19-Jan-2022

କଂଟାବାଞ୍ଜି(ଆନନ୍ଦ ମୋଟେ) : ବର୍ତମାନ ଆଧୁନିକ ଯୁଗରେ ସମସ୍ତେ ନିଜ ନିଜ କାମରେ ବ୍ୟସ୍ତ । ଆଜିର ଏହି ଯୁଗରେ ନିଜ ସ୍ୱାର୍ଥ ନଥିଲେ କିଏ କାହାର କାମ କରେନାହିଁ । ଅନେକ ସମୟରେ ମାନବିକତା ହଜି ଯାଉଥିବା ମଧ୍ୟ ନଜିର ରହିଥାଏ । ତେବେ ଆଜିବି କିଛି ଲୋକ ଅଛନ୍ତି ଯାହାଙ୍କ ପାଇଁ ଆମେ ମାନବିକତା ବଂଚି ରହିଛି ବୋଲି କହି ପାରିବା । ବଲାଙ୍ଗିର ଜିଲ୍ଲା କଂଟାବାଞ୍ଜି ସହର ଏକ ବ୍ୟବସାୟୀ ସହର । ବ୍ୟବସାୟ ପାଇଁ ରାଜ୍ୟ ତଥା ରାଜ୍ୟ ବାହାରେ ବେସ ପରିଚିତ ଏହି ସହର ।  ତେବେ ଏହି ସବୁ ଭିତରେ ସବୁ ସମୟରେ କଂଟାବାଞ୍ଜି ପ୍ରେସ କ୍ଲବ ଏକାଧିକ ସମାଜ ମଂଗଳ କାମ କରି ଆଜି ସହରରେ ପ୍ରଶଂସାର ପାତ୍ର ହେବା ସହ ଅନ୍ୟ ଯୁବପିଢୀ/ ସମାଜସେବୀ ସଂଗଠନ ମାନଙ୍କ ପାଇଁ ଉଦାହରଣ ପାଲଟିଛି । ଡିସେମ୍ବର ୨୬ ତାରିଖ କଂଟାବାଞ୍ଜି ରେଳ ଷ୍ଟେଶନରେ ଏକ ଅଜଣା ବୃଦ୍ଧା ଅସହାୟ ଅବସ୍ଥାରେ ପଡିଥିବା ଖବର ପ୍ରେସ କ୍ଲବ ପାଖକୁ ପହଂଚିଥିଲା । ପ୍ରେସ କ୍ଲବ ସଭାପତି ପ୍ରଭଜିତ ସିଂ ସାଲୁଜାଙ୍କ ନେତୃତ୍ୟରେ ଅନ୍ୟ ସଦସ୍ୟ ମାନେ ତୁରନ୍ତ ବୃଦ୍ଧାଙ୍କ ପାଖକୁ ପହଂଚିଥିଲେ । ବୃଦ୍ଧା ଜଣକ ଦିର୍ଘ ଦିନରୁ ଖାଇବା ପିଇବା ବନ୍ଦ କରିଦେଇଥିବା ବେଳେ ସେ ଅସୁସ୍ଥ ଅବସ୍ଥାରେ ପଡିଥିବା ଯୋଗୁ ତାଙ୍କୁ ସ୍ଥାନିୟ ଡାକ୍ତରଖାନା ଉତ୍ତମ ଚିକିତ୍ସା ପାଇଁ ଅଣାଯାଇଥିଲା ।  