31-Dec-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ)//  ନୁଆଁ ବର୍ଷ ରେ ଦୂର ଦୁରାନ୍ତର ର ପର୍ୟ୍ୟଟକ ଙ୍କୁ ଆକୃଷ୍ଟ କରିଵା ପାଈଁ ଡିସେମ୍ବର ଶେଷ ସପ୍ତାହ ରେ ସ୍ୱଚ୍ଛ ଭାରତ ସଂଗଠନ  ସୋନପୁର -ମନମୁଣ୍ଡା ପକ୍ଷରୁ ସ୍ଥାନୀୟ  ଇଷ୍ଠ ଦେବୀ ମା ସୁରେଶ୍ୱରୀ ଙ୍କ ମନ୍ଦିର, ପଟାଭାଡ଼ି ସ୍ଥିତ ଶ୍ରୀ ଲୋକନାଥ ଶୈବ ପୀଠ, ଶ୍ରୀ ରାମେଶ୍ୱର ତ୍ରିବେଣୀ ସଙ୍ଗମ,  ସୋନପୁର ଓ ମନମୁଣ୍ଡା ର ଶ୍ରୀ ସୁବର୍ଣ୍ଣମେରୁ ଶୈବ ପୀଠ, ତେଲ ନଦୀ ଓ ମହାନଦୀ ପାର୍ଶ୍ଵରେ ଥିବା ଏଭଳି ବିଭିନ୍ନ ମନ୍ଦିର ଓ ବଣ ଭୋଜି ସ୍ପଟ ରେ  ସ୍ୱତନ୍ତ୍ର ସଫେଇ ଅଭିଯାନ ଆୟୋଜନ କରାଯାଇଥିଲା l  ସଂଗଠନର  ସଭାପତି ଲଷ୍ମୀ ନାରାୟଣ ମେହେର  ଓ ଅନ୍ୟତମ ପ୍ରତିଷ୍ଠାତା ସୟଦ ଅଲିମୁଲ ଇସଲାମ ଙ୍କ ପରାମର୍ଶ ଓ ତତ୍ୱାବଧାନ ରେ ଉପଦେଷ୍ଟା ତଥା ବରିଷ୍ଟ ସଭ୍ୟ ଶ୍ରୀ ଗରିବ ଲୋଇ, ଅଶୋକ ହୋତାଙ୍କ ସକ୍ରିୟ

ଯୋଗଦାନ ରେ ଏହି ସାପ୍ତାହିକ ଅଭିଯାନ ଶିବିର ଅନୁଷ୍ଠିତ ହୋଇଯାଇଛି l ଏହି  ଅଭିଯାନକୁ ସଂଗଠନର  ସମ୍ପାଦକ ମନୋରଞ୍ଜନ ତ୍ରିପାଠୀ ସଂଯୋଜନା କରିଥିବା ବେଳେ ଏହି ଅଭିଯାନର ସମସ୍ତ କାର୍ଯ୍ୟକ୍ରମ ରେ  ରାମ ଅଗ୍ରୱାଲ, ପ୍ରମୋଦ ସାହୁ, ତରଣୀ ମେହେର, ତ୍ରିଲୋଚନ ତରୀଆ, ସିମାଞ୍ଚଳ ହୋତା, ଜୟନାରାୟଣ ସାହୁ, ଜୟନ୍ତ ବେହେରା,  ଦିଲ୍ଲୀପ ଭୁକ୍ତା, ମନୋଜ ପଣ୍ଡା, ଚୌଧୀରି ବିଭାର, ଲଡ଼ୁକିଶୋର ମଲ୍ଲିକ,ଗୋକୁଳ ଠାକୁର, ପ୍ରତାପ ଦାଶ, ରାମୁ ତିୱାର,ପ୍ରମୋଦ ମାହାଣl, ପ୍ରଫୁଲ୍ଲ ନାଏକ, କ୍ରିଷ୍ନା