17-Jan-2022

କଳାହାଣ୍ଡି,କୋକସରା(ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା କଲମ ପୁର ବ୍ଲକ ବୋଦେଲ ବନ୍ଧ ଓ ଅନେକ ଗୁଡିଏ ଗ୍ରାମରେ ପାଳିତ ହେଉଛି ଏହି ଟୋକି ପରବ,  ଏପରି କୋଭି ଡ ନିୟମକୁ ମାନି ପାଳନ କରା ଯାଇଛି କୋକସରା ବ୍ଳକ କାଉ ଡୋଳା ଗ୍ରାମ ପଞ୍ଚାୟତ କାଉ ଡୋଳା ଗ୍ରାମରେ ଚାଲିଛି ଟୋକି  ପର୍ବ । ଆଦିବାସୀ ମାନଙ୍କଏହା ହେଉଛି ଭିନ୍ନ ପର୍ବ । ମାଟିମା କୁ ସନ୍ତୁଷ୍ଟ କରିବା ପାଇଁ ପ୍ରତି  ବର୍ଷରେ ପୌଷ ମାସରେ କଳାହାଣ୍ଡି ଜିଲ୍ଲାର ବିଭିନ୍ନ ଗାଁ ମାନଙ୍କରେ ପାଳିତ ହୋଇଥାଏ ଟୋକି ପର୍ବ । ଆଖ ପାଖରେ ଥିବା ଆଦିବାସୀ ମାନଙ୍କୁ ନିମତ୍ରଣ  କରି ପାଳନ କରାଯାଏ ଏହି ଟୋକି ମରା ପର୍ବ । ଦେବା ଦେବୀଙ୍କ ପାଖରେ ସମର୍ପଣ କରିବା ବୋଦାକୁ ଗାଁର ଯାନୀ ଏବଂ ପୁଝରୀ ଙ୍କ ଘରୁ ବାହାର କରି ଗାଁ ପରିକ୍ରମା କରାଯାଇଥାଏ ।

ଏହା ପରେ ବୋଦାକୁ ପରଫ ଝାର ବା ପଡ଼ିଆକୁ ନେଇ ସେଠାରେ ମାଟି ମାକୁ ଅର୍ପଣ କରାଯାଏ । ଏହା ପରେ ବିଭିନ୍ନ ଗାଁରୁ ଆସିଥିବା ଆଦିବାସୀ ମାନେ ପାରମ୍ପ।ରିକ ଅସ୍ତ୍ର ଶସ୍ତ୍ର ଧରି ବାଜାର ତାଳେ ତାଳେ ନାଚି ଶୋଭା ଯାତ୍ରାରେ ଯାଇଥାନ୍ତି । ବିଶ୍ୱାସ ରହିଛି ବୋଦାର ମାଂସକୁ ନେଇକି ନିଜର ଗାଁ ଇଷ୍ଟଦେବୀ ଏବଂ ଜମିରେ ପୋତିଳେ ଗାଁର ସମସ୍ତ ଦୁଃଖ କଷ୍ଟ ନିବାରଣ ସହିତ ଜମିରେ ଭଲ ଅମଳ ହୋଇଥାଏ । ପୂର୍ବରୁ ବୋଦା ଜାଗାରେ କୁମାରୀ କନ୍ୟାକୁ ବଳି ଦିଆଯାଉଥିବା କୁହାଯାଏ । ତେବେ ପରେ ବୋଦାକୁ କୁମାରୀ କନ୍ୟାର ନାମରେ ଦିଆଯାଉଛି ।
ଟୋକିମରା ପର୍ବ ପରଦିନ ପାଳନ ହୁଏ ଧାଙ୍ଗଡ଼ି ଝୁଲା ଅର୍ଥାତ ଖୁସୀର ଦିନ ଗାଁରେ ବଡ଼ ବ୍ୟକ୍ତି ହେଉ କି ଧାଙ୍ଗଡ଼ି ଅର୍ଥାତ ଝିଅ ପୁଅ କୁ ଖଟିଆରେ ବୁଲା ଯାଏ । ଏମିତି ଖୁସୀରେ ଅତିଥି ମାନଙ୍କୁ ବୁଲାଇ ବୁଲାଇ ବାଦ୍ୟ ର  ତାଳେ ତାଳେ ନାଚି ଥାନ୍ତି । ଆଦିବାସୀ ଙ୍କ ବିଶ୍ୱାସ ରହିଛି ଏହି ଦିନ ଯଦି କୌଣସି ଆଦିବାସୀ ପୁଅ ଯଦି କୌଣସି ଝିଅକୁ  ହାତ ଧରି ଥାଏ ତେବେ ସେମାନଙ୍କୁ ସମାଜ ପତିପତ୍ନୀର ମର୍ଯ୍ୟଦା ଦିଆ ଯାଇଥାଏ l
କଳାହାଣ୍ଡି ଜିଲ୍ଲାର କୋକାସରା , ଜୟପାଟଣା , କଲମପୁର ଏବଂ ବିଭିନ୍ନ ଗାଁରେ ଥିବା ଆଦିବାସୀ ମାନେ ଟୋକିମରା ପର୍ବ ପାଳିତ କରିଥାନ୍ତି ।