15-Jan-2022

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲାର ପର୍ଯ୍ୟଟନ ସ୍ଥଳୀ ବିନିକାର ପୁଣ୍ୟପିଠ ପାପକ୍ଷଟଘାଟ ସ୍ଥିତ ଚିରଶ୍ରୋତା ମହାନଦୀ ବାଲିରେ ଚଳିତ ନବବର୍ଷ-୨୦୨୨କୁ ସ୍ଵାଗତ ପାଇଁ ବଣଭୋଜିର ଆସର ଦିନକୁଦିନ ବଡ଼ିବାରେ ଲାଗିଛି ।ସୂଚନା ଯୋଗ୍ୟଯେ କୋଭିଡ଼ କଟକଣା ଜାରି

ରହିଥିଲେ ମଧ୍ୟ ଏହି ଐତିହାସିକ ପୀଠ ଏବେ ପର୍ଯ୍ୟଟକଙ୍କ ପାଇଁ ଆକୃଷ୍ଟ ସାଜିଛି ।ପ୍ରତିଦିନ ଜିଲ୍ଲା ତଥା ଜିଲ୍ଲା ବାହାରୁ ଲୋକଙ୍କ ଆଗମନ ହେଉଥିବା ଦେଖିବାକୁ ମିଳିଛି ।ମହାନଦୀର ମଧ୍ୟମ ସ୍ଥଳ ବିସ୍ତୀର୍ଣ୍ଣ ବାଲିରେ ତମ୍ଭୁ ଡାଙ୍କି କିଏ ଭୋଜି କରୁଛିତ ଆଉ କିଏ ଖେଲକୁଦରେ ମଜା ମଜଳିସ ଏବଂ ନଦୀରେ ନୌକା ବିହାର କରି ମଜ୍ଜା ନେଉଛନ୍ତି । ଅନ୍ୟପକ୍ଷରେ ପାପରୁ ମୁକ୍ତି ପାଇଁ ବଟବୃକ୍ଷ ଅର୍ଗଳିରେ ଗଲି ଆରପଟେ ବାହାରିବା,ପରିସରରେ ଥିବା ଶିବ,ହନୁମାନ,ରାଧାକୃଷ୍ଣ ମନ୍ଦିର ଏବଂ ନିର୍ମାଣାଧୀନ ଜଗନ୍ନାଥ ମନ୍ଦିର,ରାଜ୍ୟ ମସ୍ୟ ଉତ୍ପାଦନ କେନ୍ଦ୍ର ପର୍ଯ୍ୟଟକଙ୍କ ପାଇଁ ମୁଖ୍ୟ ଆକର୍ଷଣ ପାଲଟିଛି । ସେହିପରି ବ୍ଲକର ଆଉ ଏକ ପିକନିକ ସ୍ପଟ ହେଉଛି ବିନିକା-ରାମପୁର ମୁଖ୍ୟ ରାସ୍ତାର ଜାମପାଲି ନିକଟରେ ଥିବା ଧ୍ଵଜାବନ୍ଧା ପାହାଡ଼ । ରାସ୍ତାର ଗୋଟିଏ ପାର୍ଶ୍ବରେ ମାଁ ଘଣ୍ଟେଶ୍ୱରୀ ମନ୍ଦିର

ରହିଥିବା ବେଳେ ଅନ୍ୟପଟେ ଶିବ ମନ୍ଦିର ରହିଛି ।ସବୁଜ ବନାନୀରେ ଭରପୁର ପାହାଡ଼ର ମନୋରମ ଦୃଶ୍ୟ ସମସ୍ତଙ୍କ ପାଇଁ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି । କିଛିଦିନ ହେଲା ଖାଦ୍ୟ ଅନ୍ବେଷଣରେ ଜଙ୍ଗଲରୁ ଚାଲି ଆସି ଏଠାରେ ଡେରା ପକାଇଥିଵା ବଣୁଆ ହାତୀପଲଙ୍କ ଯୋଗୁଁ ଏହି ପିକନିକ ସ୍ଥଳ ଖାଁ ଖାଁ ହୋଇପଡିଛି ।ତଥାପି ବି ଦିନ ବେଲା ଯୁବପିଢି ସେଠାକୁ ଯାଇ ଭୋଜି ଆସର କରୁଥିବା ଦେଖିବାକୁ ମିଳିଛି ।