ମେହେର, ପ୍ରମୁଖ ସମସ୍ତ ସକ୍ରିୟ ସଭ୍ୟ ଏହି ମହତ କାର୍ଯ୍ୟ ରେ ଯୋଗ ଦେଇ ପର୍ଯ୍ୟଟକ ଙ୍କୁ ସ୍ୱାଗତ କରିଥିଲେ l ସୁବର୍ଣ୍ଣପୁରର ଏହି ଐତିହାସିକ ପୀଠ ଓ ପର୍ୟ୍ୟଟନ କ୍ଷେତ୍ର ମାନଙ୍କ ରେ ନୁଆଁ ବର୍ଷ ଡିସେମ୍ବର ଓ ଜାନୁଆରୀ ମାସ ରେ ସହରର ଶ୍ରୀ ଲୋକନାଥ ମନ୍ଦିର, ଶ୍ରୀ ରାମେଶ୍ୱର ମନ୍ଦିର ଶ୍ରୀ ସୁବର୍ଣ୍ଣମେରୁ  ମନ୍ଦିର, ମା ସୁରେଶ୍ୱରୀ, ମା ଲଙ୍କେଶ୍ୱରୀ , ଗୋକୋନେଶ୍ୱର ମନ୍ଦିର ସମେତ ମହାନଦୀ ତେଲ ନଦୀ ପାଖ ଆଖ ଅଂଚଳ ରେ ପ୍ରତିବର୍ଷ ବଣ ଭୋଜି ପାଈଁ ରାଜ୍ୟ ସାରା ଲୋକଙ୍କ ଭିଡ଼ ଜମୁଥିବାରୁ ସ୍ୱଚ୍ଛ ଭାରତ ସଂଗଠନ ସୋନପୁର -ମନମୁଣ୍ଡା ଓ  ସ୍ଥାନୀୟ ପୌର ପରିଷଦ  ର ମିଳିତ ସହଯୋଗ ରେ ସହର ର ବିଭିନ୍ନ ମନ୍ଦିର ଓ ପର୍ୟ୍ୟଟନ କ୍ଷେତ୍ରରେ ସ୍ୱତନ୍ତ୍ର ସଫେଇ ଅଭିଯାନ ପ୍ରତିବର୍ଷ  ଲଗାତାର ଭାବେ ଚାଲୁରହିଥାଏ l  ବିଭିନ୍ନ ପର୍ବ ପର୍ବାଣି, ଗାନ୍ଧୀ ଜୟନ୍ତୀ,  ମେଡିକାଲ, ରୋଗୀ ସେବା ଶ୍ରମ, ସ୍କୁଲ କଲେଜ, ପଏଁରୀ ଅନୁଷ୍ଠାନ ଓ ସରକାରୀ ବେସରକାରୀ ବିଭିନ୍ନ ଜାନି ଯାତ୍ରା, ଲୋକ ମହୋତ୍ସବ ମାନଙ୍କରେ ସଂଗଠନ ପକ୍ଷରୁ ସ୍ୱତନ୍ତ୍ର ସଫେଇ ଅଭିଯାନ, ପଲିଥିନ ମୁକ୍ତ ଅଭିଯାନ, ଗୋ ଶ୍ରଦ୍ଧା ଅଭିଯାନ, ରକ୍ତ ଦାନ ପାଈଁ ପ୍ରୋତ୍ସାହନ ଦେବା, ବୃକ୍ଷ ରୋପଣ, ଭଳି ବିଭିନ୍ନ ସଚେତନତା ଅଭିଯାନ ସମେତ ସହିଦ ଙ୍କୁ ଶ୍ରଦ୍ଧାଞ୍ଜଳି, ବାର୍ଷିକ ଉସ୍ସବ ରେ ବିଭିନ୍ନ ଜ଼ିଲ୍ଲା ର ସମାଜସେବୀ ମାନଙ୍କୁ ସମ୍ବର୍ଦ୍ଧନା ଭଳି  ସଂଗଠନ ପକ୍ଷରୁ ବିଭିନ୍ନ ମହତ କାର୍ଯ୍ୟକ୍ରମ ମାନ ଉଭୟ ସହର ରେ ବର୍ଷ ସାରା  ପାଳନ କରାଯାଇଥାଏ  ବୋଲି ସଂଗଠନ ର ସଭାପତି ଲଷ୍ମୀନାରାୟଣ ମେହେର, ଉପ -ସଭାନେତ୍ରୀ ଇନ୍ଦୁମତୀ ପୁରୋହିତ ମତ କରିଛନ୍ତି l ଏହା ବ୍ୟତୀତ ୨୦୧୫ ରେ ସ୍ଥାନୀୟ ଫରେଷ୍ଟ ପାର୍କ ଠାରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ରେ ପ୍ରଶାସନ ର  ଘୋର ଅବହେଳା ଯୋଗୁଁ ୪୦୦ ରୁ ଉର୍ଧ୍ଵ ଗଛ ଠାଏ ଠାଏ ଖରା ରେ

ମରି ମରି ଯାଉଥିବା ବେଳେ ସ୍ୱଚ୍ଛ ଭାରତ ସଂଗଠନ ସଙ୍କଟମୋଚକ ଭଳି ଅଣ୍ଟା ଭିଡି ଗଛ ବଞ୍ଚାଅ ଅଭିଯାନ ରେ ଦୀର୍ଘ ଦୁଇ ତିନି ମାସଧରି ନଳ କୂପ ରୁ ପାଣି ଦେଇ ସଂଘର୍ଷ  ଜାରି ରଖିଥିଲା l ଏବଂ  ବିଧାୟକ,ଜ଼ିଲ୍ଲାପାଳ, ଏସ -ପି, ପୌର      ପରିଷଦ ସମେତ ବିଭିନ୍ନ ଅଧିକାରୀ, ସହର ର କିଛି ବୁଦ୍ଧିଜୀବୀ, ପାର୍କ ର ମର୍ନିଙ୍ଗ ୱାକର୍ସ, ସମସ୍ତ ଙ୍କୁ ଏଥିରେ ସାମିଲ କରାଇ ଏକ ନିଶ୍ଚିତ ମୃତ୍ୟୁ ମୁଖରୁ ଗଛ ଗୁଡିକୁ ପୁନର୍ଜନ୍ମ ଦେବା ରେ ସକ୍ଷମ ହୋଇଥିଲା ସଂଗଠନ l ଯେଉଁ ଗଛ ସବୁ କି ଆଜି ସହର ବାସୀ ଙ୍କୁ, ଦୂରଦୁରାନ୍ତର ପର୍ୟ୍ୟଟକଙ୍କୁ ହସି ହସି ସ୍ୱାଗତ କରୁଛି ଖୋଲା ଅମ୍ଳଜାନ ଯୋଗାଉଛି, କୋଭିଡ ସଙ୍କଟ ବେଳେ ଲୋକ ଙ୍କୁ ବଞ୍ଚାଇଛି l ଯାହାକି ସଂଗଠନ ର ସମସ୍ତ ସଭ୍ୟଙ୍କୁ ଖୁବ ଆତ୍ମସନ୍ତୋଷ ମିଳିଛି l ସ୍ୱଚ୍ଛ ଭାରତ ସଂଗଠନ ର ଏଇ ମହତ କାର୍ଯ୍ୟ ସବୁଦିନ ସ୍ମରଣୀୟ ହୋଇ ରହିବ ଏବଂ  ଆଗାମୀ ଯୁବ ପିଢୀଙ୍କୁ ପ୍ରେରଣା ଦେବ ବୋଲି ସଂଘର ଉପଦେଷ୍ଟା  ପ୍ରଦୀପ ପୁରୋହିତ, ବିନୋଦ ମେହେର, ପ୍ରକାଶ କରିଛନ୍ତି l