14-Jan-2022

ପାଟଣାଗଡ଼ ( ପୂର୍ଣ୍ଣ ଶଶୀ ଶେଖର ରାଓ):  ଅଙ୍ଗନବାଡ଼ି କେନ୍ଦ୍ରରେ ଶିଶୁ ମାନଙ୍କ ପାଇଁ ସରକାର ମଧ୍ୟାହ୍ନ ଭୋଜନ ପାଇଁ ଚାଉଳ ଯୋଗାଇ ଦେଉଥିବା ବେଳେ ସବୁ ହରିଲୁଟ ହେଉଥିବା ଦେଖିବାକୁ ମିଳୁଛି। ସୂଚନାଯୋଗ୍ୟ ଯେ ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଳକ ଯୁଗିମୁଣ୍ଡା ଗାଁ ର ଅଶୋକ ଜୈନ ବେଆଇନ ଭାବେ ଚାଉଳ ଗଚ୍ଛିତ କରି ରଖିଥିଲେ। କୌଣସି ସୂତ୍ରରୁ ଖବର ପାଇ ଜିଲ୍ଳା ଯୋଗାଣ ଅଧିକାରୀ ମିର ରାଜା ଅଲ୍ଳୀଙ୍କ ନିର୍ଦ୍ଦେଶକ୍ରମେ ପାଟଣାଗଡ଼ ଉପଖଣ୍ଡ ଯୋଗାଣ ଅଧିକାରୀ ମାୟାଧର ସାହୁ, ପାଟଣାଗଡ଼ ଯୋଗାଣ ନିରୀକ୍ଷକ ରାଜାରାମ  ହୋତା,ବେଲପଡା ଯୋଗାଣ ନିରୀକ୍ଷକ ବିଜୟାନନ୍ଦ କୁଲୁ ଗୁରୁବାର ସନ୍ଧ୍ୟାରେ ଯୁଗିମୁଣ୍ଡା ଅଶୋକ ଜୈନ ଙ୍କ ଗୋଦାମ ଘରକୁ ଚଢ଼ାଉ କରିଥିଲେ। ଚଢ଼ାଉ ସମୟରେ ଉକ୍ତ ଗୋଦାମ ଘରେ ୧୪୪୧ ପକେଟ୍ ଚାଉଳ ତଥା ୭୨୦ କ୍ଵିଣ୍ଟାଲ ଚାଉଳ ଏବଂ ଅଶୋକ ଜୈନ ଙ୍କ ଦୋକାନ ରେ ବ୍ରିକ୍ରୀ ହେଉଥିବା ସାର୍ ବସ୍ତା ଓ  କୀଟନାଶକ ଦ୍ରବ୍ୟ ଠାବ କରିଥିଲେ । ପ୍ରାଥମିକ

ତଦନ୍ତ ରୁ ଜଣାପଡିଛି ଯେ ଟ୍ରାନ୍ସପୋର୍ଟର ତୋଫାନ ମେହେରଙ୍କ ସହ ଚୁକ୍ତିନାମା କରି ଏହି ଚାଉଳ ରଖାଯାଇଥିଲା। ହେଲେ ଏଠି ପ୍ରଶ୍ନ ଉଠୁଛି ଯେ ଶିଶୁ ମାନଙ୍କୁ ଦେଉଥିବା ଖାଦ୍ୟ ଚାଉଳ ଏଠାରେ ରହିଛି କିପରି ? ଯାହା ଫଳରେ ଶିଶୁ ମାନଙ୍କ ସ୍ବାସ୍ଥ୍ୟ ଉପରେ ବିପଦ ଅଛି। ସରକାରୀ ନିୟମ ଅନୁସାରେ ୩

ମାସରେ ଥରେ ଚାଉଳ ଉଠାଯାଏ ଏବଂ ତୁରନ୍ତ ଅଙ୍ଗନବାଡ଼ି କେନ୍ଦ୍ର ମାନଙ୍କୁ ବିତରଣ କରାଯାଇଥାଏ। କିନ୍ତୁ ଏତେ ଦିନ ଧରି ଏଠାରେ ରହିବାର ମାନେ କ'ଣ ? ଏହି ସ୍ଥାନରେ ରଖିବାକୁ ପ୍ରଶାସନ ର ଆଦେଶ ଆଣିଥିଲେ କି ? ଯଦିଓ ପାଣିପାଗ ହେବା ଜାଣି ଥିଲେ ତାହେଲେ ଆର୍ ଏମ୍ ସି ରୁ ଚାଉଳ ଉଠାଇଥିଲେ କାହିଁକି ?ଏହି ବିଷୟରେ ଜିଲ୍ଲାପାଳ ସ୍ବତନ୍ତ୍ର ଦୃଷ୍ଟି ଦେଇ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି ହେଉଛି।