15-Jan-2022

 ନୟାଗଡ଼, (ପ୍ରଦୀପ କୁମାର ପଣ୍ଡା): ଦିନକୁ ଦିନ କରୋନା ମହାମାରୀ ତାର ତୃତୀୟ ଲହର ର କାୟା ବିସ୍ତାର କରିବାରେ ଲାଗିଲାଣି | ଆଗାମୀ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଏବଂ ପୌର ପରିଷଦ ନିର୍ବାଚନ ପାଇଁ ଅଣ୍ଟାଭିଡିଛି ଓଡିଶା | ଇତ୍ୟାବଶରରେ ନିର୍ବାଚନୀ ଆଚରଣ ବିଧି ଲାଗୁ ହୋଇଛି | ଆଗାମୀ ପଞ୍ଚାୟତ ନିର୍ବାଚନ କୁ ଆଖିରେ ରଖି ବିଭିନ୍ନ ଆଶାୟୀ ପ୍ରାର୍ଥୀ ମାନେ ଗାଁଗହଳି ରେ ବିଭିନ୍ନ ଶୁଭେଚ୍ଛା ବାର୍ତ୍ତା ର ବ୍ୟାନର ରେ ମୁଖ୍ୟମନ୍ତ୍ରୀ, ବିଧାୟକ, ସାଂସଦ ଏପରିକି ଦଳୀୟ ଶଙ୍ଖ ଚିହ୍ନ ସହିତ ନିଜର ଫୋଟୋ  ମାନ ଲଗାଇଥିଲେ | ନିର୍ବାଚନୀ ଆଚରଣ ବିଧି ଅନୁଯାୟୀ ଏହି ହୋଡିଂ ଗୁଡିକ ହଟାଇ ଦିଆଯିବା କଥା | କିନ୍ତୁ ନୟାଗଡ଼ ଜିଲ୍ଲା ଖଣ୍ଡପଡା ବ୍ଳକ ପ୍ରଶାସନ ଏଥିପ୍ରତି ଗୁରୁତ୍ୱ ଦେଉନଥିବା ଦୃଷ୍ଟି ଗୋଚର ହୋଇଛି | ଏପରିକି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି ଯେ ଓଡିଶା ସରକାର ଙ୍କ ଅନୁଗାମୀ ହୋଇ ବ୍ଳକ ପ୍ରଶାସନ ଗାନ୍ଧାରୀ ଅଭିନୟ କରୁଛନ୍ତି | ଖଣ୍ଡପଡା ବ୍ଳକ ଏବଂ ପୋଲିସ ପ୍ରଶାସନ ଆଚରଣବିଧି  ଉପରେ ତତ୍ପରତା ପ୍ରକାଶ କରୁନଥିବା ହେତୁ ଆଗାମୀ ଦିନରେ ନିର୍ବାଚନ ପାଇଁ ସରକାରୀ କରୋନା କଟକଣା କେତେ ଦୂର ସଫଳ ହେବ ତାହା ଜଳଜଳ ଦେଖାଯାଉଛି ବୋଲି ସାଧାରଣରେ ହେଉଛି ଚର୍ଚ୍ଚା |