09-Jan-2022

ବଲାଙ୍ଗିର(ପ୍ରେରଣା ଖବର)  : ବଲାଙ୍ଗିର ସିଭିଲ କୋର୍ଟ ମୁଖ୍ୟ କିରାଣୀ ପଞ୍ଚାନନ ପଟ୍ଟନାୟକ ଓ  ଜିଲ୍ଲା ଜଜ କୋର୍ଟ ପେସ୍କାର କୃଷ୍ଣ ପ୍ରସାଦ ମିଶ୍ର ଡିସେମ୍ବର  ୩୧ ତାରିଖ ଦିନ  ଅବସର ଗ୍ରହଣ କରିଥିବା ପରିପ୍ରେକ୍ଷୀରେ ସିଭିଲ କୋର୍ଟ ପରିସରରେ ବିଚାରବିଭାଗୀୟ କର୍ମଚାରୀ ସଂଘର ସଭାପତି ପ୍ରକାଶ କୁମାର ନେପାକଙ୍କ ସଭାପତିତ୍ୱରେ  ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି l ବଲାଙ୍ଗିର ଜିଲ୍ଲା ଦୌରାଜଜ ଶ୍ରୀ ଲୋକନାଥ ମହାପାତ୍ର ମୁଖ୍ୟ ଅତିଥି ରୂପେ ଯୋଗଦାନ କରି ଅବସର ଗ୍ରହଣ କରିଥିବା କର୍ମଚାରୀଙ୍କୁ ଉପଢୌକନ ସହ ମାନପତ୍ର ପ୍ରଦାନ କରି ସମ୍ମାନିତ କରିଥିଲେ l   ସଭାକୁ ବରିଷ୍ଠ କର୍ମଚାରୀ  ଦୂତିଆ ଦେହୁରୀ ସଂଯୋଜନା କରିଥିଲେ l ଶ୍ରଦ୍ଧାଞ୍ଜଳି ମେହେର ମାନପତ୍ର ପାଠ କରିଥିଲେ l ବରିଷ୍ଠ କର୍ମଚାରୀ ରାଜେନ୍ଦ୍ର ଦାସ ଓ ଜ୍ୟୋତିମୟୀ ବେଜ ତଥା ଅବସର ଗ୍ରହଣ କରିଥିବା କର୍ମଚାରୀ ପଞ୍ଚାନନ ପଟ୍ଟନାୟକ ଓ କୃଷ୍ଣ ମିଶ୍ର ପ୍ରମୁଖ ସଭାରେ ଉଦବୋଧନ ଦେଇଥିଲେ  l ଏହି ସଭାରେ ବଲାଙ୍ଗିର ସିଭିଲ କୋର୍ଟ ର  ସମସ୍ତ ଵିଚାର ବିଭାଗୀୟ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ l ସଭାରେ ବିଦାୟୀ କର୍ମଚାରୀଙ୍କ ଚାକିରୀ ଜୀବନରେ ଶୃଙ୍ଖଳିତ ଓ କର୍ମଠ କାର୍ଯ୍ୟଶୈଳୀକୁ ଜିଲ୍ଲା ଜଜ  ପ୍ରଂଶସା କରିଥିଲେ ଏବଂ ସଂଘ ର ଅବଦାନ କୁ ମଧ୍ୟ ପ୍ରଂଶସା କରିଥିଲେ l