11-Nov-2020

କଳାହାଣ୍ଡି-କୋକସରା-(ତ୍ରିନାଥ ବେଶ୍ରା)
 ଦୀର୍ଘ ସାତ ମାସ ହେବ କରୋନା ମହାମାରୀ ର ତାଣ୍ଡବ। ହେଲେସବୁଆଡେ ଲାଗି ରହିଛି ସ୍ୱାସ୍ଥ୍ୟଗତ ସମସ୍ୟା, ଏଭଳି ବିକଟ ପରିସ୍ଥିତି ରେ  କଳାହାଣ୍ଡି ପୁଲିସ ପ୍ରଶାସନ ତରଫରୁ ଏକ ଅଭିନବ ପ୍ରୟାସ ଆରମ୍ଭ କରାଯାଇଛି ।ଧର୍ମଗଡ଼ ଓ ଭବାନୀପାଟଣା ରକ୍ତ ଭଣ୍ଡାରରେ ଆବଶ୍ୟକ ପରିମାଣର ରକ୍ତ ମହଜୁଦ ଲାଗି ପ୍ରତି ଥାନା ତଥା ଫାଣ୍ଡି ଅଞ୍ଚଳରେ ଏକ ସ୍ବେଚ୍ଛାକୃତ ରକ୍ତଦାନ ଶିବର ଆୟୋଜନ ଚାଲିଛି।ଆଜି କୋକସରା ଥାନା ତରଫରୁ ଚତୁର୍ଥ ଥର କୋକସରା ଜବାହାର ଉଚ୍ଚ ବିଦ୍ୟାଳୟ ଠାରେ ରକ୍ତଦାନ ଶିବର ଅନୁଷ୍ଠିତ ହୋଇଯାଇଛି। କୋକସରା ଥାନା ଅଧିକାରୀ ବାସୁଦେବ ଛ ତ୍ରି ଆ ଙ୍କୁ ଅଞ୍ଚଳରେ ଲୋକେ କୃତଜ୍ଞତା ଜ୍ଞାପନ କରିଛନ୍ତି । ଆଗାମୀ ଦିନରେ ଏହା ଅନେକଙ୍କ ଜୀବନ ବଞ୍ଚାଇବା ସହ ସ୍ୱାସ୍ଥ୍ୟ ବିଭାଗକୁ ଏକ ପ୍ରକାର ଶକ୍ତି ଯୋଗାଇବ ବୋଲି ଆଶା କରାଯାଉଛି। କଳାହାଣ୍ଡି ପୋଲିସ ପକ୍ଷରୁ ତରଫରୁ ଧର୍ମଗଡ଼ ଏସ୍.ଡି.ପି.ଓ  ନାରାୟଣ ନାଏକ,ତଥା  ଥାନା ର ଏସଆଇ ମନୋରଞ୍ଜନ ଆଚାର୍ଯ୍ୟ, 
କନେଷ୍ଟବଲ ଯୁବରାଜ ପୁଝାରୀ, ମୁକୁ ହରିଜନ, ଚନ୍ଦ୍ର ମାଝୀ, ସୁଧାଂଶୁ କୁମ୍ଭାର, ତଥା  ସମସ୍ତ କର୍ମଚାରୀ ଉପସ୍ଥିତ ଥିଲେ। ଧର୍ମଗଡ଼ ରକ୍ତ ଭଣ୍ଡାର ର କର୍ମଚାରୀ ରକ୍ତ ସଂଗ୍ରହ ରେ ସହଯୋଗ କରିଥିଲେ |ରକ୍ତଦାତା ମାନଙ୍କୁ ପୋଲିସ ପକ୍ଷରୁ ବିଭିନ୍ନ ପ୍ରକାର ପୁଷ୍ଟିକର ଖାଦ୍ୟ ଦେବା ସହ ସାଟିଫିକେଟ ପ୍ରଦାନ କରିଥିଲେ | କଳାହାଣ୍ଡି ପୋଲିସ ର ଏଭଳି ଲୋକ କଲ୍ୟାଣ ମନଭାବ ଓ ଶୁଭ ସଂକଳ୍ପ ଅଞ୍ଚଳରେ ଶାନ୍ତି ଓ ପ୍ରେରଣାଦାୟକ ବାତାବରଣ ସୃଷ୍ଟି କରିଛି।l