30-Dec-2021

ବଲାଙ୍ଗିର (ପ୍ରେରଣା ଖବର) : ସ୍ଥାନୀୟ ପି.ପି. ଏକାଡେମୀ ଠାରେ ବରିଷ୍ଠ ସାମ୍ବାଦିକ ଅରବିନ୍ଦ ଦାସ୍ ଙ୍କୁ ବଲାଙ୍ଗୀର ଦିନ କମିଟି ତରଫରୁ ସମ୍ବର୍ଦ୍ଧିତ କରାଯାଇଛି । ଏହି ଉଦ୍ଦେଶ୍ଯରେ ଶ୍ରୀ ଦାସ୍ ବଲାଙ୍ଗୀରର ଐତିହ୍ୟ, ସଂସ୍କୃତି, ପରମ୍ପରା ଓ ଭାଷା ସାହିତ୍ୟ ଉପରେ ଆଲୋକପାତ କରିବା ସହ ବଲାଙ୍ଗୀରର ବରପୁତ୍ର ମାନଙ୍କୁ ମନେ ପକାଇବାପାଇଁ ନାଗରିକ ମାନେ ଆଗେଇ ଆସିବା ପାଇଁ ଅନୁରୋଧ କରିଥିଲେ । ଉପସ୍ଥିତ ନାଗରିକ ଓ ବୁଦ୍ଧିଜୀବୀ ମାନେ ବଲାଙ୍ଗୀରର ବିଭିନ୍ନ ସମସ୍ୟା ଯଥା ବାଏପାସ୍, ବଲାଙ୍ଗୀର ଖୋର୍ଦ୍ଧା ରେଲ୍ ଲାଇନ୍, ଟ୍ରାଫିକ ସମସ୍ୟା ଆଦି ଉପରେ ଖବର କାଗଜ ମାଧ୍ୟମରେ ସରକାରଙ୍କ ପାଖକୁ ପହଞ୍ଚାଇବା ପାଇଁ ଶ୍ରୀ ଦାସ୍ ଙ୍କୁ ଅନୁରୋଧ କରିଥିଲେ । ଏହି କାର୍ଯକ୍ରମ ରେ ବିକ୍ରମ ବହିଦାର, ରତନ ମହାରଣା, ପ୍ରଭାସ ପାଣିଗ୍ରାହୀ, ପ୍ରଭାକର ମିଶ୍ର, ଲୋଟସ ଷଡ଼ଙ୍ଗୀ, ସଞ୍ଜୀବ ସାହୁ , ବିକାଶ ସା, କାହ୍ନା ଶତପଥି , ଶୋଭନ ଅଗ୍ରୱାଲ, ପ୍ରିୟଙ୍କା ପଟ୍ଟନାୟକ, ଅଙ୍କିତା ପଟ୍ଟନାୟକ, ପଦ୍ମାଳୟା ବାରିକ , ସୁଷମା ବହିଦାର ଆଦି ବହୁ ଅନୁଷ୍ଠାନ ର ସଦସ୍ୟ ଉପସ୍ଥିତ ରହିଥିଲେ । ଏହି କାର୍ଯ୍ୟକ୍ରମରେ ଅର୍ଜୁନ କୁମାର ସାହୁ ସ୍ଵାଗତ ଭାଷଣ ଦେଇଥିବାବେଳେ ଅଧ୍ୟକ୍ଷ ଅଙ୍କୁଶ ପାଣ୍ଡିଆ ସଭା ପରିଚାଳନା କରିଥିଲେ ଶେଷରେ ପ୍ରଶାନ୍ତ ମହାକୁର୍ ଧନ୍ୟବାଦ୍ ଅର୍ପଣ କରିଥିଲେ ।