27-Dec-2021

ବରଗଡ଼/ଅତାବିରା:-ବରଗଡ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ଲହଣ୍ଡା ପଂଚାୟତ ର ଲହଣ୍ଡା ଗ୍ରାମର ସ୍କୁଲ ପଡିଆରେ ଚଳିତ ମାସ ୨୩ତାରିଖରୁ ଆରମ୍ଭ ହୋଇ  ଚାରିଦିନ ପର୍ଯ୍ୟନ୍ତ ଲାଗିରହିଥିବା  କ୍ରିକେଟ ଟୁର୍ନାମେଣ୍ଟ (ଲହଣ୍ଡା ପ୍ରିମିଅର ଲିଗ ) ରବିବାର ୨୬ତାରିଖରେ ଫାଇନାଲ ଖେଳ ହୋଇଯାଇଛି | ଏହି ଟୁର୍ନାମେଣ୍ଟରେ ଗ୍ରାମର ଚାରୋଟି ପ୍ରତିଯୋଗୀ ଦଳ ରାଇଜିଙ୍ଗ ଷ୍ଟାର, ତେଜଶ୍ରୀ ଫାଇଟର,ଯେଏସଆର ଷ୍ଟ୍ରାଇକର, ନିଞ୍ଜା ସିକ୍ସର ଯୋଗଦେଇ ଟୁର୍ନାମେଣ୍ଟ ହୋଇଥିଲା | ଶେଷରେ  ରାଇଜିଙ୍ଗ ଷ୍ଟାର ଓ ତେଜଶ୍ରୀ ଫାଇଟର ମଧ୍ୟରେ ଫାଇନାଲ ଖେଳ ହୋଇଥିଲା ଓ ରାଇଜିଙ୍ଗ ଷ୍ଟାର ଟସ ଜିତି ପ୍ରଥମେ ବେଟିଂ କରିଥିଲେ  ଏବଂ ପରେ ତେଜଶ୍ରୀ ଫାଇଟର ପାଇଥିବା ଟାର୍ଗେଟକୁ ପୂରଣ କରିଥିଲେ ଓ ଏହି ଟୁର୍ନାମେଣ୍ଟର ଚମପିଏନ ଟିମ ହୋଇଥିଲେ | ଏହି ଅବସରରେ ମୁଖ୍ୟଅତିଥି ଭାବରେ ଅତାବିରା ଏସଏସ ଟେଲିକମ ମୁଖ୍ୟ ତଥା ଯୁବ ସାମ୍ବାଦିକ ଖିରୋଜ ନାୟକ ଯୋଗଦେଇଥିବା ବେଳେ କୁବେର ବାରିକ,କିଶୋର ପ୍ରଧାନ,ସୁଦୀପ୍ତ ପ୍ରଧାନ  ସମ୍ମାନିତ ଅତିଥି ଭାବରେ ମଂଚାସୀନ ରହିଥିଲେ | ଗ୍ରାମର ଯୁବ ସମାଜସେବୀ ତଥା କ୍ରୀଡାପ୍ରେମି  ବିକାଶ ବେହେରା ଖେଳ ପରିଚାଳନା

କରିଥିଲେ ଓ ଅତିଥି ପରିଚୟ ଦେଇଥିଲେ | ସମସ୍ତ ଅତିଥି ମାନଙ୍କ ଦ୍ୱାରା ଖେଳରେ ଭଲ ପ୍ରଦର୍ଶନ କରିଥିବା ଖେଳାଳି ମାନଙ୍କୁ ଟ୍ରଫି ଓ ଅର୍ଥରାଶି ଦେଇ ସମ୍ମାନିତ କରାଯାଇଥିଲା | ପୁରାତନ କ୍ରିକେଟ ଖେଳାଳି ମାନଙ୍କୁ ମଧ୍ୟ ଉପଢୌକନ ଦେଇ  ସମ୍ମାନିତ କରାଯାଇଥିଲା ଏବଂ ସେମାନେ ଖେଳରେ  କରୁଥିବା  ପ୍ରଦର୍ଶନକୁ ପ୍ରଶଂସା କରିଥିଲେ | ସୁମନ୍ତ ମହାକୁର ଏହି ପ୍ରିମିଅର ଲିଗରେ ସୁନ୍ଦର ପ୍ରଦର୍ଶନ କରି ମେନ ଅଫ ଦି ସିରିଜ କପ ନେଇଛନ୍ତି | ସମସ୍ତ ଅତିଥି ମାନେ ଆଗାମୀ ଦିନରେ କିଭଳି ଭାବରେ ଲହଣ୍ଡା ପ୍ରିମିଅର ଲିଗକୁ ଆହୁରି ସୁନ୍ଦର କରିବା ଦିଗରେ ଆଲୋଚନା କରିଥିଲେ | ଶେଷରେ  ଖିରୋଜ ନାୟକ  ଜଳୁଥିବା ମଶାଲକୁ  ଲିଭେଇ ଖେଳ ସମାପ୍ତିର ଘୋଷଣା କରିଥିଲେ ଏବଂ ଶ୍ରୀଯୁକ୍ତ କିଶୋର ପ୍ରଧାନ  ଧନ୍ୟବାଦ ଅର୍ପଣ କରିଥିଲେ