ଡାକ୍ତରଖାନାରେ ବୃଦ୍ଧାଙ୍କ ଚିକିତ୍ସା ଆରମ୍ଭ କରାଯାଇଥିଲା । ପ୍ରତ୍ୟେକ ଦିନ ପ୍ରେସ କ୍ଲବର ସଦସ୍ୟ ଯୁଗକ କିଶୋର ଶବର ସହ ଅନ୍ୟ ସଦସ୍ୟ ମାନେ ଡାକ୍ତରଖାନାକୁ ଯାଇ ବୃଦ୍ଧାଙ୍କ ସ୍ୱାସ୍ଥ୍ୟ ଅବସ୍ଥା ପଚାରି ବୁଝିବା ସହ ଖାଇବା ପିଇବା ସହ ଅନ୍ୟ ସବୁ ପ୍ରକାର ସୁବିଧା ଯୋଗାଇ ଦେଇଆସୁଥିଲେ । ତେବେ ଚିକିତ୍ସାଧିନ ଅବସ୍ଥାରେ ବୃଦ୍ଧାଙ୍କ ମୃତ୍ୟୁ ହୋଇଥିବା ବେଳେ ପ୍ରେସ କ୍ଲବ ମୃତ ବୃଦ୍ଧାଙ୍କ ଶବକୁ ଉଚିତ ସମ୍ମାନ ଦେବାକୁ ଆଗକୁ ଆସିଥିଲା । ହିନ୍ଦୁ ରିତିନିତି ପରମ୍ପରା ଅନୁସାରେ ଡାକ୍ତରଖାନାରୁ ବୃଦ୍ଧାଙ୍କ ଶବ କାନ୍ଧେଇ ସହର ମୁଖ୍ୟ ରାସ୍ତା ଦେଇ ସ୍ଥାନିୟ ମୁକ୍ତିଧାମକୁ ନିଆଗଲା । ସେଠାରେ ମାଜିଷ୍ଟେଟ ଦାୟିତ୍ୱରେ ଅତିରିକ୍ତ ତହସିଲଦାର ଯୋଗେଶ୍ୱର ଧରୁଆଙ୍କ ଉପସ୍ଥିତିରେ ପ୍ରେସ କ୍ଲବର ସଦସ୍ୟ ଯୁଗଲ କିଶୋର ଶବର ( କାଜୁ) ମୁଖାଗ୍ନି ଦେଇଥିଲେ । ପ୍ରେସ କ୍ଲବ କାର୍ଯ୍ୟକାରି ସଭାପତି ସୁରଦାସ ବାଗ, ଉପସଭାପତି ରଶ୍ଚିରଞ୍ଜନ ପୁଟେଲ, ସହ-ସଂପାଦକ ଦିପକ କୁମାର ଦାସ ୟାଦବ, କୋଷାଧ୍ୟକ୍ଷ ହନି ସିଂ, ପରାମର୍ଶଦାତା ଆଶିଷ ଖଇତାନ, ଆନନ୍ଦ ମୋଟେ, ଆଇନ ପରାମର୍ଶଦାତା ବିବେକ ଶର୍ମା, ସଦସ୍ୟ ରୋହନ ମହତ, ଜଗମୋହନ ତାଣ୍ଡି, ମେଡିକାଲ ଅଫିସର ଡାକ୍ତର ଏସ.ପି.ଡି. ପଣ୍ଡା, ରୋଗୀ କଲ୍ୟାଣ ସମିତି

ବରିଷ୍ଠ ସଦସ୍ୟ ବରିୟାମ ସିଂ ସାଲୁଜା ( ନାଙ୍ଗୁ ସିଂ), ଏସଡିପିଓ ହୃଶିକେଶ ମେହେର, ଜେଳର ବିକାଶଲତା ବାରୁ , ପୋଲିସ ଅଧିକାରି, ଯୁବ ସମାଜସେବି ଇସାନ ସୋମୟା, ସଂଗ୍ରାମ ତ୍ରିପାଠି, ଓମପ୍ରକାଶ  ସିଂ ସହ ଡାକ୍ତରଖାନାର ଅନ୍ୟ କର୍ମଚାରି ମାନେ ଏହି ମହାନ କାମରେ ସାମିଲ ହୋଇଥିଲେ । ପ୍ରେସ କ୍ଲବର ଏଭଲି କାମ ଯୋଗୁ ସହରବାସି ଭୁରିଭୁରି ପ୍ରସଂଶା କରୁଥିବା ବେଳେ ଜିଲ୍ଲାର ବିଭିନ୍ନ ସଂଗଠନ ପକ୍ଷରୁ ଶୁଭେଚ୍ଛାର ସୁଅ ଛୁଟୁଛି ।