03-Jan-2022

ସୁବର୍ଣ୍ଣପୁର// ଗତକାଲି ସିଦ୍ଧ ତୋପ ସେବାବନ ସୀତାରାମ ଡମ୍ବରୁଗଡ଼ ମଠ ଠାରେ ମହନ୍ତ ଗିରିବର ଦାସ ତ୍ୟାଗୀ ମହାରାଜଙ୍କ ତେରେହୀ ମହୋତ୍ସବ ଅନୁଷ୍ଠିତ ହୋଇଥିଲା l ଏଥିରେ କୋଭିଡ କଟକଣା ସହିତ ନିରାଡ଼ମ୍ବର ଭାବେ ଆୟୋଜନରେ ବିଭିନ୍ନ ଅଂଚଳରୁ ସାଧୁସନ୍ଥ ଯୋଗଦେଇ ମହାରାଜଙ୍କ ଫଟୋ ଚିତ୍ରରେ ଧୂପ ପୁଷ୍ପ ଅର୍ପଣ କରି ଶ୍ରଦ୍ଧାଞ୍ଜଳି ଜ୍ଞାପନ କରି ଥିଲେ lଏହି ଅବସରରେ ବାବା ସର୍ବେଶ୍ୱର ଦାସଙ୍କୁ ଡମ୍ବରୁଗଡ଼ ମଠର ମହନ୍ତ ଭାବେ ମୋନନୀତ କରାଯାଇ ଦାଇତ୍ୱ ଅର୍ପଣ କରାଯାଇଥିଲା l ମହନ୍ତ ବିହାରୀ ଦାସ ଓ ଗିରିବର ଦାସଙ୍କ ସମସ୍ତ ଶିଷ୍ୟ ଓ ଭକ୍ତମାନେ ଆୟୋଜନରେ ସହଯୋଗ କରିଥିଲେ l କାର୍ଯ୍ୟକ୍ରମ ରେ ଦୂର ଦୁରାନ୍ତ ର ଶହ ଶହ ସାଧୁ ସନ୍ୟାସୀ, ଭକ୍ତ ଶ୍ରଦ୍ଧାଳୁ ଯୋଗ ଦେଇ ମହନ୍ତ ଗିରିବର ଦାସ ଜୀ ମହାରାଜଙ୍କ ଗୁଣଗାନ କରିଥିଲେ l ଶ୍ରୀ ଦାସଙ୍କ ଅମାୟିକ ବ୍ୟବହାର ସହିତ ଦୀର୍ଘ ବର୍ଷ ରୁ ବଲାଙ୍ଗୀର,

ବୌଦ୍ଧ , ଓ  ସୁବର୍ଣ୍ଣପୁର ଜ଼ିଲ୍ଲା ର ସବୁ ଅଂଚଳ ରେ ଆଧ୍ୟାତ୍ମିକ ପରିବେଶ ସୃଷ୍ଟି କରିଥିବା ବିଷୟ, ହିମାଳୟ ରେ କିଛି ବର୍ଷ ତପସ୍ୟା କରିଥିବା  କଥା ଏବଂ  25 /30 ବର୍ଷ ପୂର୍ଵ ରୁ  ବର୍ଷା ଅଭାବ ଓ ମରୁଡି ବେଳେ ଲୋକେ ହାହାକାର ହେଉଥିବା ସମୟରେ ତାଙ୍କ ସିଦ୍ଧି ପୀଠ ମୂଳ ପୀଠ ପାଇକବାହାଲ ମଠ ର ପାହାଡ଼ ଉପରେ ତପସ୍ୟା ବଳ ରେ  ବର୍ଷା କରାଇଥିବା ଚମତ୍କାର ଘଟଣା  ଅନେକ ଅଲୌକିକ ଘାଟଣା ସବୁ ଶ୍ରୀ ଦାସ ଙ୍କୁ ଚିର ସ୍ମରଣୀୟ କରି  ରଖିବ l