଶ ପାଇଛି ।