03-Feb-2022

ବଲାଙ୍ଗିର (ପ୍ରେରଣା ଖବର) ବଲାଙ୍ଗିର ଜିଲ୍ଲାରେ ଦିନକୁ ଦିନ ଚୋରୀ, ଡକାୟତି ଆଦି ଅସାମାଜିକ କାର୍ଯ୍ୟକଳାପ ବୃଦ୍ଧି ପାଇବାରେ ଲାଗିଛି l ପୋଲିସ କଡା ପେଟ୍ରୋଲିଂ ଓ ବିଭିନ୍ନ ସ୍ଥାନରେ ସିସି ଟିଭି କ୍ୟାମେରା  ଥାଇ ମଧ୍ୟ ପୋଲିସକୁ ଖୋଲା ଚାଲେଞ୍ଜ ଦେଇ ଅପରାଧି ମାନେ ନିଜ କାର୍ଯ୍ୟ ରେ ସଫଳ ହେଉଛନ୍ତି l ଏହାର ଏକ ଝଲକ ଦେଖିବାକୁ ମିଳିଛି ବଲାଙ୍ଗିର ଜିଲ୍ଲାରେ l ବଲାଙ୍ଗିର ସିଭିଲ୍ କୋର୍ଟ କେମପସ୍ ରୁ ଗତ 1 ତାରିଖ ରାତିରେ ମୋଟ୍ ୫୫ ଟି ଏ ସି କେବୁଲ ଚୋରୀ ହୋଇଥିବା ସୂଚନା ମିଳିଛି l ଏଥି ମଧ୍ୟରୁ ଜିଲ୍ଲା ଓକିଲ ସଂଘ ପରିସରରେ ଥିବା ୧୨ ଟି ଏ ସି ର କେବୁଲ୍ ଚୋରୀ ହୋଇଥିବା ଜଣାପଡିଛି l ଗତକାଲି କୋର୍ଟ ଖୋଲିବା ବେଳେ ଚୋରି ଖବର ଜଣାପଡ଼ିଥିଲା l ଏହା ପରେ ଜିଲ୍ଲା ଦୌରା ଜଜ ବଲାଙ୍ଗିର ଟାଉନ୍ ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗକୁ ଆଧାର କରି ଏହି ଚୋରୀ ଘଟଣାରେ ସମ୍ପୃକ୍ତ୍ ଥିବା ସିରିଲ କୋର୍ଟ ର ସ୍ୱିପର୍ ଭୀମ କୁ ପୋଲିସ ଗିରଫ କରି ଥାନାରେ ଅଟକ ରଖିଛି l ଆଜି ଭୀମ କୁ କୋର୍ଟ ଚାଲାଣ କରାଯିବ ବୋଲି ସୂଚନା ମିଳିଛି l ଭୀମ ପାଖରୁ ଚୋରୀ ହୋଈଥିବା ସମସ୍ତ କେବୁଲ ତମ୍ବା ତlର ଜବତ ହୋଇ ସାରିଥିବା ପୋଲିସ କହିଥିବା ବେଳେ ତା ପାଖରୁ ଏକ ଆରି ପତି ଓ କଫ ଶିରଫ୍ ଜବତ ହୋଈଥିବା ଜଣାପଡିଛି l ତେବେ ଏତେ ସଂଖ୍ୟକ ଏସି ର ତମ୍ବା ତାର ଚୋରି  ଘଟଣାରେ ଆଉ କାହାର ସମ୍ପୃକ୍ତି ରହିଛି, ବଲାଙ୍ଗିର ପୋଲିସ ଏ ଦିଗ ଉପରେ ଖୋଳତାଡ଼ କରୁଛି l ବଲାଙ୍ଗିର ଟାଉନ୍ ଥନା ଆଇଆଇସି ପ୍ରିୟଙ୍କା ରାଉତ ଙ୍କୁ ଏ ସମ୍ପର୍କରେ ପଚାରିବାରୁ ଘଟଣାରେ ତଦନ୍ତ ଚାଲିଛି ବୋଲି କହିଛନ୍ତି l