13-Nov-2020

କଲାହାଣ୍ଡି, (ପ୍ରେରଣା ଖବର) - ଆଜିର ଦିନରେ ମଣିଷ  ଚନ୍ଦ୍ର ପୃଷ୍ଟରେ କାୟା ବିସ୍ତାର କରିସାରିଥିଲେ ମଧ୍ୟ ଅନ୍ଧବିଶ୍ୱାସ ବିଶ୍ୱାସ ଭିତରେ ଡୁବି ରହିଛି। ଦିନ କୁ ଦିନ ସମାଜର ଉନ୍ନତି କରଣ ବୃଦ୍ଧି ହେଲେ ବି କୁସଂସ୍କାର ରୁ ବାହାରି ପାରୁନି ଯାହା ମଣିଷପଣିଆ ଉପରେ ସଦା ପ୍ରଶ୍ନବାଚୀ ସୃଷ୍ଟି ହେଉଛି। ବିଜ୍ଞାନ ଅଗ୍ରଗତି କାହିଁ କେତେ ଆଗେଇ ଗଲାଣି  ତଥାପି ମଣିଷର ଚିନ୍ତା ବହୁ ନିମ୍ନସ୍ତରରେ ଗତି କରୁଛି, ଯାହା ମଣିଷ ର ଅମାନସିକତା ଯୋଗୁଁ ଜଣେ ଅସହାୟ ରୋଗୀ ଙ୍କ ଜୀବନ ଅଭିଶପ୍ତ ପାଲଟିଛି।  ବାସନ୍ଦ ଜୀବନ କାଟିବାକୁ ବାଧ୍ୟ ହୋଇଛି।

    ଏଭଳି ଏକ ଅମାନବୀୟ, ଅଭାବନୀୟ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଲକ ତଳଝାପି ଗାଁରେ । ଗାଁର କଦମ ମାଝୀ ଦୀର୍ଘ ଦିନ ହେବ କୁଷ୍ଠ ରୋଗରେ ଆକ୍ରାନ୍ତ ହୋଇ ଅତି ଦୟନୀୟ ଅବସ୍ଥାରେ ପଡିରହିଛି । ଏହି ବ୍ୟାଧି ପାଇଁ ସେ ଅବିବାହିତ ଥିବାବେଳେ ନିଜ ପରିବାର ତଥା ବନ୍ଧୁ ପରିଜନ ମଧ୍ୟ କଦମକୁ ଆଡ଼ ନଜର ଦେଖିଛି । ଗୋଟାଏ ପଟେ ନିଜ ରକ୍ତସମ୍ପର୍କୀୟ ଙ୍କ ଘୃଣା ଭାବ ଅନ୍ୟପଟେ  ସମାଜ ଟେରା ନଜର ନିସ୍ତାର ପାଇଁ ବାଧ୍ୟବାଧ୍ୟକତା ଭାବେ ନିଜକୁ ଦୁରେଇ  ଗାଁ ଠାରୁ ଦୂର ରାସ୍ତାକଡ ଏକ ଜଙ୍ଗଲରେ ଏକ କୁଡ଼ିଆ ଭିତରେ ଏକା ରହୁଛି। ପାଣି ହେଉ ଅବା ଗାଧୋଇବା ହେଉ ସବୁଠି ଘୃଣା ର କଷାଘାତ ରେ ଛନ୍ଦି ପଡିଛି କଦମ। ତେବେ ରୋଗ କଷ୍ଟ ଠାରୁ ସମାଜର ଘୃଣା ନଜର ଓ ବାସନ୍ଦ ଭାରି କଷ୍ଟ ଦେଉଥିବା ପ୍ରକାଶ କରନ୍ତି।ସରକାର ଓ ପ୍ରଶାସନ ତୁରନ୍ତ କଦମ ପ୍ରତି ଦୃଷ୍ଟି ଦେଇ ତାର ଚିକିତ୍ସା ସୁବିଧା ଯୋଗାଇ ଦେବାକୁ ସ୍ଥାନୀୟ ଲୋକଙ୍କ ଦାବୀ ହୁଏ।