05-Jan-2022

ପଦ୍ମପୁର:-ପଦ୍ମପୁର ଉପଖଣ୍ଡ ଅନ୍ତର୍ଗତ  ପାଇକମାଲ ଏମ. ଇ ସ୍କୁଲ ଖେଳ ପଡିଆ ଠାରେ ନୃସିଂହନାଥ କ୍ରିକେଟକପ ବୁଧବାର ଉଦଘାଟିତ ହୋଇଯାଇଛି । ମୂଖ୍ୟ ଅତିଥି ଭାବେ ବରତୁଣ୍ତାର ଯୁବ ସମାଜ ସେବୀ  ଗୋବିନ୍ଦ ସୁନା, ସମ୍ମାନିତ ଅତିଥି ଭାବେ କୁସୁମ ରାଓ, ଲୋହିତ ବାରିକ, ପ୍ରଦିପ୍ତ ସାହୁ, ପ୍ରମୋଦ ପ୍ରଧାନ, ସୁଶାନ୍ତ ସାହୁ, ପ୍ରହଲ୍ଲାଦ ପଟେଲ ଯୋଗ ଦେଇ ଖେଳକୁ ଉଦଘାଟନ କରିଥିଲେ । ଏହି ଟୁର୍ଣ୍ଣାମେଣ୍ଟ ୫ଦିନ ଧରି ଚାଲିବ ବୋଲି କ୍ଲବ ସଭାପତି ସୁଶାନ୍ତ ପାଣିଗ୍ରାହୀ ସୂଚନା ଦେଇଛନ୍ତି । ଆଜି ପ୍ରଥମଦିନରେ ପାଇକମାଲ, ପୁରେନା, ଗୁରୁଣ୍ତା, ଚେରେଙ୍ଗାଝାଞ୍ଜ, କେନ୍ଦୁଭଟ୍ଟା, ଛିନ୍ଦେଇକେଲା, ଭୁବନେଶ୍ବରପୁର, ସୋନପୁର ଦଳକୁ ନେଇ ୭ଟି ମ୍ୟାଚ ଅନୁଷ୍ଠିତ ହୋଇଥିଲା । ପ୍ରଥମ କ୍ବାଟର ଫାଇନାଲ ପାଇକମାଲ ଓ ଚେରେଙ୍ଗାଝାଞ୍ଜ ମଧ୍ୟରେ ଅନୁଷ୍ଠିତ ହୋଇଥିଲା । ପାଇକମାଲ ଦଳ ପ୍ରଥମେ ବ୍ୟାଟିଙ୍ଗ କରି ୨ ଉଇକେଟ ହରାଇ ୯୪ ରନ କରିଥିଲା । ୯୫ ରନ ର ପିଛାକରି ଚେରେଙ୍ଗାଝାଞ୍ଜ ଦଳ ନିର୍ଦ୍ଧାରିତ ଓଭର ରେ ୭ ଉଇକେଟ ହରାଇ  ୫୪ ରନ କରି ପରାଜିତ ହୋଇଥିଲେ । ହିମାଂଶୁ ରାଉତ ମ୍ୟାନ ଅଫ ଦି

ମ୍ୟଚ୍ ହୋଇ ପୁରସ୍କୃତ ହୋଇଥିଲେ । ପାଇକମାଲ ପ୍ରଥମ ଦଳ ଭାବେ ସେମି ଫାଇନାଲରେ ପ୍ରବେଶ କରିଛନ୍ତି । ରବିନ୍ଦ୍ର ବେହେରା, ଆଦିତ୍ୟ ସାହୁ ଓ ଆଶୁତୋଷ ଦାସ ଖେଳ ପରିଚାଳନା କରିଥିବା ବେଳେ ଅମନ ପ୍ରଧାନ, ଚନ୍ଦନ ପ୍ରଧାନ ଧାରାବିବରଣୀ ପ୍ରଦାନ କରିଥିଲେ । ରାଜିବ ସ୍ବାଇଁ ଓ ବାବୁଲୁ ସାହୁ ସ୍କୋର ର ଦାୟିତ୍ବ ତୁଲାଇଥିଲେ ।  ଜଗନ ସ୍ବାଇଁ, ମୁସ୍ତାକିନ ମହମ୍ମଦ, ଯାଦବ ସାହୁ, ହେମାନନ୍ଦ ରାଜହଂସ, ଦିପକ କର, ଶଶାଙ୍କ ମିଶ୍ର, ସରୋଜ ପ୍ରଧାନ, ଅଟଳ ସରାଫ ପ୍ରମୁଖ ସହଯୋଗ କରିଥିଲେ ।